નવી દિલ્હી20 મિનિટ પેહલા
- કૉપી લિંક
હરીશ સાલ્વે ઉપરાંત, બાર કાઉન્સિલ ઓફ ઈન્ડિયાના અધ્યક્ષ મનન મિશ્રા સહીત 500થી વધુ વકીલોએ CJI ચંદ્રચુડને પત્ર લખ્યો હતો.
દેશના પૂર્વ સોલિસિટર જનરલ હરીશ સાલ્વે સહિત 600થી વધુ વરિષ્ઠ વકીલોએ ચીફ જસ્ટિસ ઓફ ઈન્ડિયા ડીવાય ચંદ્રચુડને પત્ર લખ્યો છે. તેમાં કહ્યું છે કે ન્યાયતંત્ર જોખમમાં છે અને રાજકીય અને પ્રોફેશનલ દબાણ સામે તેને બચાવવું પડશે.
વકીલોએ લખ્યું છે કે ન્યાયિક અખંડિતતાને નબળી પાડવાનો પ્રયાસ કરવામાં આવી રહ્યો છે. અમે એવા લોકો છીએ જે કાયદાને જાળવી રાખવા માટે કામ કરીએ છીએ. અમારું માનવું છે કે અમારે કોર્ટોને બચાવવા માટે આગળ આવવું પડશે. હવે સાથે મળીને અવાજ ઉઠાવવાનો સમય આવી ગયો છે. છુપાઈને હુમલા કરનારાઓ સામે બોલવાનો સમય આવી ગયો છે. આપણે એ સુનિશ્ચિત કરવું જોઈએ કે કોર્ટ લોકશાહીનો આધારસ્તંભ બની રહે. આ હુમલાઓની તેના પર કોઈ અસર ન પડે.
26 માર્ચે લખેલો પત્ર
‘ આદરણીય સાહેબ, અમે બધા તમારી સાથે અમારી મોટી ચિંતા શેર કરી રહ્યા છીએ. એક વિશેષ ગ્રુપ ન્યાયતંત્ર પર દબાણ લાવવાનો પ્રયાસ કરી રહ્યું છે. આ જૂથ ન્યાયિક વ્યવસ્થાને અસર કરી રહ્યું છે અને તેમના રાજકીય એજન્ડા હેઠળ ઉલટાના આરોપ લગાવીને કોર્ટોને બદનામ કરવાનો પ્રયાસ કરી રહ્યું છે.
તેમના આ કૃત્યોને કારણે ન્યાયતંત્રની લાક્ષણિકતા ધરાવતા સંવાદિતા અને વિશ્વાસનું વાતાવરણ ડહોંળાઈ રહ્યું છે. રાજકીય બાબતોમાં દબાણની આંટીઘુંટી સામાન્ય છે, ખાસ કરીને એવા કિસ્સાઓમાં કે જેમાં રાજનેતા સામે ભ્રષ્ટાચારનો આરોપ હોય. આ યુક્તિઓ આપણી કોર્ટોને નુકસાન પહોંચાડી રહી છે અને લોકતાંત્રિક માળખાને જોખમમાં મૂકી રહી છે.
આ વિશેષ ગ્રુપ ઘણી રીતે કામ કરે છે. તેઓ આપણી કોર્ટોના સોનેરી ભૂતકાળનો ઉલ્લેખ કરે છે અને આજની ઘટનાઓ સાથે તેની તુલના કરે છે. આ માત્ર ઇરાદાપૂર્વકના નિવેદનો છે જેથી નિર્ણયોને પ્રભાવિત કરવા અને રાજકીય લાભ માટે કોર્ટો પર જોખમ તોળાય.
આ જોઈને પરેશાની થાય છે કે, કેટલાક વકીલો દિવસ દરમિયાન રાજકારણીનો કેસ લડે છે અને રાત્રે મીડિયામાં રહે છે, જેથી નિર્ણયને અસર કરી શકાય. તેઓ બેન્ચ ફિક્સિંગની થિયરી પણ ઘડી રહ્યા છે. આ કાર્યવાહી માત્ર આપણી કોર્ટોનો અનાદર જ નથી પરંતુ માનહાનિ પણ છે. આ આપણી કોર્ટોની ગરિમા પર કરાયેલો હુમલો છે.
