6 કલાક પેહલા
- કૉપી લિંક
જૂહી ચાવલા અને શાહરુખ ખાને ઘણી ફિલ્મોમાં સાથે કામ કર્યું છે. બંને આજે પણ ખૂબ જ ખાસ મિત્રો છે. તાજેતરમાં જ જૂહી ચાવલાએ ખુલાસો કર્યો હતો કે, એક વખત શાહરુખ ખાન EMI ચૂકવવા સક્ષમ ન હતો, જેના કારણે તેની જીપ્સી કાર કંપનીએ છીનવી લીધી હતી. આ પછી શાહરુખ ખૂબ જ દુઃખી થઈ ગયો. જૂહીએ ગુજરાત ચેમ્બર ઓફ કોમર્સ એન્ડ ઇન્ડસ્ટ્રીના એક કાર્યક્રમમાં આખી સ્ટોરી સંભળાવી.
જૂહીએ જણાવ્યું કે, ‘તે દિવસોમાં શાહરુખ પાસે ઘર નહોતું કારણ કે તે દિલ્હીનો હતો. મને ખબર નથી કે તેના માટે કોણ રસોઈ કરતું હતું. પરંતુ સેટ પર તે અન્ય લોકોની સાથે યુનિટની પ્લેટમાંથી ભોજન લેતો હતો. યુનિટમાંથી જ ચા પીતા હતા. તે સેટ પર બધા સાથે હસતો અને મજાક કરતો હતો.’
‘તે દિવસોમાં તેની પાસે કાળા રંગની જીપ્સી કાર હતી. તે સમયે તેની પાસે ઘણી ફિલ્મો હતી. તે મારી સાથે ‘રાજુ બન ગયા જેન્ટલમેન’, ‘દિલ આશના હૈ’ અને દિવ્યા ભારતી સાથે બીજી ફિલ્મ ‘દીવાના’ કરી રહ્યો હતો. કોઈ કારણસર તે કારનો EMI ચૂકવી શક્યો ન હતો, તે ખૂબ જ નિરાશ થઈને સેટ પર આવ્યો. મેં તેને કહ્યું કે ચિંતા ન કરો, એક દિવસ તમારી પાસે ઘણી બધી કાર હશે અને તે હજી પણ યાદ છે કારણ કે તે સાચું પડ્યું. જુઓ આજે તે ક્યાં પહોંચી ગયો છે.’
શાહરુખ-જૂહીએ આ ફિલ્મોમાં કામ કર્યું છે
‘ડર’ (1993), ‘ડુપ્લિકેટ’ (1998), ‘રામ જાને’ (1995), ‘ફિર ભી દિલ હૈ હિન્દુસ્તાની’ (2000) અને ‘વન ટુ કા ફોર’ (2001) જેવી ફિલ્મોમાં શાહરુખ ખાન અને જુહી ચાવલા સાથે કામ કર્યું છે. હવે શાહરુખ ખાન ફિલ્મ ‘કિંગ’માં જોવા મળશે. જ્યારે જુહી ચાવલા છેલ્લે ‘ધ રેલ્વેમેન’ વેબ સિરીઝમાં જોવા મળી હતી.
