39 મિનિટ પેહલા
- કૉપી લિંક
આમિર ખાને જણાવ્યું કે તેની પૂર્વ પત્ની રીના દત્તે તેને લેબર પેઈન દરમિયાન થપ્પડ મારી હતી. આ થપ્પડ એટલે મારવામાં આવી હતી કે એક્ટર આ મુશ્કેલ સમયમાં રીનાને શ્વાસ લેવાની કસરતની ટિપ્સ આપી રહ્યો હતો.કેમ કે, રીનાને તેની આ કસરત બિલકુલ પસંદ આવી ન હતી. આ ઘટના ત્યારે બની જ્યારે આમિર પહેલીવાર પિતા બનવાનો હતો.
કપિલ શર્મા શોના હાલના એપિસોડમાં આમિરે તેની ભૂતપૂર્વ પત્ની રીના દત્ત વિશે આ રમૂજી કિસ્સો શેર કર્યો હતો.
રીનાએ તીવ્ર લેબરપેઇનના કારણે આમિરના હાથમાં બચકું ભર્યું હતું
શોના હાલના એપિસોડમાં આમિર ખાન ગેસ્ટ તરીકે પહોંચ્યો હતો. જ્યારે શોના હોસ્ટ કપિલે તેને પૂછ્યું કે શું તે એક એક્ટર તરીકે લોકોના વર્તનની નોંધ લે છે? તેના પર અભિનેતાએ કહ્યું કે તે વિચિત્ર પરિસ્થિતિઓમાં પણ આવું કરે છે. તેમણે કહ્યું, હું તમને ખ્યાલ આપવા માગુ છું કે હું શું નોટિસ કરું છું.
આ એ દિવસ હતો જ્યારે પુત્ર જુનૈદનો જન્મ થવાનો હતો. રીનાને લેબર પેઈન થઇ રહ્યું હતું અને અમે હોસ્પિટલમાં હતા. એક સારા પતિની જેમ મેં તેને શ્વાસ લેવાની કસરતો શીખવી.
પછી પ્રસૂતિની પીડા શરૂ થતાં જ મેં તેને શાંત કરવાનો પ્રયાસ કર્યો, પરંતુ તેણે મને થપ્પડ મારી. આ સાથે જ તેને દુખાવો પણ એટલો હતો કે તેણે હાથમાં બચકું પણ ભરી લીધું હતું.
આમિરે કહ્યું કે આ સમયે તે સમજી શક્યો ન હતો કે શું થઈ રહ્યું છે. પરંતુ આ દરમિયાન તેમણે એક વસ્તુ પર ધ્યાન આપ્યું, જેનો તેમણે પાછળથી ફિલ્મમાં ઉપયોગ કર્યો. તેમણે કહ્યું કે જ્યારે લોકો ખૂબ પીડામાં હોય છે, ત્યારે તે પીડા માનવ ચહેરા પર પણ પ્રતિબિંબિત થાય છે. જ્યારે રીનાને પ્રસૂતિની પીડા હતી ત્યારે તેના ચહેરા પર પણ પીડા દેખાતી હતી.
પરંતુ ઘણીવાર લોકો વિચારે છે કે જ્યારે કોઈ વ્યક્તિ ખૂબ પીડામાં હોય છે ત્યારે તેનો ચહેરો સંકોચવા લાગે છે. જોકે આવું થતું નથી. જ્યારે કોઈ વ્યક્તિ અતિશય પીડામાં હોય છે, ત્યારે તેના ચહેરા પરના એક્સપ્રેશન આશ્ચર્યજનક હોય છે.
આમિરે જણાવ્યું કે જ્યારે રીના ડિસ્ચાર્જ થયા બાદ ઘરે આવી હતી ત્યારે તેમણે આ વાત રીનાને કહી હતી. ત્યારે તે ખૂબ જ ગુસ્સામાં હતી. તેણે કહ્યું, ‘હું પીડામાં હતી અને તમે મારા એક્સપ્રેશન જોઈ રહ્યા હતા.’
આમિરે 1986માં રીના દત્ત સાથે લગ્ન કર્યા હતા. આ લગ્નથી તેને પુત્ર જુનેદ ખાન અને પુત્રી આયરા ખાન છે. લગ્નના 16 વર્ષ બાદ બંનેએ 2002માં છૂટાછેડા લીધા હતા. ત્યાર બાદ આમિરે કિરણ રાવ સાથે બીજા લગ્ન કર્યા હતા. જો કે, આ લગ્ન પણ ટકી શક્યા નહીં અને 15 વર્ષ પછી બંને અલગ થઈ ગયા. આમિર અને કિરણના પુત્રનું નામ આઝાદ રાવ ખાન છે.
આમિરના વર્ક ફ્રન્ટની વાત કરીએ તો તે આગામી દિવસોમાં ‘સિતારે જમીન’ પર ફિલ્મમાં જોવા મળશે.
