નવી દિલ્હી49 મિનિટ પેહલા
- કૉપી લિંક
અક્ષય તૃતીયા પહેલા આજે એટલે કે 6 મેના રોજ સોના-ચાંદીના ભાવમાં વધારો જોવા મળ્યો છે. ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 10 ગ્રામ 24 કેરેટ સોનું રૂ. 430 મોંઘું થઈને રૂ. 71,621 પર પહોંચી ગયું છે.
તેમજ, આજે એક કિલો ચાંદી 976 રૂપિયા મોંઘી થઈ છે અને તે 80,965 રૂપિયા પ્રતિ કિલો વેચાઈ રહી છે. અગાઉ 3 મેના રોજ ચાંદીનો ભાવ 79,989 રૂપિયા પ્રતિ કિલો હતો. આ મહિને 10મી મેના રોજ અક્ષય તૃતીયા છે. આ દિવસે સોનું અને ચાંદી ખરીદવું શુભ માનવામાં આવે છે.
4 મેટ્રો શહેર અને ભોપાલમાં સોનાનો ભાવ
- દિલ્હી: 10 ગ્રામ 22 કેરેટ સોનાની કિંમત 66,200 રૂપિયા અને 10 ગ્રામ 24 કેરેટ સોનાની કિંમત 72,200 રૂપિયા છે.
- મુંબઈ: 10 ગ્રામ 22 કેરેટ સોનાની કિંમત 66,050 રૂપિયા અને 10 ગ્રામ 24 કેરેટ સોનાની કિંમત 72,050 રૂપિયા છે.
- કોલકાતા: 10 ગ્રામ 22 કેરેટ સોનાની કિંમત 66,050 રૂપિયા અને 24 કેરેટ સોનાના 10 ગ્રામની કિંમત 72,050 રૂપિયા છે.
- ચેન્નાઈ: 10 ગ્રામ 22 કેરેટ સોનાની કિંમત 66,100 રૂપિયા અને 10 ગ્રામ 24 કેરેટ સોનાની કિંમત 72,110 રૂપિયા છે.
- ભોપાલ: 10 ગ્રામ 22 કેરેટ સોનાની કિંમત 66,100 રૂપિયા અને 10 ગ્રામ 24 કેરેટ સોનાની કિંમત 72,100 રૂપિયા છે.
આ વર્ષે સોના અને ચાંદીમાં શાનદાર તેજી જોવા મળી છે
IBJA અનુસાર આ વર્ષે અત્યાર સુધીમાં સોનાની કિંમતમાં 8,269 રૂપિયાનો વધારો થયો છે. 1 જાન્યુઆરીએ સોનું રૂ. 63,352 હતું, જે હવે રૂ. 71,621 પ્રતિ 10 ગ્રામ છે. તેમજ, એક કિલો ચાંદીની કિંમત 73,395 રૂપિયાથી વધીને 80,965 રૂપિયા થઈ ગઈ છે.
2030 સુધીમાં સોનાની કિંમત 1.68 લાખ રૂપિયા પ્રતિ 10 ગ્રામ થઈ શકે છે
વિઘ્નહર્તા ગોલ્ડના ચેરમેન મહેન્દ્ર લુનિયાના જણાવ્યા અનુસાર 2030 સુધીમાં સોનાની કિંમત 1.68 લાખ રૂપિયા પ્રતિ 10 ગ્રામ સુધી પહોંચી શકે છે. સોનાના ભાવમાં વધારો થવાના કારણોમાં ભૌગોલિક રાજકીય તણાવથી લઈને વૈશ્વિક આર્થિક મંદીનો સમાવેશ થાય છે.
હંમેશા સર્ટિફાઈડ સોનું જ ખરીદો જો તમારે સોનું ખરીદવું હોય તો હંમેશા બ્યુરો ઓફ ઈન્ડિયન સ્ટાન્ડર્ડ્સ (BIS) ના હોલમાર્ક સાથે સર્ટિફાઈડ સોનું જ ખરીદો. નવા નિયમ હેઠળ, સોનું હવે છ-અંકના આલ્ફાન્યૂમેરિક હોલમાર્કિંગ વિના વેચવામાં આવશે નહીં. જેમ આધાર કાર્ડમાં 12 અંકનો કોડ હોય છે, તેવી જ રીતે સોનામાં 6 અંકનો હોલમાર્ક કોડ હશે.
તેને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ નંબર આલ્ફાન્યૂમેરિક હોઈ શકે છે, એટલે કે આના જેવું કંઈક – AZ4524. હોલમાર્કિંગ દ્વારા કેટલા કેરેટનું સોનું છે તે જાણવાનું શક્ય બન્યું છે.
