47 મિનિટ પેહલા
- કૉપી લિંક
પ્રીટિ ઝિન્ટા આજે એટલે કે ગુરુવારે સવારે મુંબઈ એરપોર્ટ પર પતિ જેન ગુડનફ સાથે જોવા મળી હતી. પ્રીટિ ઝિન્ટા સફેદ શર્ટ અને ડેનિમ જીન્સ પહેરેલી જોવા મળી હતી. જ્યારે જેન એ એરપોર્ટ માટે કમ્ફર્ટ લુક પસંદ કર્યો હતો. ફોટોગ્રાફરે પ્રીટિને જેન સાથે પોઝ આપવા કહ્યું, પરંતુ તે ઉતાવળમાં જોવા મળી હતી. અત્રે ઉલ્લેખનીય છે કે, પ્રીટિ લાંબા સમય બાદ બોલિવૂડમાં કમબેક કરવા જઈ રહી છે. સની દેઓલ સાથે ફિલ્મ ‘લાહોર 1947’માં જોવા મળશે.
પતિ જેન ગુડનફ સાથે પ્રીટિ ઝિન્ટા
આ ફિલ્મ ઘણા કારણોસર ખૂબ જ ખાસ બની રહી છે. હકીકતમાં આમિર ખાન આ ફિલ્મના નિર્માતા હશે. ‘લાહોર 1947’ની ફિલ્મ માટે આમિર ખાન અને રાજકુમાર સંતોષીએ પણ હાથ મિલાવ્યા છે. આ જાહેરાત બાદ હવે આ ફિલ્મનું શૂટિંગ આવતા મહિનાથી શરૂ થઈ શકે છે.
પ્રીટિ અને સની આ પહેલા ઘણી ફિલ્મોમાં સાથે કામ કરી ચુક્યા છે. સની અને પ્રીટિએ ‘હીરોઃ લવ સ્ટોરી ઑફ અ સ્પાય’, ‘ફર્ઝ’ અને ‘ભૈયાજી સુપરહિટ’ જેવી ફિલ્મોમાં સાથે કામ કર્યું છે. પ્રીટિ છેલ્લે ‘ભૈયાજી સુપરહિટ’માં જોવા મળી હતી. આ ફિલ્મ 2018માં રિલીઝ થઈ હતી.
પ્રીટિથી કરતા ગુડનફ 10 વર્ષ નાનો 2016માં પ્રીટિએ લોસ એન્જલસમાં એક ખાનગી સમારંભમાં તેના કરતાં 10 વર્ષ નાના અમેરિકન નાગરિક જેન ગુડનફ સાથે લગ્ન કર્યા. ગુડનફ લોસ એન્જલસમાં નાણાકીય વિશ્લેષક છે. લગ્ન બાદથી પ્રીટિ તેના પરિવાર સાથે અમેરિકામાં રહે છે. વર્ષ 2021માં પ્રીતિએ સરોગસી દ્વારા 2 જોડિયા બાળકોને જન્મ આપ્યો હતો. તેણે સોશિયલ મીડિયા પર એક પોસ્ટમાં આ માહિતી આપી હતી.
પ્રીટિ સિવાય રકુલ પ્રીત સિંહ અને રાજકુમાર રાવ પણ એરપોર્ટ પર જોવા મળ્યા હતા. જેક્લિન, કુશા કપિલા, અર્જુન રામપાલ અને તેની ગર્લફ્રેન્ડ ગેબ્રિએલા ડેમેટ્રિએડ્સ બાંદ્રાના બાસ્ટિયન રેસ્ટોરાંમાં જોવા મળ્યા હતા.
જેક્લિનનું ગીત ‘યમ્મી યમ્મી’ આ દિવસોમાં સોશિયલ મીડિયા પર ટ્રેન્ડ કરી રહ્યું છે
કુશા કપિલા છેલ્લે ફિલ્મ ‘સુખી’માં જોવા મળી હતી
અર્જુન રામપાલ ગર્લફ્રેન્ડ ગેબ્રિએલા ડેમેટ્રિએડ્સ સાથે
