ભોપાલએક કલાક પેહલા
- કૉપી લિંક
ભોપાલમાં ગુરુવારે ભાજપના નેતાની હથેળી કાપનાર 5 આરોપીના ત્રણ 3 મકાનો પર બુલડોઝર ફરી વળ્યું. 5 ડિસેમ્બરના રોજ આરોપીઓએ જપા સ્લમ સેલ એરેરા મંડળના જનરલ સેક્રેટરી દેવેન્દ્ર સિંહ ઠાકુરની તલવારથી હથેળી તલવારથી કાપી નાખી હતી. હુમલાના 9મા દિવસે આરોપીઓ સામે કાર્યવાહી કરવામાં આવી. ડો.મોહન યાદવ મુખ્યમંત્રી બન્યા બાદ આ પ્રથમ કાર્યવાહી છે.
5 ડિસેમ્બરે જનતા કોલોનીમાં રહેતા આરોપી ફારુખ રૈન ઉર્ફે બિન્ની, અસલમ, સમીર ઉર્ફે બિલ્લુ, શાહરૂખ અને બિલાલે સાઈ બોર્ડ પાસે દેવેન્દ્ર સિંહ પર હુમલો કર્યો હતો. કોલારના SDM આશુતોષ ગોસ્વામીના નેતૃત્વમાં મ્યુનિસિપલ કોર્પોરેશનની ટીમે આ આરોપીના ઘરો પર બુલડોઝર ચલાવ્યું.
કોર્પોરેશનના 25થી વધુ કર્મચારીઓએ મકાન તોડવાની કાર્યવાહી હાથ ધરી. કોઈપણ વિવાદને પહોંચી વળવા માટે પોલીસ તહેનાત કરવામાં આવી.
દબાણ અધિકારી પ્રતીક ગર્ગ અને હબીબગંજ પોલીસ સ્ટેશનના પ્રભારી મનીષ રાજ સિંહ ભદૌરિયાએ જણાવ્યું કે મકાનોના ગેરકાયદેસર ભાગ અને દબાણ તોડી પાડવામાં આવ્યા છે. કોર્પોરેશનના 25થી વધુ કર્મચારીઓએ મકાનો તોડી પાડવાની કાર્યવાહી હાથ ધરી છે. દોઢ કલાકમાં દબાણ દૂર કરવામાં આવ્યું. બિલ્ડિંગ પરવાનગી સહિત અન્ય કોઈ પરવાનગી નહોતી.
હુમલામાં દેવેન્દ્ર સિંહ ઠાકુરની હથેળી આ રીતે કાપી હતી.
તમામ આરોપીઓની ધરપકડ, NSA લગાવ્યો
દેવેન્દ્ર સિંહ ઠાકુર પર હુમલાના આરોપીઓની ધરપકડ કરવામાં આવી છે. 8 ડિસેમ્બરે ભોપાલના કલેક્ટર આશિષ સિંહે આમાંથી એક આરોપી ફારુક રૈન ઉર્ફે બિન્ની પર રાષ્ટ્રીય સુરક્ષા કાયદો (NSA) લગાવ્યો હતો.
આરોપી ફારૂક સામે મારપીટના 14 કેસ નોંધાયેલા છે. તે હબીબગંજ પોલીસ સ્ટેશનની ગુંડા યાદીમાં સામેલ છે. હુમલાના પાંચેય આરોપીઓ ગુનાહિત પ્રકૃતિના છે.
