41 મિનિટ પેહલા
- કૉપી લિંક
ફિલ્મ નિર્માતા રાજુકમાર હિરાનીએ વર્ષ 2003માં ‘મુન્નાભાઈ MBBS’ ફિલ્મ દ્વારા મુન્નાભાઈ અને સર્કિટ જેવા કેરેક્ટરને રજૂ કર્યા હતા. 3 વર્ષ પછી વર્ષ 2006માં ફિલ્મ ‘લગે રહો મુન્ના ભાઈ’ની સિક્વલ રિલીઝ થઈ અને તે પણ સુપર-ડુપર હિટ રહી હતી. ફિલ્મમાં મુન્ના અને સર્કિટે પોતાની ગાંધીગીરીથી દરેકના દિલ જીતી લીધા હતા.
ફિલ્મ ‘મુન્નાભાઈ MBBS’ના સેટ પર સંજય દત્ત અને તેના પિતા સુનીલ દત્ત સાથે ડિરેક્ટર રાજકુમાર હિરાની
ત્યારથી લઈને અત્યાર સુધી ફિલ્મના ત્રીજા પાર્ટની ચર્ચા ચાલી રહી છે. ફેન્સ છેલ્લા 17 વર્ષથી આ ફ્રેન્ચાઈઝીના ત્રીજા પાર્ટની રાહ જોઈ રહ્યા છે. ઘણી વખત એવું સાંભળવામાં આવ્યું છે કે આ ફિલ્મ શરૂ થવાની છે પરંતુ હજુ સુધી તેના વિશે કોઈ ઓફિશિયલ જાહેરાત કરવામાં આવી નથી.
મુન્નાભાઈ 3 ને લઈને ઘણી ચર્ચાઓ થઈ હતી પરંતુ આજ સુધી આ ફિલ્મ ફ્લોર પર જઈ શકી નથી
કેટલીક વાર્તાઓ જૂની થઈ જાય છેઃ હિરાની
હાલમાં ANI સાથેના એક ઇન્ટરવ્યૂમાં હિરાનીએ ‘મુન્નાભાઈ 3’ વિશે વાત કરી હતી. દિગ્દર્શકે કહ્યું, ‘મુન્નાભાઈ સાથે મારો સંઘર્ષ હંમેશા રહ્યો છે કે છેલ્લી બે ફિલ્મો એટલી સારી બની છે કે હજુ પણ મારી પાસે 5 અડધી લખેલી સ્ક્રિપ્ટ પડી છે. મને લાગે છે કે જો હું અગાઉની બે ફિલ્મોના લેવલે ન પહોંચી શકું તો હું ત્રીજી ફિલ્મ કરી શકીશ નહીં. મારી પાસે એક વાર્તા છે જે બની શકે છે પરંતુ કેટલીક વાર્તાઓ જૂની થઈ ગઈ છે તેથી હવે આ ફિલ્મ ક્યારે બનશે તે તો સમય જ કહેશે.
ફિલ્મ ‘પીકે’ના સેટ પર સંજય દત્ત અને આમિર ખાન સાથે રાજકુમાર હિરાની. પીકેમાં સંજય દત્તનો વિસ્તૃત કેમિયો રોલ હતો
‘હવે હું જૂની વાર્તાઓનો પટારો ખોલીશ’
હિરાનીએ વધુમાં કહ્યું, ‘હું ઘણીવાર સંજુ (સંજય દત્ત) સાથે આ અંગે વાત કરું છું. તેઓ એમ પણ કહે છે કે બીજો ભાગ બનાવવો જોઈએ. હવે આ ‘ડંકી’ વાર્તા પૂરી થઈ ગઈ છે, હું જૂની વાર્તાઓનું ખાનું ખોલીશ. મને વધુ એક મુન્નાભાઈ બનાવવાનું મન થાય છે પણ મને ખબર નથી કે તે ક્યારે બનશે.
હિરાનીએ પહેલીવાર શાહરુખ ખાન સાથે ફિલ્મ ‘ડંકી’ કામ કર્યું છે
‘ડંકી’એ 323.77 કરોડ રૂપિયાનો બિઝનેસ કર્યો હતો
હિરાની આ દિવસોમાં ‘ડંકી’ની સફળતાનો આનંદ માણી રહ્યા છે. શાહરુખ ખાન સ્ટારર આ ફિલ્મે ભારતીય બોક્સ ઓફિસ પર 167.47 કરોડ રૂપિયા અને વિશ્વભરમાં 323.77 કરોડ રૂપિયાનો બિઝનેસ કર્યો છે. હિરાનીએ પહેલીવાર શાહરૂખ સાથે ‘ડંકી’માં કામ કર્યું છે.
