સ્પોર્ટ્સ ડેસ્ક4 મિનિટ પેહલા
- કૉપી લિંક
પેરિસ ઓલિમ્પિકના બીજા દિવસે રવિવારે ભારતની સ્ટાર શટલર પીવી સિંધુએ પોતાનો પ્રથમ રાઉન્ડ જીતી લીધો છે. બેડમિન્ટન ઉપરાંત આજે ભારતીય ખેલાડીઓ શૂટિંગ, રોઈંગ, ટેબલ ટેનિસ અને સ્વિમિંગમાં ભાગ લેશે.
રમિતા 10 મીટર એર રાઇફલની ફાઇનલમાં પહોંચી છે. જ્યારે ઇલાવેનિલ વાલારિવનની સફર ખતમ થઈ ગઈ છે. વુમન્સની 10 મીટર એર રાઈફલના ક્વોલિફિકેશન રાઉન્ડની 6 સિરીઝ પૂરી થઈ ગઈ છે. રમિતાએ 5મું સ્થાન મેળવીને ફાઈનલ માટે ક્વોલિફાય કર્યું છે, જ્યારે ઈલાવેનિલ વાલારિવાનની સફર 10મું સ્થાન પ્રાપ્ત કરીને સમાપ્ત થઈ ગઈ છે.
આ સમય દરમિયાન, બધાની નજર મનુ ભાકર પર રહેશે, જે 10 મીટર એર પિસ્તોલની ફાઈનલમાં ગોલ્ડ મેડલ માટે જશે. રોઈંગની મેન્સ સિંગલ્સમાં ચોથું સ્થાન મેળવનાર બલરાજ પવાર આજે રેપેચેજ મેચ રમશે.
લાઈવ અપડેટ્સ
4 મિનિટ પેહલા
- કૉપી લિંક
રમિતા આવતીકાલે ગોલ્ડ મેડલ મેચ રમશે
20 વર્ષની રમિતાએ રવિવારે રમાયેલા ક્વોલિફિકેશન રાઉન્ડમાં 631.5ના સ્કોર સાથે ક્વોલિફાય કર્યું હતું. તે પાંચમા સ્થાને રહી હતી. તેણે છ સિરીઝમાં 104.3, 106.0, 104.9, 105.3, 105.3, 105.7નો સ્કોર કર્યો. તે જ સમયે, આ જ ઈવેન્ટમાં અન્ય એક ભારતીય એથ્લેટ અને અમદાવાદની ઈલાવેનિલ વાલારિવાન 630.7ના સ્કોર સાથે 10મા ક્રમે રહી હતી અને ફાઈનલ માટે ક્વોલિફાય થઈ શકી નહોતી. રમિતા આવતીકાલે બપોરે 1 વાગ્યાથી તેની ફાઇનલ મેચ રમશે અને ગોલ્ડ મેડલને ટાર્ગેટ કરશે.
7 મિનિટ પેહલા
- કૉપી લિંક
રમિતા 10 મીટર એર રાઇફલની ફાઈનલમાં
રમિતા 10 મીટર એર રાઇફલની ફાઇનલમાં પહોંચી છે. જ્યારે ઇલાવેનિલ વાલારિવનની સફર ખતમ થઈ ગઈ છે. વુમન્સની 10 મીટર એર રાઈફલના ક્વોલિફિકેશન રાઉન્ડની 6 સિરીઝ પૂરી થઈ ગઈ છે. રમિતાએ 5મું સ્થાન મેળવીને ફાઈનલ માટે ક્વોલિફાય કર્યું છે, જ્યારે ઈલાવેનિલ વાલારિવાનની સફર 10મું સ્થાન પ્રાપ્ત કરીને સમાપ્ત થઈ ગઈ છે.
20 મિનિટ પેહલા
- કૉપી લિંક
બલરાજ ક્વાર્ટર ફાઈનલમાં પહોંચ્યો
રોઇંગમાં બલરાજ પંવાર મેન્સ સિંગલ સ્કલ્સની ક્વાર્ટર ફાઈનલમાં પહોંચી ગયો છે. બલરાજ આ ઈવેન્ટની ક્વાર્ટર ફાઈનલમાં પહોંચનાર પ્રથમ ભારતીય છે. બલરાજ હવે મંગળવારે આ જ ઇવેન્ટની ક્વાર્ટર ફાઈનલમાં એક્શનમાં હશે.
