કિવ11 મિનિટ પેહલા
- કૉપી લિંક
રશિયાનો આ બીજો પુલ છે જે યુક્રેન દ્વારા નષ્ટ કરાયો છે.
યુક્રેને રશિયાના કુર્સ્કમાં વધુ એક મહત્વપૂર્ણ પુલને બોમ્બથી ઉડાવી દીધો છે. યુક્રેનિયન એરફોર્સ કમાન્ડર માઇકોલા ઓલેશચુકે પણ સોશિયલ મીડિયા પર આ અંગેનો એક વીડિયો જાહેર કર્યો છે. તેમણે કહ્યું કે આ પુલનું વ્યૂહાત્મક મહત્વ ઘણું છે. તેને ઉડાવી દીધા બાદ રશિયાની સપ્લાય લાઇનને ઘણી અસર થશે.
રશિયાનો આ બીજો પુલ છે જે યુક્રેન દ્વારા નષ્ટ કરાયો છે. બે દિવસ પહેલા યુક્રેનની સેનાએ કુર્સ્કના ગ્લુશકોવોમાં બીજો પુલ તોડી પાડ્યો હતો. રોયટર્સ અનુસાર, આ પુલ સીમ નદી પર બનાવવામાં આવ્યો હતો. તે યુક્રેનિયન સરહદથી 15 કિમી દૂર છે.
રવિવારના રોજ પુલ પર થયેલો હુમલો બરાબર ક્યાં થયો તેની સત્તાવાર માહિતી હજુ સુધી મળી નથી. જો કે, રશિયન ટેલિગ્રામ ચેનલોએ દાવો કર્યો હતો કે ઝ્વનોયે ગામમાં સીમ નદી પરના બીજા પુલ પર હુમલો કરવામાં આવ્યો હતો. રશિયાના મેશ ન્યૂઝ અનુસાર, કુર્સ્કમાં 3 પુલ હતા. હવે માત્ર એક જ પુલ અકબંધ બચ્યો છે.
3 તસવીરોમાં જુઓ ખંડેર થયેલો પુલ
સીમ નદી પરનો આ બીજો પુલ છે જેને ઉડાવી દેવાયો હતો. ફૂટેજ સોશિયલ મીડિયા પર વાયરલ થયા છે.
સેમ નદી પરના બીજા પુલના વિનાશ પછી, કુર્સ્કમાં હવે માત્ર એક જ પુલ સુરક્ષિત છે. ફૂટેજ સોશિયલ મીડિયા પર વાયરલ થયા છે.
સીમ નદી પરના પુલની સેટેલાઇટ તસવીર.
બેલારુસ બોર્ડર પર યુક્રેનના 1 લાખથી વધુ સૈનિકો તહેનાત છે
યુક્રેને પણ બેલારુસની સરહદ પર હજારો સૈનિકો તહેનાત કર્યા છે. આ દાવો બેલારુસના રાષ્ટ્રપતિ એલેક્ઝાંડર લુકાશેન્કોએ કર્યો છે. તેમણે રવિવારે એક ઈન્ટરવ્યુમાં કહ્યું કે યુક્રેન જુલાઈની શરૂઆતમાં બેલારુસ સાથેની સરહદ પર 1 લાખ 20 હજાર સૈનિકો તહેનાત કર્યા હતા. તેમણે પાછળથી તેમાં ઉમેરો કર્યો.
લુકાશેન્કોએ કહ્યું કે જવાબમાં બેલારુસની એક તૃતીયાંશ સેના યુક્રેનની સરહદ પર તહેનાત કરવામાં આવી છે. જોકે, તેમણે સૈનિકોના સ્પષ્ટ આંકડા આપ્યા નથી. બ્રિટિશ અખબાર રોયટર્સે અહેવાલ આપ્યો છે કે 2022માં બેલારુસમાં 60 હજાર સૈનિકો હતા. આવી સ્થિતિમાં, માનવામાં આવે છે કે યુક્રેનની સરહદ પર બેલારુસના 20 હજારથી વધુ સૈનિકો તહેનાત છે.
ઝેલેન્સકીએ રવિવારે એક સંદેશ જાહેર કરીને યુક્રેનિયન સૈનિકોનો તેમની બહાદુરી માટે આભાર માન્યો હતો.
