રૂબીના દિલાઈકે જોડિયા દીકરીઓની પહેલી ઝલક બતાવી: પુત્રીઓ 1 મહિનાની થતા પૂજા કરી, દીકરીઓના નામ એધા અને જીવા રાખ્યા

અભિનેત્રી રૂબિના દિલાઈકે 27 નવેમ્બરે જોડિયા દીકરીઓને જન્મ આપ્યો હતો. માતા બન્યા બાદ તેણે સોશિયલ મીડિયા પર કોઈ પોસ્ટ શેર કરી નથી. પરંતુ હવે અભિનેત્રીએ તેની પુત્રીઓ એક મહિનાની થતાંની સાથે કેટલીક તસવીરો શેર કરી છે. તેણે પોતાની દીકરીઓના નામ એધા અને જીવા રાખ્યા. એક મહિનો પૂરો થવા પર અભિનેત્રીએ પોતાની દીકરીઓ માટે ઘરે પૂજાનું આયોજન કર્યું હતું. અભિનેત્રીએ પૂજાની કેટલીક તસવીરો સોશિયલ મીડિયા પર શેર કરી છે.

પોસ્ટ શેર કરતી વખતે, અભિનેત્રીએ કેપ્શનમાં લખ્યું.અમે શેર કરતાં ખૂબ જ ખુશ અને ઉત્સાહિત છીએ કે અમારી પુત્રીઓ જીવા અને એધા આજે 1 મહિનાની થઈ ગઈ છે.’

રૂબીના અને અભિનવની દીકરીઓની પહેલી ઝલક.

રૂબીનાએ તેની બંને દીકરીઓનું નામ એધા અને જીવા રાખ્યું છે.

એધા અને જીવાના ચહેરા હજુ દેખાડવામાં આવ્યા નથી.

રૂબીના દિલાઈક બિગ બોસ-14ની વિજેતા રહી ચૂકી છે.

રૂબીનાને તેની પોસ્ટ પર ઘણા સેલેબ્સે અભિનંદન પાઠવ્યા હતા.
શેર કરેલા ફોટામાં રૂબીના અને અભિનવ તેમના ઘરની બાલ્કની પાસે ઉભા હતા. તેણે તેના જોડિયા બાળકોને ખોળામાં તેડ્યા છે અને કેમેરા સામે સ્મિત કર્યું. અભિનવ સફેદ કુર્તામાં જોવા મળ્યો હતો જ્યારે રૂબીના સુંદર આછા વાદળી રંગના સલવાર સૂટમાં જોવા મળી હતી. બંને દીકરીઓ સફેદ કપડામાં લપેટાયેલી જોવા મળી હતી. ફોટામાં ફક્ત તેમના નાના માથા જ દેખાતા હતા. બીજી તસવીરમાં નાની આંગળીઓએ ફૂલ પકડ્યું છે. ઘણા સેલેબ્સે પણ રૂબીનાને તેની પોસ્ટ પર અભિનંદન પાઠવ્યા છે.

રૂબીનાએ સપ્ટેમ્બરમાં પ્રેગ્નન્સીના સમાચારની પુષ્ટિ કરી હતી
રૂબીના દિલેકે 16 સપ્ટેમ્બરે તેના સોશિયલ મીડિયા એકાઉન્ટ દ્વારા પ્રેગ્નન્સીના સમાચાર શેર કર્યા હતા. આ પછી, નવેમ્બરમાં એક ઇન્ટરવ્યુ દરમિયાન, તેણે એ પણ કહ્યું હતું કે તેને ટ્વિન્સ થવાનું છે. રૂબીના દિલાઈકે 21 જૂન 2018ના રોજ શિમલામાં અભિનેતા અભિનવ શુક્લા સાથે લગ્ન કર્યા હતા. આ બંને એકસાથે બિગ બોસ 14નો ભાગ હતા; શોમાં તેમની વચ્ચે ઘણી તકરાર થઈ હતી. જોકે, શો છોડ્યા બાદ બંનેએ પોતાના સંબંધોને નવો મોકો આપ્યો છે.

રૂબીના દિલાઈકે મેટરનિટી શૂટ કર્યું હતું

રૂબીના અને અભિનવે અપ્સરા થીમ પર ફોટોશૂટ કરાવ્યું હતું.

આ કપલ બિગ બોસ-14માં સાથે જોવા મળ્યું હતું.

રૂબીનાએ આ તસવીર પોસ્ટ કરીને પોતાની પ્રેગ્નન્સીની જાહેરાત કરી હતી.

રૂબીનાએ તેના બેબી બમ્પને ફ્લોન્ટ કરતી વખતે ફોટોશૂટ કરાવ્યું હતું.

તમને જણાવી દઈએ કે એક ઈન્ટરવ્યુ દરમિયાન અભિનેત્રીએ કહ્યું હતું કે તેના અને અભિનવ વચ્ચે કેટલીક અંગત બાબતોના કારણે અણબનાવ હતો. મામલો એ હદે વધી ગયો હતો કે બંને છૂટાછેડા લેવા માંગતા હતા. જો કે, દંપતીએ તેમના સંબંધોને બીજી તક આપી. ત્યારથી બંને સાથે ખૂબ જ ખુશ છે. હવે આ દિવસોમાં તે પોતાના જીવનના આ નવા તબક્કાનો આનંદ માણી રહ્યો છે. હાલમાં આ કપલ માતા-પિતા બન્યા બાદ તેમના જીવનમાં ખૂબ જ ખુશ છે.