પાણીપત2 કલાક પેહલા
- કૉપી લિંક
ભારતીય ક્રિકેટ ટીમના વિકેટકીપર અને બેટર રિષભ પંતે પેરિસ ઓલિમ્પિકમાં નીરજ ચોપરાની જીત બદલ ઈનામની જાહેરાત કરી છે. નીરજ જેવલિન થ્રોની ફાઈનલમાં પહોંચી ગયો છે. તેણે ક્વોલિફિકેશન રાઉન્ડમાં 89.34 મીટરનો પ્રથમ થ્રો કરીને ફાઈનલમાં પ્રવેશ કર્યો હતો. તે 8મી ઑગસ્ટે ગોલ્ડ મેડલ જીતવા જશે.
આ દરમિયાન ભારતીય ક્રિકેટર રિષભ પંતનું એક ટ્વિટ વાઇરલ થઈ રહ્યું છે, જે તેણે નીરજ ચોપરા પર કર્યું છે. કેટલાક લોકો આ પોસ્ટ પર કમેન્ટ કરી રહ્યા છે કે પંતનું એક્સ એકાઉન્ટ હેક થઈ ગયું છે. પોસ્ટમાં રિષભ પંતના એકાઉન્ટ પર લખવામાં આવ્યું હતું- ‘જો નીરજ ચોપરા આવતીકાલે ગોલ્ડ મેડલ જીતે છે, તો હું એવા નસીબદાર વિજેતાને 100089 રૂપિયા આપીશ જે ટ્વિટને સૌથી વધુ લાઈક અને કમેન્ટ કરશે. બાકીના ટોપ-10 લોકો કે જેઓ ધ્યાન આકર્ષિત કરવાનો પ્રયાસ કરશે તેઓને પ્લેનની ટિકિટ મળશે. ચાલો ભારત અને સમગ્ર વિશ્વમાંથી મારા ભાઈને ટેકો આપીએ.’
ક્રિકેટર રિષભ પંતની આ ટ્વીટ સોશિયલ મીડિયા પર વાઇરલ થઈ રહી છે.
વિરાટ કોહલી પેરોડી એકાઉન્ટમાંથી લખ્યું- ખૂબ સારું
પંતની આ પોસ્ટને લાખો લાઈક્સ મળી છે, જ્યારે હજારો લોકોએ તેને રીટ્વીટ કરી છે. આ પોસ્ટ પર કેટલાક લોકો એવા છે જેઓ મોટી મોટી જાહેરાતો કરીને પંતની મજા લઈ રહ્યા છે. વિરાટ કોહલી પેરોડી એકાઉન્ટમાંથી લખાયેલું – ખૂબ સારું. જો નીરજ ચોપરા ગોલ્ડ જીતશે તો હું બે નસીબદાર વિજેતાઓને 50 હજાર રૂપિયા પણ આપીશ. મારી પોસ્ટ પર કમેન્ટ કરો.
પંત શ્રીલંકામાં વન-ડે ટીમમાં રમી રહ્યો છે
ઉલ્લેખનીય છે કે રિષભ પંત હાલમાં શ્રીલંકામાં છે અને વન-ડે ટીમમાં રમી રહ્યો છે. જોકે, રિષભ પંતને પ્રથમ બે વન-ડેમાં પ્લેઈંગ-11માં સામેલ કરવામાં આવ્યો ન હતો. તેની જગ્યાએ કેએલ રાહુલ વિકેટ કીપિંગ કરી રહ્યો હતો. સિરીઝની પ્રથમ વન-ડે ટાઈ રહી હતી જ્યારે બીજી વન-ડેમાં ભારતનો પરાજય થયો હતો. આજે બંને ટીમ વચ્ચે શ્રેણીની છેલ્લી વન-ડે રમાશે. ભારતીય ટીમ આ મેચને કોઈપણ ભોગે જીતવા માટે શ્રેષ્ઠ પ્રયાસ કરશે.
