2 કલાક પેહલા
- કૉપી લિંક
બોલિવૂડ એક્ટર ઈમરાન ખાન છેલ્લાં ઘણાં સમયથી ફિલ્મી દુનિયાથી દૂર છે. ઈમરાને એક ઇન્ટરવ્યૂમાં લાઈમલાઈટથી દૂર રહેવા અને તેની લાઈફસ્ટાઈલમાં આવેલા ફેરફાર અંગે કેટલીક વાતો કહી છે. તેણે એ પણ જણાવ્યું કે તેણે કરણ જોહરનો ફ્લેટ ભાડે લીધો નથી. તે એક નાનકડા મકાનમાં રહે છે.
અવંતિકા મલિક અને ઈમરાન ખાન
પત્નીથી અલગ થયા બાદ બંગલો છોડી દીધો હતો
ફિલ્મ કમ્પેનિયનને આપેલા એક ઇન્ટરવ્યૂમાં ઈમરાને જણાવ્યું હતું કે પત્ની અવંતિકાથી અલગ થયા બાદ તે પોતાનો લક્ઝુરિયસ બંગલો છોડીને નાના એપાર્ટમેન્ટમાં શિફ્ટ થઈ ગયો હતો. ઈમરાને કહ્યું કે, હું પાંચ વર્ષ પહેલાં મુંબઈના પાલી હિલના બંગલાને છોડી દીધો હતો.
હવે હું એક નાની જગ્યાએ રહું છું. મારી પાસે ટેલિવિઝન છે કારણ કે મને ફિલ્મો જોવી ગમે છે. તે ઉપરાંત મારી પાસે એક સોફા છે. હું ફક્ત મારી જરૂરિયાતની વસ્તુઓ જ રાખું છું. મારી પાસે કોઈ સાથી સ્ટાફ નથી. ત્યાં એક વ્યક્તિ છે જે ઘરની સફાઈ માટે દર બીજા દિવસે આવે છે પરંતુ એક વેક્યુમ ક્લીનર પણ ખરીદ્યું છે જેથી હું જાતે સફાઈ કરી શકું. મારી પાસે રસોડામાં માત્ર ત્રણ પ્લેટ છે, જે નાસ્તો, લંચ અને ડિનર માટે છે જેથી બધું મેનેજ કરવામાં સરળતા રહે.
જમવાનું તો મારા મમ્મીના ઘરેથી આવે છેઃ ઈમરાન
ઈમરાને ઇન્ટરવ્યૂમાં એમ પણ કહ્યું હતું કે ભલે તે સ્વતંત્ર રીતે રહે છે, પરંતુ આજે પણ તેમનું જમવાનું તેમની માતાના ઘરેથી આવે છે. જ્યારે ઈમરાનને પૂછવામાં આવ્યું કે એવી અફવાઓ છે કે કરન જોહરનું એપાર્ટમેન્ટ ભાડે લીધું છે જેથી તે તેની ગર્લફ્રેન્ડ લેખા વોશિંગ્ટન સાથે રહે, તો તેમણે કહ્યું, સેલિબ્રિટી હોવાને કારણે લોકો તમારા પર આવા રિપોર્ટ અને કમેન્ટ આવતી રહે છે. આ બધી બાબતો તદ્દન વાહિયાત લાગે છે.
ઈમરાન ખાન અને લેખા વોશિંગ્ટન
ઈમરાન ‘કટ્ટી-બટ્ટી’માં કંગના સાથે જોવા મળ્યો હતો
ઈમરાન ખાને તેની એક્ટિંગ કરિયરની શરૂઆત ફિલ્મ ‘જાને તુ યા જાને ના’થી કરી હતી. 2015માં તે છેલ્લે ફિલ્મ ‘કટ્ટી-બટ્ટી’માં જોવા મળ્યો હતો. આ ફિલ્મ બોક્સ ઓફિસ પર ફ્લોપ રહી હતી, ત્યારબાદ ઈમરાને લાંબા સમય સુધી ફિલ્મોમાંથી બ્રેક લીધો હતો.
2018થી ઈમરાન સોશિયલ મીડિયા પર બહુ એક્ટિવ નથી. થોડા સમય પહેલાં તેમણે ઈન્સ્ટાગ્રામ પર પોસ્ટ કરી હતી, જેમાં તેણે તેના ફેન્સને અપડેટ કર્યું હતું કે તે બોલિવૂડમાં તેના કમબેક પર કામ કરી રહ્યો છે.