યુક્રેન રશિયાના કબજા હેઠળના પ્રદેશમાં બફર ઝોન બનાવશે
યુક્રેનના રાષ્ટ્રપતિ વોલોદિમિર ઝેલેન્સકીએ રવિવારે કહ્યું કે તેઓ કુર્સ્ક વિસ્તારને બફર ઝોન બનાવવા માટે હુમલો કરી રહ્યા છે. બફર ઝોન એ બે દેશો વચ્ચેની ખાલી જગ્યા છે. આ જગ્યા પર કોઈનો કબજો નથી.
યુક્રેને 6 ઓગસ્ટે રશિયાના કુર્સ્ક વિસ્તાર પર હુમલો કર્યો હતો. આ પછી રશિયાએ કુર્સ્કમાં ઈમરજન્સી લાદી દીધી. આ પછી રશિયાએ બેલગોરોડમાં પણ ઈમરજન્સી લાદી દીધી. યુક્રેને 16 ઓગસ્ટ સુધીમાં રશિયા પાસેથી 1,150 ચોરસ કિલોમીટરનો વિસ્તાર કબજે કર્યો હતો. બીબીસીના જણાવ્યા અનુસાર, યુક્રેનના અચાનક હુમલા બાદ 2 લાખથી વધુ રશિયન નાગરિકો પોતાના ઘર છોડીને ભાગી જવા મજબુર થયા છે.
રશિયાના કુર્સ્કમાં રસ્તા પર પેટ્રોલિંગ કરી રહેલા યુક્રેનિયન સૈનિકો.
યુક્રેને 82 ગામો કબજે કર્યા, સુદજામાં કમાન્ડ સેન્ટર ખોલ્યું
ગયા અઠવાડિયે, ઝેલેન્સકીએ દાવો કર્યો હતો કે તેમના દળોએ રશિયન શહેર સુદજા પર કબજો કરી લીધો છે અને અહીં લશ્કરી કમાન્ડ સેન્ટર ખોલ્યું છે.
સુદજા યુક્રેનિયન સરહદથી લગભગ 10 કિમી દૂર છે. તેની વસ્તી લગભગ 5,000 છે. અહીં એક રશિયન ગેસ પાઇપલાઇન સ્ટેશન છે. તેની મદદથી તે યુરોપિયન દેશોને ગેસ સપ્લાય કરે છે. અહેવાલો અનુસાર, યુક્રેનની સેના રશિયામાં 35 કિમી સુધી ઘૂસી ગઈ છે અને ઓછામાં ઓછા 82 ગામો પર કબજો કરી લીધો છે.
યુક્રેનના એક અધિકારીના જણાવ્યા અનુસાર, યુક્રેને 150થી વધુ રશિયન લોકોને બંધક બનાવી લીધા છે. તેમાંથી મોટાભાગના સૈનિકો છે. અધિકારીએ રોઇટર્સને જણાવ્યું હતું કે રશિયાએ સરહદ પર ઘણા યુવાન સૈનિકો તહેનાત કર્યા છે. તેમાંના ઘણા માટે લડવું યોગ્ય નથી અને સરળતાથી ઘુંટણીયે પડી જાય છે.
યુક્રેનિયન દળોએ કુર્સ્કમાં ઘણા રશિયન સૈનિકોને પકડી લીધા છે. આ તસવીર સોશિયલ મીડિયા પર વાયરલ થઈ રહી છે.
યુક્રેનની સેના રશિયામાં 35 કિમી સુધી ઘૂસી, સુદજા પર કબજો, 2 લાખથી વધુ લોકોએ પોતાના ઘર છોડ્યા
રાષ્ટ્રપતિ વોલોદિમિર ઝેલેન્સકીએ દાવો કર્યો છે કે યુક્રેને રશિયન શહેર સુદજા પર કબજો કરી લીધો છે. યુક્રેનની સેના રશિયામાં 35 કિમી સુધી અંદર ઘૂસી ગઈ છે. ઝેલેન્સકીએ એક વીડિયો સંદેશમાં જણાવ્યું હતું કે યુક્રેનિયન મિલિટરી કમાન્ડન્ટનું સેન્ટર હવે સુદજામાં ખુલ્યું છે. તેમણે કહ્યું કે યુક્રેનની સેનાએ છેલ્લા 10 દિવસમાં રશિયાના 82 ગામો કબજે કર્યા છે.
