મુન્ના-સર્કિટની જોડી ફરીથી સ્ક્રીન પર જોવા મળશે: ‘મુન્નાભાઈ-3’ ફિલ્મને લઈને રાજકુમાર હિરાનીએ આપ્યું અપડેટ, કહ્યું, ‘ફિલ્મની સ્ક્રિપ્ટ પર કામ ચાલુ છે’

ફિલ્મ નિર્માતા રાજકુમાર હિરાનીએ તાજેતરમાં એક ઇવેન્ટ દરમિયાન તેમની પ્રથમ હિટ ફિલ્મ મુન્નાભાઈ MBBS વિશે વાત કરી હતી. તેમણે કહ્યું કે તે જલ્દી જ મુન્નાભાઈ-3ની જાહેરાત કરી શકે છે. જો કે હજુ સુધી ફિલ્મની સ્ક્રિપ્ટ ફાઈનલ થઈ નથી.

ઈન્ડિયન એક્સપ્રેસના એક ઈવેન્ટમાં ડિરેક્ટર રાજકુમાર હિરાનીએ કહ્યું, ‘મારી પાસે મુન્નાભાઈ માટે એક કે બે નહીં, પરંતુ પાંચ અધૂરી સ્ક્રિપ્ટ છે. મેં છ મહિના સુધી સ્ક્રિપ્ટ પર કામ કર્યું, પરંતુ માત્ર ઈન્ટરવલ સુધી જ પહોંચી શક્યો. એક સ્ક્રિપ્ટ મુન્ના ભાઈ LLB છે, બીજી મુન્નાભાઈ ચલ બેસ, મુન્નાભાઈ ચલે અમેરિકા અને બીજી કેટલીક છે.

રાજકુમાર હિરાનીએ કહ્યું, ‘મુન્નાભાઈ 3 ની વાર્તા લખવી એ મારા માટે ખૂબ જ પડકારજનક છે. પ્રથમ, હું આ ફિલ્મને પ્રથમ બે ફિલ્મો કરતાં વધુ સારી બનાવવા માંગુ છું. બીજું, આજના સમયમાં સિનેમામાં ઘણું બધું બતાવવામાં આવ્યું છે, તેથી ફિલ્મની વાર્તામાં કંઈક નવું ઉમેરવું પડશે જેથી લોકો તેને જોઈ શકે. જો કે, મારી પાસે એક અનોખો વિચાર છે જેના પર હું કામ કરી રહ્યો છું.

હિરાનીએ રમૂજી રીતે કહ્યું, ‘મારો સૌથી મોટો ડર એ છે કે એક દિવસ સંજય દત્ત મારા ઘરે આવશે અને મુન્નાભાઈની આગામી ફિલ્મ ઝડપથી બનાવવાની ધમકી આપશે.’ જો કે, રાજકુમાર હિરાનીએ કહ્યું કે તેઓ મુન્નાભાઈને 3 બનાવવા માટે ગંભીરતાથી વિચારી રહ્યા છે.

મુન્નાભાઈ MBBS વર્ષ 2003માં રિલીઝ થઈ હતી ‘મુન્નાભાઈ MBBS’ વર્ષ 2003માં રિલીઝ થઈ હતી. આ પછી વર્ષ 2006માં ‘લગે રહો મુન્ના ભાઈ’ રીલિઝ થઈ હતી. આ બંને ફિલ્મો બોક્સ ઓફિસ પર હિટ રહી હતી.