‘તેલ લગાઓ ડાબર કા, વિકેટ લેલો બાબર કા’: પંતે કહ્યું- આપણા ચાહકોએ નવા-નવા નેરેટિવ્સ સ્ટાર્ટ કર્યા; રિષભનો વીડિયો વાઇરલ

ભારતીય ટીમ ફરી એકવાર પાકિસ્તાન સાથે રમવા માટે તૈયાર છે. આ પહેલાં ટીમ ઈન્ડિયાના વિકેટકીપર બેટર રિષભ પંતનો એક વીડિયો સોશિયલ મીડિયા પર ખૂબ જ ઝડપથી વાઇરલ થઈ રહ્યો છે. હકીકતમાં વાઇરલ થઈ રહેલો વીડિયો ઈન્ડિયા ટીવીના ફેમસ શો ‘આપ કી અદાલત’નો છે. દેશના દિગ્ગજ પત્રકાર રજત શર્માએ આ શોમાં તેમનો ખાસ ઇન્ટરવ્યૂ લીધો હતો. આ દરમિયાન તેણે તેમને પૂછ્યું, ‘છેલ્લી વખતે જ્યારે ભારત-પાકિસ્તાન મેચ થઈ રહી હતી ત્યારે લોકો ‘તેલ લગાઓ ડાબર કા, વિકેટ લેલો બાબર કા’ જેવા નારા લગાવી રહ્યા હતા.

પત્રકારના આ સવાલનો યુવા ક્રિકેટરે ખૂબ જ મજાકિયા અંદાજમાં જવાબ આપ્યો. તેણે કહ્યું, ‘સાહેબ, હું આ જ કહેવા માગુ છું. જો આપણે તેને એક ખેલાડી તરીકે જોઈએ તો તે પણ પોતાના દેશ માટે ખૂબ મહેનત કરે છે. એવું નથી કે તે મજાક કરી કરી રહ્યો છે.

વાતચીતને આગળ વધારતા તેણે કહ્યું, ‘જેમ આપણા ફેન્સ આવા નવા નવા નેરેટિવ્સ શરૂ કરે છે. જેમ તમે કહ્યું કે ‘તેલ લગાઓ ડાબર કા, વિકેટ લેલો બાબર કા’. મને લાગે છે કે આ બધી બાબતો ક્રિકેટને વધુ રસપ્રદ બનાવે છે.

પંત સારા ફોર્મમાં દેખાઈ રહ્યો છે
ઈજા બાદ આંતરરાષ્ટ્રીય ક્રિકેટમાં કમબેક કરનાર રિષભ પંત મેદાનમાં સારા ફોર્મમાં જોવા મળી રહ્યો છે. આયર્લેન્ડ સામે ત્રીજા નંબર પર બેટિંગ કરતી વખતે તેણે બ્લુ ટીમ માટે મેચ વિનિંગ ઇનિંગ્સ રમી હતી.

ટીમ માટે તેણે આયરિશ ટીમ સામે કુલ 26 બોલનો સામનો કર્યો હતો. દરમિયાન, તે 138.46ના સ્ટ્રાઈક રેટથી 36 અણનમ રન બનાવ્યા હતા. આ દરમિયાન તેણે 3 ફોર અને 2 શાનદાર સિક્સર ફટકારી હતી.