11 કલાક પેહલા
- કૉપી લિંક
સોનાલી બેન્દ્રેએ જણાવ્યું હતું કે 90ના દાયકામાં ફિલ્મ ઈન્ડસ્ટ્રીમાં બ્યૂટી સ્ટાન્ડર્ડની એક અલગ વ્યાખ્યા હતી. જ્યારે એક્ટ્રેસ ઇન્ડસ્ટ્રીમાં આવી ત્યારે તે ખૂબ જ પાતળી હતી. તે સમયે ઝીરો ફિગરનો ટ્રેન્ડ નહોતો. આવી સ્થિતિમાં ડિરેક્ટર તેને વજન વધારવા માટે કહેતા હતા. તે સમયે સીધા વાળ કરતાં વાંકડિયા વાળવાળી એક્ટ્રેસનો વધુ ટ્રેન્ડ હતો.
સોનાલી અત્યાર સુધી લગભગ 46 ફિલ્મોમાં કામ કરી ચુકી છે
નિર્માતાઓ સોનાલીને વજન વધારવા માટે કહેતાં હતાં
હૉટરફ્લાયને આપેલા ઇન્ટરવ્યૂમાં સોનાલીએ કહ્યું- જ્યારે હું ઈન્ડસ્ટ્રીમાં આવી ત્યારે હિરોઈન પાતળી નહોતી. તે સમયે હું ખૂબ જ પાતળી હતી. દરેક નિર્માતા હંમેશા મને વજન વધારવા માટે કહેતા હતા. તેઓ મને એક જ વાત કહેતા – ખાઓ, ખાઓ, બહુ જ પાતળા થાઓ.
તે સમયે ફિલ્મ ઉદ્યોગમાં નિર્માતાઓ એવી એક્ટ્રેસોને ફિલ્મોમાં કાસ્ટ કરતા હતા જેઓ દેખાવમાં આકર્ષક હોય, જેમનું શરીર સુડોળ અને વાંકડિયા વાળ હોય. મારો લુક તેનાથી વિપરીત હતો. હું પાતળી હતી અને મારા વાળ સીધા હતા.
સોનાલીએ વધુમાં કહ્યું કે લોકોએ કદાચ એક ધોરણ નક્કી કર્યું છે કે શું સારું લાગે છે અને શું નથી. પરંતુ આપણે આપણા પોતાના લુક પર વિશ્વાસ રાખવો જોઈએ.
સોનાલીએ હિન્દી સિવાય તમિળ, તેલુગુ અને મરાઠી ફિલ્મોમાં પણ કામ કર્યું છે
સોનાલી 1994થી એક્ટિંગ ફિલ્ડમાં એક્ટિવ છે
સોનાલીએ 1994માં આવેલી ફિલ્મ આગથી ફિલ્મોની દુનિયામાં પ્રવેશ કર્યો હતો. આ ફિલ્મમાં તેમની સામે ગોવિંદા જોવા મળ્યો હતો. ત્યારથી લઈને અત્યાર સુધી સોનાલી ફિલ્મોમાં એક્ટિવ છે. ફિલ્મી પડદા સિવાય તે નાના પડદા પર પણ જોવા મળે છે. સોનાલીએ ઈન્ડિયન આઈડલ, હિન્દુસ્તાન કે હુનરબાઝ અને ઈન્ડિયાઝ બેસ્ટ ડ્રામેબાઝ જેવા રિયાલિટી શોમાં જજ તરીકે પણ કામ કર્યું છે.
સોનાલીની છેલ્લી ફિલ્મ 2022ની ‘લવ યુ ફોરએવર’ હતી. તે જ સમયે 3 મેના રોજ તે વેબ સિરીઝ ‘ધ બ્રોકન’ ન્યૂઝના બીજા પાર્ટમાં જોવા મળી હતી. સોનાલી આ સિરીઝના પહેલા પાર્ટમાં પણ જોવા મળી હતી, જે 10 જૂન, 2022ના રોજ ZEE5 પર સ્ટ્રીમ કરવામાં આવી હતી.
