10 મિનિટ પેહલા
- કૉપી લિંક
આજે સમગ્ર વિશ્વમાં 10મો યોગ દિવસ ઉજવવામાં આવી રહ્યો છે. કાશીમાં વિશ્વનાથ ધામ અને ગંગા ઘાટ ખાતે યોગ કરવામાં આવ્યા હતા. અહીં ધીરજ ગોસ્વામીએ ગંગાના પંચગંગા ઘાટ પર જળ યોગની પ્રવૃતિઓ કરી હતી. યોગા કરતી વખતે તેમણે ગંગાના મોજામાં બે ફૂટ ઊંચો કૂદકો માર્યો હતો. ધીરજ વારાણસીમાં ફોટોગ્રાફી અને ગાઈડ તરીકે પણ કામ કરે છે. દિવ્ય ભાસ્કર સાથે વાત કરતાં તેમણે કહ્યું- હું નાનપણથી જ ગંગા ઘાટ પર સ્નાન કરું છું. મોજામાં કૂદવું એ પ્રેક્ટિસનો એક ભાગ છે. હું આ કોઈની પાસેથી શીખ્યો નથી.
ન્યૂઝ એજન્સી ANI અનુસાર જાપાનના સુકીજી હોંગવાનજી મંદિરમાં લોકોએ યોગ કર્યા. અહીં વરસાદ વચ્ચે લોકો છત્રી સાથે યોગ કરતા જોવા મળ્યા હતા. ઓસ્ટ્રેલિયાની રાજધાની કેનબેરામાં લોકોએ યોગ કર્યા અને તસવીરો સોશિયલ મીડિયા પર પોસ્ટ કરી. તે જ સમયે વિદ્યાર્થીઓએ ચીનની રાજધાની બેઇજિંગમાં યોગ કર્યા.
તસવીરોમાં જુઓ…
કાશીના દશાશ્વમેધ ઘાટ પર, 150 બાળકોએ સૂર્ય નમસ્કાર અને અષ્ટાંગ વિન્યાસના સામૂહિક યોગ કર્યા.
કાશીના ગંગા ઘાટ પર સ્કેટિંગ કરતી વખતે બાળકોએ યોગ કર્યા હતા.
કાશીમાં યોગ ટીચિંગ ઇન્સ્ટિટ્યૂટ વારાણસી દ્વારા રાજનારાયણ પાર્કમાં યોગનું આયોજન કરવામાં આવ્યું હતું. જેમાં મુસ્લિમ મહિલાઓએ પણ ભાગ લીધો હતો. તેમણે યોગના વિવિધ આસનો કર્યા.
ધીરજ ગોસ્વામીએ કાશીમાં જળયોગ કર્યા
જાપાનમાં યોગ દિવસ નિમિત્તે લોકો છત્રીની મદદથી યોગ કરતા જોવા મળ્યા.
જાપાનના સુકીજી હોંગવાનજી મંદિરમાં હજારો લોકોએ યોગ કર્યા હતા. વરસાદ હોવા છતાં લોકો છત્રીના સહારે યોગ કરતા જોવા મળ્યા હતા.
ઓસ્ટ્રેલિયાની રાજધાની કેનબેરામાં લોકો યોગ કરતા જોવા મળ્યા હતા.
ચીનમાં પણ યોગ લોકપ્રિય, અહીંના વિદ્યાર્થીઓએ યોગ કર્યા.
ગુરુવારે અમેરિકાના ન્યૂયોર્કના ટાઈમ્સ સ્ક્વેર ખાતે લગભગ 10 હજાર લોકોએ યોગ કર્યા.
ન્યૂયોર્કમાં ભારતીય વાણિજ્ય દૂતાવાસે યોગ દિવસ નિમિત્તે લોકોને યોગ પ્રત્યે પ્રેરિત કર્યા.