માનનીય જજોં પર પણ હુમલા થઈ રહ્યા છે. તેમના વિશે ખોટી વાતો કહેવામાં આવી રહી છે. તેઓ એટલી હદે નીચે બેસી ગયા છે કે તેઓ આપણી કોર્ટોની સરખામણી એવા દેશો સાથે કરી રહ્યા છે જ્યાં કાયદા નામની કોઈ વસ્તુ નથી. આપણા ન્યાયતંત્ર પર અન્યાયી કાર્યવાહીનો આરોપ લગાવવામાં આવી રહ્યો છે.”
2 મુદ્દાઓનો વિશેષ ઉલ્લેખ
1. રાજકારણીઓનું બેવડું ચરિત્ર
આ જોઈને નવાઈ લાગે છે કે રાજનેતા કોઈના પર ભ્રષ્ટાચારનો આરોપ લગાવે છે અને પછી તેને બચાવવા કોર્ટમાં દોડી જાય છે. જો કોર્ટનો નિર્ણય તેમના પક્ષમાં ન આવે તો તેઓ કોર્ટની અંદર જ કોર્ટની ટીકા કરે છે અને પછી મીડિયા સામે પહોંચી જાય છે. સામાન્ય માણસના મનમાં આપણા માટે જે આદર છે, તેના માટે આ બેવડું ચરિત્ર જોખમી છે.
2. પીઠ પાછળ હુમલા અને ખોટી માહિતી
કેટલાક લોકો સોશિયલ મીડિયા પર તેમના કેસ સાથે જોડાયેલા જજો વિશે ખોટી માહિતી ફેલાવે છે. તેઓ પોતાની રીતે તેમના કેસમાં નિર્ણય પર દબાણ લાવવા માટે આવું કરે છે. આ આપણી કોર્ટોની પારદર્શિતા માટે જોખમી છે અને કાયદાકીય સિદ્ધાંતો પર હુમલો છે. તેમનો સમય પણ નક્કી હોય છે. જ્યારે દેશમાં ચૂંટણી આવવાની હોય છે ત્યારે તેઓ આવું કરી રહ્યા હોય છે. અમે આનું 2018-19માં પણ જોયું હતું.
આ પણ વાંચો…
SCએ ચૂંટણી કમિશનરની નિમણૂક પર પ્રતિબંધ મૂકવાનો ઇનકાર કર્યોઃ કહ્યું- ચૂંટણી નજીક છે, નવા કાયદા પર પ્રતિબંધ આવશે તો સિસ્ટમ ખોરવાઈ જશે
CEC રાજીવ કુમાર સાથે નવા નિયુક્ત ચૂંટણી કમિશનર જ્ઞાનેશ કુમાર અને સુખબીર સંધુ.
સુપ્રીમ કોર્ટે ગુરુવારે બે નવા ચૂંટણી કમિશનર, જ્ઞાનેશ કુમાર અને સુખબીર સિંહ સંધુની નિમણૂક પર સ્ટે મૂકવાની માંગ કરતી અરજીને ફગાવી દીધી હતી. કોર્ટે કહ્યું કે 2023નો ચુકાદો એવું નથી કહેતો કે ચૂંટણી કમિશનરની નિમણૂક માટે પસંદગી પેનલમાં ન્યાયિક સભ્ય હોવો જોઈએ.
જસ્ટિસ દીપાંકર દત્તા અને જસ્ટિસ સંજીવ ખન્નાની ખંડપીઠે કહ્યું કે તે હાલમાં ચૂંટણી કમિશનર એક્ટ 2023ની નિમણૂક પર રોક લગાવી શકે નહીં, કારણ કે તે અવ્યવસ્થા સર્જાશે.
