4 શુભ યોગમાં આજે ‘ગણેશ ચતુર્થી’: ગણપતિની સ્થાપના કરવાનું શ્રેષ્ઠ મુહૂર્ત સવારે 11.20 વાગ્યાથી, જાણો ગણેશ પુરાણ અનુસાર પૂજાની રીત

7 સપ્ટેમ્બરે એટલે કે આજે ગણેશ ચતુર્થી છે. આ દિવસે દેશભરમાં બાપ્પાની સ્થાપના કરવામાં આવશે. આ માટે દિવસભરમાં 3 શુભ મુહૂર્ત રહેશે. સૂર્યાસ્ત પહેલા મૂર્તિની સ્થાપના કરવાની પરંપરા છે. ગણેશ પુરાણ અનુસાર, ગણપતિનો જન્મ ચતુર્થી તિથિ અને ચિત્રા નક્ષત્રના મધ્યાહ્ન સમયગાળામાં થયો હતો, એટલે કે દિવસના ઉત્તરાર્ધમાં. આ શુભ સમય સવારે 11.20 થી શરૂ થઈ રહ્યો છે.

આ વખતે ગણેશ ચતુર્થીના દિવસે સુમુખ નામનો શુભ યોગ બની રહ્યો છે. આ પણ ભગવાન ગણેશનું એક નામ છે. આની સાથે પારિજાત, બુધાદિત્ય અને સર્વાર્થસિદ્ધિ યોગની રચના થઈ રહી છે. જ્યોતિષીઓનું માનવું છે કે આ સંયોગમાં ભગવાન ગણપતિ સ્થાનપના શુભ પરિણામોમાં વધુ વધારો થશે.

શાસ્ત્રો અનુસાર ગણેશના અનેક સ્વરૂપો છે, પરંતુ ભાદરવા મહિનામાં આવતી આ ગણેશ ચતુર્થી પર સિદ્ધિ વિનાયકના રૂપમાં ગણેશજીની પૂજા કરવાની પરંપરા છે. ભગવાન વિષ્ણુએ ગણેશના આ સ્વરૂપની પૂજા કરી અને તેમને આ નામ પણ આપ્યું.

​​​​​જો કોઈ કારણસર તમે ગણેશની સ્થાપના અને પૂજા ન કરી શકો તો શું કરવું? સમગ્ર ગણેશોત્સવ દરમિયાન દરરોજ ગણેશજીના માત્ર ત્રણ મંત્રનો જાપ કરવાથી પણ પુણ્ય મળે છે. સવારે સ્નાન કર્યા પછી, ભગવાન ગણેશના મંત્રોના પાઠ કર્યા પછી, વ્યક્તિએ પ્રણામ કરીને ઓફિસ, દુકાન અથવા કોઈપણ કામ માટે નીકળી જવું જોઈએ.