આયુષ્માન ખુરાના હોરર-કોમેડી ફિલ્મમાં જોવા મળશે: અનીસ બઝમી આ ફિલ્મના ડાયરેક્ટર હશે, અભિનેતાએ કહ્યું, ‘કંઈ થશે તો ચોક્કસ કહીશ’

ડાયરેક્ટર અનીસ બઝમી હાલમાં ‘ભૂલ ભુલૈયા 3’ના શૂટિંગમાં વ્યસ્ત છે. આ સાથે સમાચાર આવી રહ્યા છે કે અનીસ બઝમી અભિનેતા આયુષ્માન ખુરાના સાથે એક હોરર-કોમેડી ફિલ્મ શરૂ કરવા જઈ રહ્યા છે, જેનું નામ ‘ભૂતિયાપા’ હોવાનું કહેવાય છે. જો કે આ ફિલ્મની સત્તાવાર જાહેરાત હજુ કરવામાં આવી નથી.

હાલમાં, અનીસ બઝમીનું સંપૂર્ણ ધ્યાન ‘ભૂલ ભુલૈયા 3’ પર છે, જેમાં કાર્તિક આર્યન ઉપરાંત વિદ્યા બાલન અને તૃપ્તિ ડિમરી પણ મહત્ત્વપૂર્ણ ભૂમિકામાં જોવા મળશે. આ ફિલ્મના શૂટિંગ પછી, અનીસ બઝમી ‘નો એન્ટ્રી 2’ની તૈયારી શરૂ કરશે, જેમાં વરુણ ધવન, અર્જુન કપૂર અને દિલજીત દોસાંઝ જોવા મળશે. એવું કહેવામાં આવી રહ્યું છે કે, ‘નો એન્ટ્રી 2’ પછી અનીસ બઝમી ફિલ્મ ‘ભૂતિયાપા’ પર કામ શરૂ કરશે.

ડિરેક્ટર અનીસ બઝમી

હાલમાં જ એક ઈન્ટરવ્યૂ દરમિયાન આયુષ્માન ખુરાનાને અનીસ બઝમી સાથે કામ કરવા વિશે પૂછવામાં આવ્યું તો આયુષ્માન ખુરાનાએ કહ્યું, ‘હવે હું આ કેવી રીતે કહું. કંઈ થશે તો ચોક્કસ કહીશ.’ જો મીડિયા રિપોર્ટ્સનું માનીએ તો, હાલમાં જ અનીસ બઝમીએ આયુષ્માન ખુરાના સાથે ફિલ્મ ‘ભૂતિયાપા’ વિશે વાત કરી હતી.

આયુષ્માન ખુરાનાના વર્ક ફ્રન્ટની વાત કરીએ તો, સૌરવ ગાંગુલીની બાયોપિક ઉપરાંત જેપી દત્તાની ફિલ્મ બોર્ડર 2માં કામ કરવાની વાત છે. હાલમાં આયુષ્માન ખુરાનાનું ધ્યાન તેની સંગીત કારકિર્દી પર છે. તેણે વોર્નર મ્યુઝિક ઈન્ડિયા સાથે હાથ મિલાવ્યા છે. હાલમાં જ તેનું ગીત ‘અંખ દા તારા’ રિલીઝ થયું હતું, જેને ઘણું પસંદ કરવામાં આવી રહ્યું છે.