2 કલાક પેહલા
- કૉપી લિંક
આજે એટલે કે 22 ડિસેમ્બરે હૃતિક રોશન અને દીપિકા પાદુકોણ સ્ટારર ફિલ્મ ‘ફાઇટર’નું બીજું ગીત રિલીઝ થયું છે. ‘ઈશ્ક જૈસા કુછ…’ નામના આ ગીતમાં હૃતિક અને દીપિકા ગ્લેમરસ લુકમાં જોવા મળ્યાં હતા. દરિયા કિનારે શુટ કરવામાં આવેલા આ ગીતમાં બંને વચ્ચેની કેમેસ્ટ્રી સ્પષ્ટપણે જોવા મળી રહી છે. અત્રે ઉલ્લેખનીય છે કે, આ ટ્રેકને વિશાલ-શેખરે કમ્પોઝ કર્યો છે. આ ગીતમાં વિશાલ, શેખર અને શિલ્પા રાવે પોતાનો અવાજ આપ્યો છે. આ ફિલ્મ ભારતની પ્રથમ એરિયલ એક્શન ફિલ્મ હશે.
યુઝર્સે ગીતની ખૂબ પ્રશંસા પણ કરી હતી
‘ઈશ્ક જૈસા કુછ’ ટ્રેકમાં હૃતિક અને દીપિકા રોમેન્ટિક અંદાજમાં જોવા મળ્યાં હતાં. બંનેની કેમેસ્ટ્રી ફેન્સને પણ પસંદ આવી રહી છે. યુઝરે લખ્યું – ‘ખૂબ સારું! બસ વાહ! છેલ્લી વખત બોલિવૂડનાં ગીતમાં લીડ સ્ટાર્સ વચ્ચે આવી રસપ્રદ કેમિસ્ટ્રી ક્યારે જોવા મળી હતી તે યાદ નથી.’ યુઝર્સે પણ હૃતિકના ડાન્સની ખૂબ પ્રશંસા કરી હતી.
ફિલ્મ ‘ફાઇટર’ સાથે જોડાયેલી કેટલીક રોમાંચક વાતો
- બ્રિટિશ સ્ટુડિયોએ 6 મહિના સુધી VFX પર કામ કર્યું છે
- ફિલ્મનું શૂટિંગ આસામ, હૈદરાબાદ, જમ્મુ-કાશ્મીર અને મુંબઈમાં થયું છે.
- બ્રિટિશ વિઝ્યુઅલ ઇફેક્ટ્સ કમ્પ્યુટર એનિમેશન સ્ટુડિયો DNEG (ડબલ નેગેટિવ) એ શૂટિંગ પૂર્ણ થયા પછી 6 મહિના સુધી ફિલ્મના VFX પર કામ કર્યું.
- આ ફિલ્મ પહેલાં 30 સપ્ટેમ્બર 2022ના રોજ રિલીઝ થવાની હતી પરંતુ કોરોનાના કારણે રિલીઝ થવામાં સમય લાગ્યો હતો.
- આ ફિલ્મમાં ઘણા રિયલ લાઈફ ‘ઈન્ડિયન એરફોર્સ કેડેટ્સે’ પણ કામ કર્યું છે.
આ ફિલ્મ ગણતંત્ર દિવસના અવસર પર રિલીઝ થશે
‘સ્પિરિટ ઓફ ફાઈટર’ નામની ફિલ્મનું ટીઝર 15 ઓગસ્ટે રિલીઝ કરવામાં આવ્યું હતું. જેમાં હૃતિક, દીપિકા અને અનિલ કપૂરના એરફોર્સ ઓફિસર લુક્સ સામે આવ્યા હતા. સિદ્ધાર્થ આનંદના નિર્દેશનમાં બનેલી આ ફિલ્મ 25 જાન્યુઆરીએ રિલીઝ થશે. સિદ્ધાર્થ આનંદે 2021માં આ ફિલ્મની જાહેરાત કરી હતી.
હૃતિક રોશન અને દીપિકા પાદુકોણ પહેલીવાર ‘ફાઇટર’માં સાથે જોવા મળશે. આ સિવાય આ ફિલ્મમાં કરણ સિંહ ગ્રોવર અને અક્ષય ઓબેરોય પણ જોવા મળશે.
