9 વર્ષ બાદ હર્ષાલીને જોઈને ચોંક્યા નવાઝુદ્દીન: એક્ટર બોલી ઊઠ્યા, ‘અરે મુન્ની…’બજરંગી ભાઈજાન’ બાદ ફરી વખત બન્નેને એક સાથે જોઈ ફેન્સ થયા ખુશ

2015માં આવેલી ફિલ્મ ‘બજરંગી ભાઈજાન’ની સફળતા કોઈનાથી અજાણી નથી. આ ફિલ્મે બોક્સ ઓફિસ છલકાવી દીધી હતી. સલમાન ખાન નવાઝુદ્દીન સિદ્દીકીની ફિલ્મની જાન હતી મુન્ની, એટલે કે, હર્ષાલી મલ્હોત્રા. તેની માસૂમિયતે કરોડો ચાહકોના દિલ જીતી લીધા હતા.

આ ફિલ્મ રિલીઝ થયાને નવ વર્ષ વીતી ગયા છે. હવે હર્ષાલી ઘણી મોટી થઈ ગઈ છે. તે હાલમાં બોલિવૂડથી દૂર રહીને ભણતર પર ધ્યાન કેન્દ્રીત કરી રહી છે

હાલમાં જ હર્ષાલીની મુલાકાત ‘બજરંગી ભાઈજાન’ ફિલ્મના ચાંદ નવાબ(નવાઝુદ્દીન સિદ્દીકી) સાથે થઈ. બન્ને એક ઇવેન્ટમાં મળ્યા હતા. બન્નેની મુલાકાતનો વીડિયો સોશિયલ મીડિયા પર છવાયેલો છે. વીડિયોમાં જોઈ શકાય છે ઈવેન્ટમાં નવાઝ કોઈ સાથે બેસીને વાતચીત કરી રહ્યા છે. તે વખતે પાછળથી હર્ષાલી પોતાની માતા સાથે નવાઝુદ્દીનને મળવા આવે છે. એક્ટર તરત જ ઊભા થઈ જાય છે અને લિટલ સ્ટારને મળે છે.

નવાઝુદ્દીનને મળીને હર્ષાલી ખૂબ જ ખુશ જોવા મળી. મુલાકાત દરમિયાન તેના ચહેરા પર અત્યંત ખુશીના ભાવ અને સ્માઈલ જોવા મળી.

આ વીડિયો જોયા બાદ ફેન્સ નાસ્ટેલ્જિયા ફિલ કરી રહ્યા છે. અનેક યૂઝર્સે તો મેકર્સને આ ફિલ્મનો સેકન્ડ પાર્ટ બનાવવાની વિનંતી પણ કરી નાખી.

ફિલ્મમાં નવાઝુદ્દીને રિપોર્ટર ચાંદ નવાબનો રોલ ભજવ્યો હતો. ફિલ્મમાં રિપોર્ટિંગ કરવાનો તેમનો અંદાજ અજોડ હતો. એ રોલ હિટ થયો હતો. ફિલ્મ ‘બજરંગી ભાઈજાન’ થી હર્ષાલી રાતોરાત સ્ટાર બની ગઈ હતી. હાલ ભલે તે બોલિવૂડથી દૂર છે પરંતુ સોશિયલ મીડિયા પર એક્ટિવ રહે છે.

તેના ડાન્સ વીડિયો અને સુંદર ફોટોશૂટ જોઈને ફેન્સ ખુશ થાય છે. ફેન્સ હર્ષાલીના કમબેકની રાહ જોઈ રહ્યા છે