27 મિનિટ પેહલા
- કૉપી લિંક
‘ક્યોંકિ’, ‘હંગામા’ અને ‘ગોલમાલ’ જેવી શાનદાર ફિલ્મોનો હિસ્સો રહી ચૂકેલી અભિનેત્રી રિમી સેને હાલમાં જ એક કાર કંપની સામે કેસ દાખલ કરીને 50 કરોડ રૂપિયાના વળતરની માંગણી કરી છે. અભિનેત્રીએ કહ્યું છે કે કંપનીની બેદરકારીને કારણે કોઈનો જીવ પણ જઈ શકે છે. તેણે ઘણી વખત ફરિયાદ કરી, પરંતુ કંપનીએ તેની અવગણના કરવાનું ચાલુ રાખ્યું અને પછી ખરાબ વર્તન કરવાનું શરૂ કર્યું, જેના કારણે તેને માનસિક ત્રાસનો સામનો કરવો પડ્યો.
તાજેતરના ETimes ના અહેવાલ મુજબ, રિમી સેને જગુઆર લેન્ડ રોવર, નવનીત મોટર્સ અને સતીશ મોટર વિરુદ્ધ કેસ દાખલ કર્યો છે અને નોટિસ મોકલી છે. રિમી સેન લાંબા સમયથી કારના રિયર એન્ડ કેમેરાની સમસ્યાનો સામનો કરી રહી હતી. ટેક્નિકલ સમસ્યાઓના કારણે 25 ઓગસ્ટ, 2022ના રોજ તેની કાર પાછળથી પોલ સાથે અથડાઈ હતી. જ્યારે તેણે કંપનીમાં આ અંગે ફરિયાદ કરી તો કંપનીના લોકોએ તેની અવગણના કરી અને તેની સાથે ખરાબ વર્તન કર્યું.
અભિનેત્રીએ જણાવ્યું કે તેણે કારને રિપેર કરાવવા માટે લગભગ 10 વખત સર્વિસ સેન્ટર મોકલી હતી, પરંતુ તેની કાર ક્યારેય યોગ્ય રીતે રિપેર કરવામાં આવી ન હતી.
અભિનેત્રીએ 50 કરોડ રૂપિયાના વળતરની માંગ કરી
અભિનેત્રીએ પોતાની ફરિયાદમાં કહ્યું છે કે, કાર કંપનીની બેદરકારીને કારણે તેને માનસિક ઉત્પીડનનો સામનો કરવો પડ્યો છે, જેના માટે તે 50 કરોડ રૂપિયાના વળતરની માંગ કરે છે. વળતર ઉપરાંત, અભિનેત્રીએ કાયદાકીય ખર્ચ માટે 10 લાખ રૂપિયાની પણ માંગ કરી છે.
ફરિયાદમાં અભિનેત્રીએ કહ્યું છે કે, તે કંપની અને તેની સેવાથી અત્યંત નિરાશ છે. તેઓ ગ્રાહકો પ્રત્યે ખરાબ વલણ ધરાવે છે. મારી કાર એક થાંભલા સાથે અથડાઈ, પણ એ થાંભલાની જગ્યાએ કોઈ માણસ હોઈ શકે. કંપનીની બેદરકારીના કારણે કોઈનું મોત થઈ શકે છે અથવા તો કોઈ ગંભીર અકસ્માત થઈ શકે છે. તે સમયે કોઈના જીવનની ખોટની ભરપાઈ કોઈ વળતર આપી શકતી નથી. ETimes સાથે વાત કરતી વખતે, અભિનેત્રીએ જણાવ્યું કે તે આ કેસ તેના વકીલ સાથે મેનેજ કરી રહી છે.
નોંધનીય છે કે, ‘બાગબાન’, ‘ધૂમ’, ‘ગરમ મસાલા’, ‘ક્યૂં કી….’, ‘ફિર હેરા ફેરી’, ‘ગોલમાલ: ફન અનલિમિટેડ’ જેવી ઘણી શાનદાર ફિલ્મોનો ભાગ રહી ચૂકેલી અભિનેત્રી લાંબા સમયથી ફિલ્મોથી દૂર છે. અભિનેત્રી 2015માં લોકપ્રિય રિયાલિટી શો ‘બિગ બોસ 9’નો ભાગ બની હતી. તેની છેલ્લી ફિલ્મ 2016ની ‘બુધિયા સિંહ’ હતી.
