પ્રાણ પ્રતિષ્ઠા: જિલ્લાના સોઢાણા ગામે રામ મંદિરનું નિર્માણ અંતિમ ચરણમાં

અયોધ્યાના રામ મંદિરને લઈને સમગ્ર દેશભરમાં ખૂબ જ ભારે ઉત્સાહ જોવા મળી રહ્યો છે અને જાન્યુઆરી માસમાં રામ મંદિર મહોત્સવની ઉજવણી કરવામાં આવશે જેને તૈયારીઓ ચાલી રહી છે, ત્યારે પોરબંદરના સોઢાણા ગામે પણ ભવ્ય રામમંદિરનું નિર્માણ કાર્ય કરવામાં આવ્યું છે અને અયોધ્યાની સાથે સોઢાણા ખાતે પણ રામ મંદિર મૂર્તિ પ્રતિષ્ઠા કરવામાં આવશે જેની તડામાર તૈયારીઓ ચાલી રહી છે, તા.14 થી તા. 23 જાન્યુઆરી સુધી પ્રતિષ્ઠા મહોત્સવનું આયોજન કરવામાં આવ્યું છે, જેમાં સૌરાષ્ટ્રના વિવિધ શહેરોની ધૂન મંડળી રામધૂન બોલાવા પધારશે, જેમાં તા. 20 થી તા. 23 સુધી પ્રતિષ્ઠા મહોત્સવ યોજાશે, જેમાં અનેક સંતો મહંતો ખાસ ઉપસ્થિત રહેશે. સમગ્ર બરડા પંથકમાં ઉત્સાહ જોવા મળી રહ્યો છે. પ્રતિષ્ઠા મહોત્સવ દરમિયાન દરરોજ ગાયોને ઘાસચારો અને શ્વાનને રોટલા ખવડાવવામાં આવશે તેમજ તા. 20 જાન્યુઆરીના રોજ બપોરના 2 કલાકે ગામમાં ભવ્ય શોભાયાત્રા નીકળશે, તા. 21ના રોજ પ્રતિષ્ઠા યજ્ઞ સહિતના ધાર્મિક કાર્યક્રમો ઉપરાંત તા. 22ના રોજ મૂર્તિ પ્રતિષ્ઠા અને સાથે સાથે સાંસ્કૃતિક કાર્યક્રમનું આયોજન કરવામાં આવ્યું છે તેવું સ્થાનિક શ્યામ મોઢાએ જણાવ્યું છે.