મુંબઈ19 મિનિટ પેહલા
- કૉપી લિંક
મુંબઈના અંધેરી વિસ્તારમાં લોખંડવાલા કોમ્પ્લેક્સના રિયા પેલેસ બિલ્ડિંગમાં આગ લાગી હતી.
મુંબઈના અંધેરી વિસ્તારમાં બુધવારે સવારે 14 માળની બિલ્ડિંગમાં આગ લાગી હતી. આગમાં 2 વૃદ્ધ સહિત 3 લોકોના મોત થયા હતા.
પોલીસે જણાવ્યું કે અંધેરી વિસ્તારમાં લોખંડવાલા કોમ્પ્લેક્સના રિયા પેલેસ બિલ્ડિંગના 10મા માળે સવારે લગભગ 8 વાગ્યે આગ લાગી હતી. માહિતી મળતાં જ ફાયર બ્રિગેડની અનેક ગાડીઓ ઘટનાસ્થળે પહોંચી ગઈ હતી.
એક કલાકની જહેમત બાદ આગને કાબુમાં લેવામાં આવી હતી, પરંતુ ત્યાં સુધીમાં ફ્લેટમાં રહેતા બે વૃદ્ધો અને તેમનો નોકર ગંભીર રીતે દાઝી ગયા હતા. ત્રણેયને ગંભીર હાલતમાં કૂપર હોસ્પિટલમાં લઈ જવામાં આવ્યા, જ્યાં ડોક્ટરોએ તેમને મૃત જાહેર કર્યા હતા.
મૃતકોની ઓળખ ચંદ્રપ્રકાશ સોની (74), કાંતા સોની (74) અને પેલુબેતા (42) તરીકે થઈ છે. પોલીસે જણાવ્યું કે આગનું કારણ હજુ જાણી શકાયું નથી. તપાસ બાદ જ સંપૂર્ણ માહિતી આપવામાં આવશે.
10મા માળે આગ લાગવાને કારણે પલંગ સળગી ગયો હતો.
10 દિવસ પહેલા મુંબઈમાં લાગેલી આગમાં 3 બાળકો સહિત 7 લોકોના મોત થયા હતા
આગ સૌથી પહેલા ગ્રાઉન્ડ ફ્લોરની દુકાનમાં લાગી હતી. થોડીવારમાં એ પહેલા માળે પહોંચી હતી.
ઓક્ટોબરમાં મુંબઈના ચેમ્બુર વિસ્તારમાં સિદ્ધાર્થ કોલોનીમાં 3 માળની ઈમારતમાં આગ લાગી હતી. જેના કારણે એક જ પરિવારના 3 બાળકો સહિત 7 લોકો દાઝી ગયા હતા. આ ઘટના રવિવારે સવારે 5:20 વાગ્યે બની હતી. નજરેજોનારે જણાવ્યું કે ગ્રાઉન્ડ ફ્લોર પર બનેલી દુકાનમાં આગ લાગી હતી.
માહિતી મળતાં જ ફાયર બ્રિગેડ ઘટનાસ્થળે પહોંચી ગઈ હતી. થોડી જ વારમાં આગ ઉપરના માળે પહોંચી હતી, પરંતુ ત્યાં ફસાયેલા લોકોને બચાવી શકાયા ન હતા.
ફાયર બ્રિગેડે લગભગ 9 વાગ્યા સુધીમાં આગ પર કાબૂ મેળવ્યો હતો, ત્યારબાદ અંદર ફસાયેલા તમામ 7 લોકોને હોસ્પિટલ લઈ જવામાં આવ્યા હતા, જ્યાં ડોક્ટરોએ તેમને મૃત જાહેર કર્યા હતા.
મીડિયા રિપોર્ટ્સમાં દાવો કરવામાં આવી રહ્યો છે કે આગ શોર્ટ સર્કિટના કારણે લાગી હતી. શોર્ટ સર્કિટના કારણે દુકાનમાં ધડાકો થયો હતો અને આગ આખા બિલ્ડિંગમાં ફેલાઈ ગઈ હતી.
આગના આ 2 સમાચાર પણ વાંચો…
UPના ફતેહપુરમાં ફટાકડાની ફેક્ટરીમાં આગ, પિતા-પુત્રના મોત; સ્પાર્ક થતાં આગ લાગી હતી
યુપીના ફતેહપુરના ધરમપુર ગામમાં 5 ઓક્ટોબરે ફટાકડાની ફેક્ટરીમાં આગ લાગી હતી. ફટાકડા બનાવતી વખતે સ્પાર્ક થતાં આગ લાગી હતી. જેમાં પિતા-પુત્ર દાઝી ગયા હતા. બંનેને સારવાર માટે ખાનગી હોસ્પિટલમાં દાખલ કરવામાં આવ્યા હતા, પરંતુ સારવાર દરમિયાન બંનેનું મોત થયું હતું.