32 મિનિટ પેહલા
- કૉપી લિંક
બોલિવૂડ અભિનેત્રી અને સાંસદ કંગના રનૌત હંમેશા પોતાના નિવેદનોને કારણે ચર્ચામાં રહે છે. હાલમાં જ કંગનાનો એક ઈન્ટરવ્યૂ સામે આવ્યો છે, જેમાં તેણે બોલિવૂડ સેલેબ્સને મૂંગા અને મૂર્ખ કહ્યા છે. કંગના રનૌત તાજેતરમાં રાજ શમાનીના પોડકાસ્ટ પર જોવા મળી હતી. આ દરમિયાન તેને પૂછવામાં આવ્યું કે શું તેના બોલિવૂડમાં મિત્રો છે? તેના જવાબમાં અભિનેત્રીએ કહ્યું કે, ‘જુઓ, હું બોલિવૂડ પ્રકારની નથી. હું બોલિવૂડના લોકો સાથે મિત્રતા નથી કરી શકતી. બોલિવૂડના લોકો ફક્ત પોતાના વિશે જ વિચારે છે. તેઓ મૂર્ખ, મૂંગા અને પ્રોટીન શેક લોકો છે’.
જ્યારે રાજે તેને કહ્યું કે દરેક વ્યક્તિ આવા ન હોઈ શકે, તો કંગનાએ જવાબ આપ્યો, ‘મેં ઘણું બૉલીવૂડ જોયું છે, તમે મને ન કહો . જો તે શૂટિંગ ન કરતા હોય, તો તે સવારે ઊઠે છે, થોડી કસરત કરે છે, બપોરે સૂઈ જાય છે, પછી જીમમાં જાય છે અને પછી રાત્રે ફરીથી સૂઈ જાય છે. તેઓ તિત્તીધોડા જેવા છે. તેઓ સંપૂર્ણપણે ખાલી છે, તો તમે આવા લોકો સાથે મિત્રતા કેવી રીતે કરી શકો. ક્યાં શું ચાલી રહ્યું છે તેની તેમને કોઈ જ ખબર નથી. તેઓ કશું બોલતા નથી, તેઓ તેમના આસપાસના વિશે કશું જાણતા નથી.’
બોલિવૂડ સેલેબ્સ નકલી વસ્તુઓ બતાવે છે – કંગના
કંગનાએ વાતચીતમાં કહ્યું કે, ‘બોલિવૂડના લોકો પરસ્પર મળીને એકબીજા સામે નકલી ઉચ્ચારમાં મોટા મોટા વખાણ કરે છે’. કંગનાએ વધુમાં કહ્યું કે, જો મને બોલિવૂડમાં કોઈ પ્રતિષ્ઠિત વ્યક્તિ મળે તો મને ખૂબ જ આઘાત લાગશે, જે માત્ર બ્રાન્ડેડ બેગ અને કારની વાત જ ન કરે તો.’
કંગનાએ વધુમાં કહ્યું કે બોલિવૂડની પાર્ટીઓ શરમજનક હોય છે. લોકો પાર્ટીઓમાં મળે છે અને માત્ર વજન અને મુદ્દાઓ વિશે વાત કરે છે જેમ કે કોણ કોને ડેટ કરે છે અને છૂટાછેડા લે છે. આના પર કંગનાએ કહ્યું, ‘બોલિવૂડની પાર્ટીઓ મારા માટે ટ્રોમા છે. જો તમને લાગે છે કે બોલિવૂડની પાર્ટીઓમાં બૌદ્ધિક અથવા કોઈ મુદ્દાની ચર્ચા થશે, તો તમે ખોટા છો. ત્યાં દરેક વ્યક્તિ મૂર્ખ છે.’
નોંધનીય છે કે, કંગના રનૌત જલ્દી જ ફિલ્મ ‘ઈમરજન્સી’માં જોવા મળશે. આ ફિલ્મ 6 સપ્ટેમ્બરે રિલીઝ થશે, જેનું ટ્રેલર રિલીઝ થઈ ગયું છે. આ ફિલ્મમાં કંગનાએ પૂર્વ વડાપ્રધાન ઈન્દિરા ગાંધીની ભૂમિકા ભજવી છે. કંગનાએ પોતે જ આ ફિલ્મનું નિર્દેશન અને નિર્માણ કર્યું છે. આ ફિલ્મમાં કંગના સાથે અનુપમ ખેર, શ્રેયસ તલપડે અને મહિમા ચૌધરી જેવા કલાકારો જોવા મળવાના છે.
