સ્પોર્ટ્સ ડેસ્ક2 કલાક પેહલા
- કૉપી લિંક
ડિફેન્ડિંગ ચેમ્પિયન સર્બિયાનો નોવાક જોકોવિચ યુએસ ઓપનના ત્રીજા રાઉન્ડમાં પહોંચી ગયો છે. બુધવારે રાત્રે રમાયેલી બીજા રાઉન્ડની મેચમાં જોકોવિચને વોકઓવર મળ્યો હતો. બીજા રાઉન્ડમાં સર્બિયાના લાસ્લો જારે ઈજાના કારણે રિટાયર્ડ થઈ ગયો હતો. જોકોવિચે આ મેચ 6-4, 6-4, 2-0થી જીતી હતી.
યુએસ ઓપનમાં જોકોવિચની આ 90મી જીત હતી. આ જીત સાથે જોકોવિચ ચારેય ગ્રાન્ડ સ્લેમમાં 90થી વધુ મેચ જીતનાર પ્રથમ ટેનિસ ખેલાડી બની ગયો છે.
યુએસ ઓપનમાં જોકોવિચની આ 90મી જીત હતી.
જોકોવિચ ચોથા રાઉન્ડમાં પોપીરિન સામે ટકરાશે
24 વખતનો ગ્રાન્ડ સ્લેમ ચેમ્પિયન જોકોવિચ શુક્રવારે ચોથા રાઉન્ડમાં 28મી ક્રમાંકિત એલેક્સી પોપીરિન સામે ટકરાશે. ગયા વર્ષે યુએસ ઓપનમાં જોકોવિચ સામે સેટ જીતનાર જેરે એકમાત્ર ખેલાડી હતો. જોકોવિચે પ્રથમ રાઉન્ડમાં મોલ્ડોવાના રાડુ અલ્બોટને 6-2, 6-2, 6-4થી હરાવ્યો હતો.
વિમ્બલ્ડન ચેમ્પિયન ક્રેસીકોવા યુએસ ઓપનમાંથી બહાર
વિમ્બલ્ડન ચેમ્પિયન બાર્બોરા ક્રેસીકોવા યુએસ ઓપનના બીજા રાઉન્ડમાં એલેના ગેબ્રિએલા રુસ સામે 4-6, 5-7થી હારીને બહાર થઈ ગઈ હતી. આઠમી ક્રમાંકિત ક્રેસીકોવા પેરિસ ઓલિમ્પિક બાદ કોઈ મેચ રમી ન હતી. રૂસ હવે 26મી ક્રમાંકિત પૌલા બડોસા સામે ટકરાશે. બડોસાએ અમેરિકાના ટેલર ટાઉનસેન્ડને 6-3, 7-5થી હરાવી હતો.
ટિયાફોનો સામનો શેલ્ટન સામે થશે
મેન્સ સિંગલ્સમાં ફ્રાન્સિસ ટિયાફોએ એલેક્ઝાન્ડર શેવચેન્કોને 6-4, 6-2, 1-0થી હરાવ્યો હતો. હવે ટિયાફોનો સામનો બેન શેલ્ટન સામે થશે. 13મો સીડ ધરાવતા શેલ્ટને રોબર્ટો બટિસ્ટા અગુટને 6-3, 6-4, 6-4થી હરાવ્યો હતો.
ફ્રાન્સિસ ટિયાફોએ એલેક્ઝાન્ડર શેવચેન્કોને 6-4, 6-2, 1-0થી હરાવ્યો હતો.
