રામલલ્લા સામે મોદીના દંડવત: આરતી ઉતારી આશીર્વાદ લીધા; સાધુ-સંતો પણ અયોધ્યા પહોંચ્યા, ‘રામપથ’ પર ખુલ્લી જીપમાં રોડ શો શરૂ

પીએમનો મિનિટ-ટુ-મિનિટનો કાર્યક્રમ

મોદી રવિવારે સાંજે 7 વાગે મહર્ષિ વાલ્મિકી એરપોર્ટ પર ચાર્ટર્ડ પ્લેનમાં ઉતરશે. સીએમ યોગી અહીં તેમનું સ્વાગત કરશે. એરપોર્ટથી હેલિકોપ્ટર દ્વારા સાકેત કોલેજ જશે. ત્યાંથી યોગી સાથે કારમાં બેસીને તેઓ રામજન્મભૂમિ પહોંચશે અને રામલલ્લાના દર્શન અને પૂજા કરશે.

દર્શન કર્યા બાદ સાંજે 7.15 કલાકે સુગ્રીવ કિલા રામ જન્મભૂમિ પથથી રોડ શો શરૂ કરશે. આ રોડ શો લતા ચોક ખાતે સમાપ્ત થશે. 1 કલાકના રોડ શો દરમિયાન કાર્યકરો વિવિધ સ્થળોએ ફૂલોની વર્ષા કરીને વડાપ્રધાનનું સ્વાગત કરશે.