‘એનિમલ’ ​​​​​​દેશની ત્રીજી સૌથી વધુ કમાણી કરનાર હિન્દી ફિલ્મ: ‘ગદર-2’ને પછડાટ આપી, ભારતમાં 528.69 કરોડની કમાણી, ‘પઠાણ’ના રેકોર્ડથી 14 કરોડ પાછળ

રણબીર કપૂરની ફિલ્મ એનિમલે તેની રિલીઝના 20 દિવસમાં ભારતીય બોક્સ ઓફિસ પર 5 કરોડ રૂપિયાની કમાણી કરી હતી. ઈન્ડસ્ટ્રીના ટ્રેકર સેકનિલ્કના જણાવ્યા અનુસાર, ફિલ્મનું કુલ ડોમેસ્ટિક બોક્સ ઓફિસ કલેક્શન હવે 528.69 કરોડ રૂપિયા સુધી પહોંચી ગયું છે. આ સાથે એનિમલે ઘરેલુ કલેક્શનના મામલે સની દેઓલ સ્ટારર ફિલ્મ ‘ગદર 2’નો રેકોર્ડ તોડી નાખ્યો છે. આ વર્ષે 11 ઓગસ્ટે રિલીઝ થયેલી ગદર-2 એ ભારતીય બોક્સ ઓફિસ પર 525.45 કરોડ રૂપિયાનું કલેક્શન કર્યું હતું.

ટોપ-5 ડોમેસ્ટિક કલેક્શન હિન્દી ફિલ્મો

સની દેઓલ અભિનીત ગદર-2 એ પણ વૈશ્વિક સ્તરે સારી કમાણી કરી હતી.

હવે ‘પઠાણ’ના રેકોર્ડથી 14 કરોડ દૂર છે
હવે ‘એનિમલ’ની નજર ‘પઠાણ’નો રેકોર્ડ તોડવા પર છે. જોકે, આ કરવું ફિલ્મ માટે આસાન નહીં હોય કારણ કે આ માટે ફિલ્મને વધુ 14 કરોડ 36 લાખ રૂપિયાની કમાણી કરવી પડશે. હવે જોવાનું એ રહે છે કે ‘ડંકી’ અને ‘સાલાર’ જેવી નવી રિલીઝ વચ્ચે આ ફિલ્મ કેટલું સારું પ્રદર્શન કરી શકે છે.

શાહરૂખની ફિલ્મ પઠાણ આ વર્ષે સૌથી વધુ કમાણી કરનારી બીજી ફિલ્મ છે.

વર્લ્ડ વાઈડ કલેક્શન રૂ. 847.70 કરોડ પર પહોંચ્યું છે
આ ફિલ્મનું વર્લ્ડવાઈડ કલેક્શન 847.70 કરોડ રૂપિયા થઈ ગયું છે. જોકે હવે શુક્રવારે ‘ડંકી’ અને ‘સાલાર’ રિલીઝ થયા બાદ આ ફિલ્મના કલેક્શનમાં ઘટાડો થઈ શકે છે.

વિકી કૌશલની ‘સામ બહાદુર’ સિનેમાઘરોમાં સ્લીપર હિટ સાબિત થઈ છે.

‘સામ બહાદુર’એ દેશમાં 80 કરોડ રૂપિયાની કમાણી કરી
બીજી તરફ, વિકી કૌશલની ફિલ્મ સામ બહાદુરે રિલીઝના 20માં દિવસે દેશમાં 1 કરોડ 50 લાખ રૂપિયાનું કલેક્શન કર્યું હતું. હવે આ ફિલ્મે દેશભરમાં 81 કરોડ 20 લાખ રૂપિયાની કમાણી કરી લીધી છે. સોમવારે તેના હિન્દી શોની ઓક્યુપન્સી 14.31% હતી.

વિકી સ્ટારર આ ફિલ્મે તેના ત્રીજા વીકએન્ડમાં 12 કરોડ 10 લાખ રૂપિયાનું વધુ સારું કલેક્શન કર્યું છે. વર્લ્ડવાઈડ કલેક્શનની વાત કરીએ તો તે 100 કરોડ ક્લબમાં સામેલ થઈ ગઈ છે.