નિખિલે કોર્ટમાં દલજીતને પત્ની તરીકે સ્વીકારવાનો ઇનકાર કર્યો: અભિનેત્રી ગુસ્સે થઈ ગઈ અને કહ્યું, ‘આ વાત કરવાચોથના દિવસે કેમ ન કહી, શું હું રખાત હતી?’

ટીવી અભિનેત્રી દલજીત કૌરે તાજેતરમાં કેન્યાના બિઝનેસમેન પતિ નિખિલ પટેલ સામે છેતરપિંડીની ફરિયાદ નોંધાવી હતી. છૂટાછેડાના સમાચાર વચ્ચે અભિનેત્રી સતત ચર્ચામાં રહે છે. હવે અભિનેત્રીએ સોશિયલ મીડિયા પોસ્ટ દ્વારા જણાવ્યું છે કે તેના કેસની પ્રથમ સુનાવણી કેન્યામાં થઈ હતી. જોકે, ફુલ કોર્ટમાં નિખિલે દલજીત તેની સત્તાવાર પત્ની હોવાનું સ્વીકારવાનો પણ ઇનકાર કરી દીધો હતો. હવે દલજીત કૌરે નિખિલના નિવેદન પર ગુસ્સામાં સવાલ ઉઠાવ્યો છે કે જો તે પત્ની ન હતી તો શું તે રખાત હતી?

દલજીત કૌરે હાલમાં જ તેના સોશિયલ મીડિયા એકાઉન્ટના સ્ટોરી સેક્શન પર લખ્યું છે કે,- જે લોકો આ વિશે જાણવા માગે છે તેમને હું કહેવા માંગુ છું કે આજે કોર્ટમાં મારી પ્રથમ સુનાવણી હતી. તેમના વકીલ હંમેશા સાબિત કરતા રહ્યા કે અમે ક્યારેય લગ્ન કર્યા નથી. જ્યારે મેં ફરિયાદ નોંધાવી ત્યારે ભારતીય પોલીસે મને કહ્યું કે પરંપરાઓ અને પ્રત્યક્ષદર્શીઓ તેને જેલના સળિયા પાછળ ધકેલી દેવા માટે પૂરતા છે. જો તે લગ્ન કરવાનો ઇનકાર કરશે તો હવે આગળ શું કરવું તે જોવાનું રહ્યું. પરંતુ તેના પરિવારને એ કહેતા શરમ આવવી જોઈએ કે આ કોઈ લગ્ન જ નથી.

આગળ, દલજીત કૌરે કેન્યાની એક કંપનીનો ઉલ્લેખ કર્યો છે અને લખ્યું છે કે,- જ્યારે તમે તમારા તમામ મોટા નેતાઓને સાંસ્કૃતિક કાર્યક્રમમાં આમંત્રિત કર્યા હતા, ત્યારે શું તમે તેમની બધી પત્નીઓને ગેટ-ટુગેધર માટે આમંત્રણ આપ્યું ન હતું? અથવા શું હું એક રખાત હતી જેને તમે બોલાવી હતી?

દલજીતે પોતાની પોસ્ટમાં આગળ લખ્યું,- મને એ જાણીને શરમ આવે છે કે તમે સાબિત કરી રહ્યા છો કે આપણા લગ્ન નથી થયા. તમારે આ વાત મને કરવાચોથના દિવસે કહેવી જોઈતી હતી, જ્યારે હું રાત્રે સાડા અગિયાર વાગ્યા સુધી મારા પતિ માટે ભૂખી રહી હતી. મારે તે દિવસે ખાઈ લેવું જોઈતું હતું. તમને શરમ આવવી જોઈએ નિખિલ.’

નોંધનીય છે કે ટીવી એક્ટ્રેસ દલજીત કૌરે 2009માં એક્ટર શાલીન ભનોત સાથે લગ્ન કર્યા હતા, જેનાથી તેમને એક પુત્ર જોર્ડન છે. આ લગ્ન 2015 માં તૂટી ગયા, ત્યારબાદ દલજીતે 2023 માં કેન્યા સ્થિત બિઝનેસમેન નિખિલ પટેલ સાથે બીજી વાર લગ્ન કર્યા.

ભારતમાં હિંદુ રીતિ-રિવાજ મુજબ લગ્ન થયા હતા, ત્યારબાદ દલજીત તેના પુત્ર જોર્ડન સાથે કેન્યા શિફ્ટ થઈ ગઈ હતી, જોકે તે 8 જ મહિના પછી ભારત પરત આવી હતી. ભારત આવ્યા બાદ દલજીતે તેના પતિ પર છેતરપિંડી અને એક્સ્ટ્રા મેરિટલ અફેરનો આરોપ લગાવ્યો, જેના કારણે તે હેડલાઇન્સમાં આવી.

ત્યારથી દલજીત સોશિયલ મીડિયા દ્વારા સતત તેના પતિ પર આરોપ લગાવી રહી હતી, ત્યારબાદ નિખિલે તેનો સામાન ઘરની બહાર ફેંકી દેવાની ધમકી આપી હતી અને કહ્યું હતું કે તેણે દલજીત સાથે ક્યારેય રજિસ્ટર્ડ મેરેજ કર્યા નથી. લાંબા વિવાદ બાદ 4 ઓગસ્ટે દલજીતે આગ્રીપાડા પોલીસ સ્ટેશનમાં નિખિલ વિરુદ્ધ ફરિયાદ નોંધાવી હતી. દલજીત બાદ નિખિલે પણ કેન્યામાં દલજીત વિરુદ્ધ ફરિયાદ નોંધાવી હતી, જેની સુનાવણી 22 ઓગસ્ટે હાથ ધરવામાં આવી હતી.