કાશ્મીરના પુલવામામાં એન્કાઉન્ટર: સેનાએ 2 આતંકવાદીઓને ઘેરી લીધા, આત્મસમર્પણ કરાવવા માટે એકના માતા-પિતાને બોલાવ્યા; સામ-સામે ફાયરિંગ

જમ્મુ-કાશ્મીરના પુલવામા જિલ્લાના નિહામા વિસ્તારમાં સોમવાર (3 જૂન) સવારથી સેના અને આતંકવાદીઓ વચ્ચે અથડામણ ચાલી રહી છે. બંને તરફથી ફાયરિંગ ચાલુ છે. સુરક્ષા દળોએ આતંકીઓને ઘેરી લીધા છે. 2 આતંકીઓ છુપાયા હોવાના સમાચાર છે.

એક સીનિયર પોલીસ અધિકારીએ જણાવ્યું કે પોલીસ અને સેનાની સંયુક્ત ટીમે નિહામામાં ઘેરાબંધી અને સર્ચ ઓપરેશન શરૂ કર્યું છે. આ દરમિયાન છુપાયેલા આતંકવાદીઓએ તેમના પર હુમલો કર્યો, ત્યારબાદ સામ-સામે ફાયરિંગ શરૂ થયું હતું.

એન્કાઉન્ટરમાં ફસાયેલા એક આતંકીની ઓળખ ટોપ કમાન્ડર રિયાઝ ડાર તરીકે થઈ છે. તેના પરિવારને એન્કાઉન્ટર સ્થળ પર લાવવામાં આવ્યો છે જેથી તે તેમની વિનંતી પર આત્મસમર્પણ કરી શકે. ઘટના અંગે વધુ માહિતી મળવાની બાકી છે.

7 મેના રોજ લશ્કરનો કમાન્ડર બાસિત ડાર સહિત 2 આતંકવાદીઓ માર્યા ગયા હતા.

લશ્કર માંડર બાસિત ડાર પર 10 લાખ રૂપિયાનું ઈનામ જાહેર કરવામાં આવ્યું હતું.

એક મહિનામાં કાશ્મીરમાં આતંકવાદીઓ સાથે એન્કાઉન્ટરની આ બીજી ઘટના છે. આ પહેલા 7 મેના રોજ કુલગામમાં એન્કાઉન્ટર દરમિયાન સુરક્ષા દળોએ બે આતંકીઓને ઠાર કર્યા હતા.

આ આતંકીઓમાં લશ્કરનો ટોપ કમાન્ડર બાસિત ડાર પણ હતો. બાસિત પર 10 લાખ રૂપિયાનું ઈનામ હતું. તે કાશ્મીરમાં અનેક લોકોની હત્યામાં સામેલ હતો. માર્યા ગયેલા બીજા આતંકીનું નામ ફહીમ અહેમદ હતું. તે એક ઓવર ગ્રાઉન્ડ વર્કર હતો, જેણે આતંકવાદીઓને મદદ કરી હતી.

એન્કાઉન્ટર દરમિયાન, સુરક્ષા દળોએ તે ઘરને બ્લાસ્ટ કર્યું જ્યાં આતંકવાદીઓ છુપાયેલા હતા. જેના કારણે ઘરમાં આગ લાગી હતી. માર્યા ગયેલા બંને આતંકીઓના મૃતદેહ મળી આવ્યા હતા.

અધિકારીઓએ કહ્યું કે તેમને રેડવાની પાઈન વિસ્તારમાં આતંકવાદીઓ છુપાયા હોવાની માહિતી મળી હતી. આ પછી સર્ચ ઓપરેશન શરૂ કરવામાં આવ્યું, જેમાં એન્કાઉન્ટર થયું હતું.

આ વર્ષે જમ્મુ-કાશ્મીરમાં આતંકી હુમલાની 3 મોટી ઘટનાઓ…

18 મે: શોપિયાંમાં બીજેપી નેતાની હત્યા, અનંતનાગમાં રાજસ્થાની દંપતી પર ફાયરિંગ

જમ્મુ-કાશ્મીરમાં શનિવારે (18 મે) રાત્રે એક કલાકની અંદર બે સ્થળોએ આતંકવાદી હુમલા થયા હતા. પ્રથમ ઘટના અનંતનાગમાં પહેલગામ નજીક એક ખુલ્લા પ્રવાસી શિબિરમાં બની હતી. અહીં આતંકવાદીઓએ એક પ્રવાસી યુગલને ગોળી મારી દીધી હતી. આ કપલ રાજસ્થાનના જયપુરના રહેવાસી હતા. બંને રિસોર્ટમાં રોકાયા હતા. હુમલામાં પતિને માથામાં ગોળી વાગી હતી. પત્નીને છાતી અને ખભા પર ઈજા થઈ હતી.

આ ઘટનાના થોડા સમય બાદ આતંકવાદીઓએ રાત્રે લગભગ 10.30 વાગ્યે શોપિયાંના હીરપોરામાં સ્થાનિક બીજેપી નેતા એજાઝ અહેમદ શેખને ગોળી મારી દીધી હતી. એજાઝ અહેમદને હોસ્પિટલમાં લઈ જવામાં આવ્યો, જ્યાં તેનું મૃત્યુ થયું. એજાઝ અહેમદ પૂર્વ સરપંચ હતા.

4 મે: એરફોર્સના જવાનો પર આતંકવાદી હુમલો
4 મેના રોજ જમ્મુ-કાશ્મીરના પૂંચમાં એરફોર્સના જવાનોના વાહન પર આતંકી હુમલો થયો હતો. જેમાં પાંચ જવાનો ઘાયલ થયા હતા. સારવાર દરમિયાન એક જવાનનું મોત થયું હતું. આ હુમલો પૂંછના શાહસિતાર વિસ્તારમાં થયો હતો.

આતંકવાદીઓએ સુરક્ષાદળોના બે વાહનો પર પણ ગોળીબાર કર્યો હતો. આ વાહનોમાંથી એક એરફોર્સનું હતું. બંને વાહનો સનાઈ ટોપ તરફ જઈ રહ્યા હતા.

આતંકવાદીઓ દ્વારા ચલાવવામાં આવેલી ગોળીઓના નિશાન ટ્રકની આગળના કાચ પર જોઈ શકાય છે.

12 જાન્યુઆરી: પૂંછમાં આર્મીના વાહન પર હુમલો કરવામાં આવ્યો
આ વર્ષે 12 જાન્યુઆરીએ જમ્મુ-કાશ્મીરના પૂંછમાં આતંકવાદીઓએ સેનાના વાહન પર હુમલો કર્યો હતો. આ પછી જવાનોએ જવાબી કાર્યવાહી કરી હતી