કોહલીની ઓટોગ્રાફવાળી જર્સી ₹40 લાખમાં વેચાઈ: રાહુલ-આથિયાએ ચેરિટી ઓક્શન કરી, કુલ રૂ. 1.93 કરોડ એકત્ર કર્યા

જરૂરિયાતમંદ બાળકોને મદદ કરવા માટે, ભારતીય બેટર કેએલ રાહુલ અને તેની પત્ની આથિયા શેટ્ટીએ 23 ઓગસ્ટ, શુક્રવારના રોજ ચેરિટી ઓક્શનનું આયોજન કર્યું હતું. અહીં ભારતીય ક્રિકેટરોની ઓટોગ્રાફવાળી વસ્તુઓની ઓક્શન કરવામાં આવી હતી. આ સમયગાળા દરમિયાન, વિરાટ કોહલીએ સાઇન કરેલી જર્સીની સૌથી વધુ બોલી 40 લાખ રૂપિયા હતી.

આ ઓક્શન વિપ્લા ફાઉન્ડેશન માટે ‘ક્રિકેટ ફોર ચેરિટી’ના નામે કરવામાં આવી હતી. જેમાં વિરાટ કોહલી, એમએસ ધોની, રોહિત શર્મા અને કેએલ રાહુલ જેવા સ્ટાર ખેલાડીઓની ઓટોગ્રાફવાળી વસ્તુઓની ઓક્શન કરવામાં આવી હતી. આ ઓક્શન માટે કુલ 1.93 કરોડ રૂપિયા એકત્ર થયા હતા. આ પૈસાથી વિકલાંગ બાળકોના શિક્ષણ માટે કામ કરવામાં આવશે.

વિરાટ કોહલીની સહી કરેલી જર્સી સૌથી વધુ 40 લાખ રૂપિયામાં વેચાઈ હતી.

વિરાટ કોહલીની વસ્તુઓ સૌથી મોંઘી વેચાઈ
આ ચેરિટી ઓક્શનમાં સ્ટાર ક્રિકેટર વિરાટ કોહલીની વસ્તુઓ સૌથી મોંઘી વેચાઈ હતી. તેની સહી કરેલી જર્સી સિવાય તેના બેટિંગ ગ્લોવ્સ માટે 28 લાખ રૂપિયાની બોલી મળી હતી. આ સિવાય ભારતીય કેપ્ટન રોહિત શર્માનું બેટ 24 લાખ રૂપિયામાં અને બેટિંગ ગ્લોવ્સ 7.5 લાખ રૂપિયામાં વેચાયું હતું.

ભૂતપૂર્વ ભારતીય કેપ્ટન એમએસ ધોનીના બેટની 13 લાખ રૂપિયાની બોલી લાગી હતી, જ્યારે ભૂતપૂર્વ હેડ કોચ રાહુલ દ્રવિડનું બેટ 11 લાખ રૂપિયામાં વેચાયું હતું. કેએલ રાહુલની ટેસ્ટ જર્સી પણ 11 લાખ રૂપિયામાં ખરીદી હતી. આ દરમિયાન રાહુલના બેટ માટે 7 લાખ રૂપિયા અને હેલ્મેટ માટે 4.20 લાખ રૂપિયાની બોલી લાગી હતી.

ભારતીય ટીમના ફાસ્ટ બોલર જસપ્રીત બુમરાહની જર્સી 8 લાખ રૂપિયામાં ખરીદી હતી. રિષભ પંતના બેટ માટે 7.5 લાખ રૂપિયા અને વિકેટ કીપિંગ ગ્લોવ્સ માટે 3.5 લાખ રૂપિયાની બોલી લાગી હતી. જ્યારે અનુભવી સ્પિનર ​​આર અશ્વિનની ટેસ્ટ જર્સી 4.20 લાખ રૂપિયામાં વેચાઈ હતી.

એમએસ ધોનીના ગ્લોવ્ઝ રૂ. 3.50 લાખમાં, શ્રેયસ અય્યરનું બેટ રૂ. 2.80 લાખમાં, રવીન્દ્ર જાડેજાની જર્સી રૂ. 2.40 લાખમાં, ક્વિન્ટન ડી કોકની જર્સી રૂ. 1.10 લાખમાં, સંજુ સેમસન અને યુઝવેન્દ્ર ચહલની જર્સી રૂ. 5000માં ખરીદી હતી.

ઓક્શન અંગે રાહુલ-આથિયાએ શું કહ્યું?
આ ચેરિટી ઓક્શન અંગે આથિયા શેટ્ટીએ કહ્યું, ‘રાહુલ અને હું વિપ્લા ફાઉન્ડેશનને ફાયદો પહોંચાડવા માટે અમારી પ્રથમ ચેરિટી ઓક્શન, ‘ક્રિકેટ ફોર અ કોઝ’ની જાહેરાત કરતાં રોમાંચિત છીએ.’

જ્યારે રાહુલે કહ્યું કે, ‘આ ઓક્શમાંથી મળેલા પૈસા વિપ્લા ફાઉન્ડેશનની શ્રવણશક્તિ અને બૌદ્ધિક રીતે વિકલાંગ બાળકો માટેની વિશેષ શાળાને મદદ કરશે. આ એક એવું કાર્ય છે જે મારા હૃદયની ખૂબ નજીક છે.

રાહુલ અને આથિયાએ વિપ્લા ફાઉન્ડેશનને મદદ કરવા માટે ચેરિટી ઓક્શનનું આયોજન કર્યું હતું.