Related posts
નવી દિલ્હી2 કલાક પેહલા
- કૉપી લિંક
કરુણ્યાનું જુલાઈ 2021માં મોત થયું હતું.
ભારતના એક પરિવારે સીરમ ઈન્સ્ટિટ્યૂટ ઓફ ઈન્ડિયા (SII) સામે કેસ કરવાનું નક્કી કર્યું છે. વેણુગોપાલ ગોવિંદન કહે છે કે તેમની પુત્રી કરુણ્યાનું જુલાઈ 2021માં કોવિશિલ્ડ વેક્સિન લીધા બાદ થોડા જ દિવસોમાં મોત થયું હતું.
સીરમ ઇન્સ્ટિટ્યૂટે બ્રિટિશ ફાર્માસ્યુટિકલ કંપની એસ્ટ્રાઝેનેકા દ્વારા બનાવેલા ફોર્મ્યુલા પર કોવિશિલ્ડ બનાવી છે અને એસ્ટ્રાઝેનેકાએ બ્રિટિશ હાઈકોર્ટમાં સ્વીકાર્યું છે કે તેમની કોવિડ -19 વેક્સિનની ગંભીર આડઅસર થઈ શકે છે.
કરુણ્યાના મોતના કેસમાં પરિવારની ફરિયાદ પર સરકારે રાષ્ટ્રીય સમિતિની રચના કરી હતી. સમિતિએ પાછળથી તારણ કાઢ્યું હતું કે કરુણ્યાના મોતનું કારણ વેક્સિન છે, તેના પૂરતા પુરાવા મળ્યા નથી.
હવે ગોવિંદને તેની પુત્રીના મોતની તપાસ માટે વળતર અને સ્વતંત્ર મેડિકલ બોર્ડની નિમણૂકની માંગ કરતી રિટ અરજી કરી છે. તેમજ, અન્ય એક પરિવારે RTIમાં જણાવ્યું છે કે, TTSના કારણે તેમની પુત્રીનું મૃત્યુ થયું હોવાનું સામે આવ્યું છે.
એસ્ટ્રાઝેનેકાએ જણાવ્યું છે કે કેટલાક કિસ્સાઓમાં થ્રોમ્બોસિસ થ્રોમ્બોસાયટોપેનિયા સિન્ડ્રોમ અથવા TTS થઈ શકે છે. આ રોગને કારણે શરીરમાં લોહી ગંઠાઇ જાય છે અને પ્લેટલેટ્સની સંખ્યા ઘટી જાય છે.
18 વર્ષની રિતિકાના મૃત્યુનું કારણ TTS હોવાનું જાણવા મળ્યું હતું કરુણ્યાની જેમ ભારતમાં રહેતા અન્ય એક પરિવારની પણ આવી જ કહાની સામે આવી છે. 18 વર્ષની શ્રી ઓમત્રી, મે 2021માં મૃત્યુ પામી હતી. પરિવારના જણાવ્યા અનુસાર રિતિકાએ મે મહિનામાં કોવિશિલ્ડનો પહેલો ડોઝ લીધો હતો.
7 દિવસમાં રિતિકાને તાવ અને ઉલ્ટીની ફરિયાદ થઈ. MRIમાં જાણવા મળ્યું કે રિતિકાના મગજમાં લોહી ગંઠાઈ ગયું હતું અને તેને બ્રેઈન હેમરેજ થયું હતું. માત્ર બે અઠવાડિયા પછી પુત્રીનું મોત થયું હતું.
પરિવારે વધુમાં કહ્યું કે પુત્રીના મૃત્યુનું ચોક્કસ કારણ જાણવા માટે, અમને ડિસેમ્બર 2021માં RTI દ્વારા ખબર પડી કે પુત્રીને થ્રોમ્બોસાયટોપેનિયા સિન્ડ્રોમ સાથે થ્રોમ્બોસિસ છે. વેક્સિન ઉત્પાદન-સંબંધિત પ્રતિક્રિયાને કારણે તેનું મૃત્યુ થયું હતું.
યુકેમાં જેમી સ્કોટ દ્વારા કેસ શરૂ કરવામાં આવ્યો હતો, જેમને એપ્રિલ 2021 માં એસ્ટ્રાઝેનેકા વેક્પસિન લીધા બાદ મગજમાં ઇજાઓ થઈ હતી.
સલામતીની ચિંતાઓને કારણે યુકેમાં હવે એસ્ટ્રાઝેનેકા- ઓક્સફોર્ડની વેક્સિન આપવામાં આવતી નથી. જ્યારે સ્વતંત્ર સ્ટડીએ COVID-19 સામે લડવામાં તેની અસરકારકતા દર્શાવી છે, તેની આડઅસરોના ઉદભવે નિયમનકારી તપાસ અને કાનૂની કાર્યવાહીને પ્રોત્સાહન આપ્યું છે.
આ સમાચાર પણ વાંચો…
નિષ્ણાતોએ કોવિશિલ્ડની આડઅસર તપાસવી જોઈએ – સુપ્રીમ કોર્ટમાં અરજી: કહ્યું- વેક્સિનને કારણે ગંભીર નુકસાન થાય તો સરકારે વળતર ચૂકવવું જોઈએ.
કોરોના વેક્સીન કોવિશિલ્ડની તપાસ માટે બુધવારે સુપ્રીમ કોર્ટમાં અરજી દાખલ કરવામાં આવી હતી. એવું કહેવામાં આવ્યું છે કે કોવિશિલ્ડની આડઅસરોની તપાસ કરવા માટે નિષ્ણાત પેનલ બનાવવા માટે સૂચનાઓ જાહેર કરવી જોઈએ.
આ અરજી એડવોકેટ વિશાલ તિવારીએ દાખલ કરી છે. તેમણે કહ્યું કેવેક્સિનેશન પછી જો કોઈને નુકસાન થાય છે, તો તેની ભરપાઈ કરવા માટે એક સિસ્ટમ બનાવવી જોઈએ.
એસ્ટ્રાઝેનેકાની કોરોના રસીથી હાર્ટ એટેકનું જોખમ: બ્રિટિશ કંપનીએ કોર્ટમાં સ્વીકાર્યું; ભારતમાં કોવિશિલ્ડના 175 કરોડ ડોઝ આપવામાં આવ્યા છે
બ્રિટિશ ફાર્માસ્યુટિકલ કંપની એસ્ટ્રાઝેનેકાએ સ્વીકાર્યું છે કે તેની કોવિડ-19 વેક્સિનની ગંભીર આડઅસર થઈ શકે છે. જો કે, આ ખૂબ જ રેયર કેસમાં જ થશે. ભારતમાં સીરમ સંસ્થાએ એસ્ટ્રાઝેનેકાના જ ફોર્મ્યુલામાંથી કોવિશિલ્ડ નામની વેક્સિન બનાવી છે.
બ્રિટિશ મીડિયા ટેલિગ્રાફના અહેવાલ મુજબ, એસ્ટ્રાઝેનેકા પર તેમની વેક્સિનના કારણે ઘણા લોકોના મોતનો આરોપ છે. બીજા ઘણાને ગંભીર બીમારીઓનો સામનો કરવો પડ્યો. કંપની વિરુદ્ધ હાઈકોર્ટમાં 51 કેસ પેન્ડિંગ ચાલી રહ્યા છે. પીડિતોએ એસ્ટ્રાઝેનેકા પાસેથી લગભગ 1 હજાર કરોડ રૂપિયાના વળતરની માંગ કરી છે.
