‘સિંઘમ અગેઇન’ના ટ્રેલર લોન્ચમાં દીપિકાની ગેરહાજરી: રણવીરે કહ્યું- ફિલ્મમાં ‘બેબી સિમ્બા’નું ડેબ્યૂ, ભારે ભીડ વચ્ચે બાળકી ફસાયતા એક્ટરે ખભે ઊંચકી

રોહિત શેટ્ટીની કોપ યુનિવર્સ ફિલ્મ ‘સિંઘમ અગેન’નું ટ્રેલર 7 ઓક્ટોબરે મુંબઈના નીતા-મુકેશ અંબાણી કલ્ચરલ સેન્ટર ખાતે લોન્ચ કરવામાં આવ્યું હતું. જ્યાં ફિલ્મની સમગ્ર કાસ્ટ હાજર રહી હતી. પરંતુ દીપિકા પાદુકોણે આ ઈવેન્ટમાં હાજરી આપી ન હતી. રણવીર સિંહે કહ્યું, ‘દીપિકા બાળકને સાચવામાં વ્યસ્ત છે, તેથી તે ન આવી શકી. આ સિવાય અભિનેતાએ તેની પુત્રીને ‘બેબી સિમ્બા’ કહીને લોકો સમક્ષ રજૂ કરી હતી.

મીડિયા સાથે વાત કરતા રણવીર સિંહે કહ્યું, ‘દીપિકા બાળકમાં વ્યસ્ત છે તેથી તે ન આવી શકી. મારી ડ્યુટી રાત્રે છે એટલે હું આવ્યો. અમારી ફિલ્મમાં ઘણા બધા સ્ટાર્સ છે, આ મારી બેબીનું ડેબ્યુ છે,​ ‘માય બેબી​​​​​​ સિમ્બા’ કારણ કે સિંઘમના શૂટિંગ સમયે દીપિકા પ્રેગ્નેટ હતી. તો લેડી સિંઘમ, સિમ્બા અને બેબી સિમ્બા તરફથી આપ સૌને દિવાળીની શુભકામનાઓ.

સિંઘમ અગેઈનના ટ્રેલર લોન્ચ વખતે રણવીર સિંહની મસ્તીભરી સ્ટાઈલ.

ટ્રેલર લોન્ચ ઈવેન્ટમાં રણવીર સિંહ ખૂબ જ મસ્તીભર્યા અંદાજમાં જોવા મળ્યો હતો. અભિનેતા સ્ટેજ પર પહોંચતાની સાથે જ ફિલ્મના પોસ્ટર પર દીપિકા પાદુકોણની તસવીર તરફ જોવા લાગ્યો અને પછી તેની પત્નીની નજર ઉતારી હતી.

રણવીર સિંહ પત્ની દીપિકાની નજર ઉતારતો જોવા મળ્યો

આ દરમિયાન રણવીર સિંહે બ્લેક આઉટફિટ પહેર્યો હતો. તેના દાઢીના દેખાવ અને હેરસ્ટાઇલે બધાનું ધ્યાન ખેંચ્યું હતું. સ્ટેજ પર બધાના સવાલોના જવાબ આપ્યા બાદ અભિનેતા ફોટોગ્રાફર્સને પણ મળ્યો હતો. ટ્રેલર ઈવેન્ટ દરમિયાન રણવીર સિંહ પણ ડાન્સ કરતો જોવા મળ્યો હતો.

આ કાર્યક્રમમાં રણવીર સિંહે ડાન્સ કર્યો હતો.

સિંઘમ અગેઈન ફિલ્મના ટ્રેલર લોન્ચ દરમિયાન રણવીર સિંહના ઘણા વીડિયો સોશિયલ મીડિયા પર વાયરલ થઈ રહ્યા છે. આમાંથી એક વીડિયોમાં અભિનેતા ભીડમાં ફસાયેલી એક છોકરીને પોતાના ખોળામાં ઉચકતો પણ જોવા મળે છે. આ જોઈને ફેન્સ પણ રણવીરના ખૂબ વખાણ કરી રહ્યા છે.

છોકરીને ભીડથી બચાવતો રણવીર સિંહ.

દીપિકા પાદુકોણે 8 સપ્ટેમ્બર 2024ના રોજ દીકરીને જન્મ આપ્યો હતો. આ કપલે પોતાના ફેન્સને કોલબ પોસ્ટ શેર કરીને આ વિશે જાણકારી આપી હતી. તેણે કેપ્શનમાં લખ્યું છે, લિટલ એન્જલનું સ્વાગત છે. દીપિકા અને રણવીર.