36 મિનિટ પેહલા
- કૉપી લિંક
સિંધુએ જીત સાથે શરૂઆત કરી
પીવી સિંધુએ પેરિસ ઓલિમ્પિકની શરૂઆત જીત સાથે કરી છે. તેણે ગ્રૂપ સ્ટેજની તેની પ્રથમ મેચમાં માલદીવની ફાતિમથ નાબાહને 29 મિનિટમાં હરાવી હતી. સિંધુએ પહેલો સેટ 13 મિનિટમાં 21-9થી જીતી લીધો હતો. સિંધુએ બીજી ગેમ 14 મિનિટમાં 21-6થી જીતી લીધી હતી.
45 મિનિટ પેહલા
- કૉપી લિંક
શરૂઆત સારી નહીં, પણ પછીથી બધાએ મેચ જીતી
પેરિસ ઓલિમ્પિકના પ્રથમ દિવસે ભારતની શરૂઆત સારી રહી ન હતી. ટીમ 10 મીટર એર રાઈફલ મિક્સ્ડ ઈવેન્ટમાં ક્વોલિફિકેશન રાઉન્ડમાંથી બહાર થઈ ગઈ હતી. આ પછી શૂટિંગમાં સરબજોત અને અર્જુન 10 મીટર મેન્સ એર પિસ્તોલમાંથી બહાર થયા હતા. જોકે, મનુએ ક્વોલિફિકેશન ઈવેન્ટમાં 600માંથી 580 પોઈન્ટ મેળવ્યા હતા અને 45 શૂટર્સમાં ત્રીજા સ્થાને રહી હતી. આ ઈવેન્ટમાં બીજો ભારતીય શૂટર રિધમ સાંગવાન ફાઈનલમાં પહોંચી શકી નહોતી. બેડમિન્ટન સિંગલ્સમાં લક્ષ્ય સેન અને ડબલ્સમાં સાત્વિક-ચિરાગે યજમાન ફ્રાન્સ સામે તેમની પ્રથમ મેચ જીતી હતી. 31 વર્ષીય હરમીત દેસાઈ ટેબલ ટેનિસમાં રાઉન્ડ ઑફ 64માં પહોંચ્યો હતો. હોકીમાં ભારતે ન્યૂઝીલેન્ડને 3-2થી હરાવ્યું હતું.
મનુ ભાકર આજે શૂટિંગના ફાઈનલમાં ભાગ લેશે.
47 મિનિટ પેહલા
- કૉપી લિંક
બોક્સિંગમાં નિખત ઝરીન પંચ કરતા દેખાશે
બોક્સિંગમાં, નિખત ઝરીન બપોરે 3.50 વાગ્યે 50 કિગ્રા વર્ગમાં જર્મનીની મેક્સી કેરિના ક્લોત્ઝર સામે રમતી જોવા મળશે. આ રાઉન્ડ ઓફ 32 મેચ હશે. જ્યારે તીરંદાજીમાં ભારતીય મહિલા ટીમ સાંજે 5:45 કલાકે ક્વોલિફિકેશન મેચ રમશે.
47 મિનિટ પેહલા
- કૉપી લિંક
મનિકા બત્રા ટેબલ ટેનિસમાં રમતા જોવા મળશે
ભારતીય ખેલાડીઓ ટેબલ ટેનિસમાં 3 મેચ રમતા જોવા મળશે. પ્રથમ, શ્રીજા અકુલાનો મુકાબલો સ્વીડનની ક્રિસ્ટીના કોલબર્ગ સામે 2:15 કલાકે મહિલા રાઉન્ડ ઓફ 64 મેચમાં થશે. આ પછી શરથ કમલ બપોરે 3 વાગ્યે સ્લોવેનિયાના દાની કોઝુલ સામે રમશે. આ પણ રાઉન્ડ ઓફ 64 મેચ હશે. ટેબલ ટેનિસ સ્ટાર મનિકા બત્રા સાંજે 4:30 વાગ્યે વેલ્સની અન્ના હર્સી સામે ટકરાશે. આ મેચ રાઉન્ડ ઓફ 64ની પણ હશે.
48 મિનિટ પેહલા
- કૉપી લિંક
ઈલાવેનિલ વાલારિવન અને રમિતા જિંદાલ શૂટિંગમાં રમશે
12.45 વાગ્યે મહિલાઓની 10 મીટર એર રાઈફલ સિંગલ્સમાં ઈલેવેનિલ વાલારિવાન અને રમિતા જિંદાલ રમતા જોવા મળશે. આ ક્વોલિફિકેશન રાઉન્ડની મેચ હશે. આ પછી, સંદીપ સિંહ અને અર્જુન બબુતા બપોરે 2:45 કલાકે મેન્સના ક્વોલિફિકેશન રાઉન્ડમાં 10 મીટર એર રાઈફલ ઈવેન્ટમાં ભાગ લેશે. જો આ મેચમાં ટીમનું પ્રદર્શન સારું રહેશે તો આ ખેલાડીઓ મેડલ માટે રમશે.
