- Gujarati News
- Business
- Sensex Fell By More Than 200 Points, The Nifty Also Fell 70 Points, The Biggest Fall In Pharma Shares
મુંબઈ53 મિનિટ પેહલા
- કૉપી લિંક
આજે કાળીચૌદશના દિવસે એટલે કે 29મી ઓક્ટોબરે સેન્સેક્સ લગભગ 200 પોઈન્ટના ઘટાડા સાથે 80,100 ના સ્તર પર ટ્રેડ કરી રહ્યો છે. નિફ્ટીમાં 70 પોઈન્ટનો ઘટાડો છે, તે 24,350 ના સ્તર પર કારોબાર કરી રહ્યો છે.
સેન્સેક્સના 30 શેરોમાંથી 25 ઘટી રહ્યા છે અને 5 વધી રહ્યા છે. નિફ્ટીના 50 શેરોમાંથી 36 ઘટી રહ્યા છે અને 14 વધી રહ્યા છે. NSE સેક્ટરલ ઇન્ડેક્સમાં સૌથી મોટો ઘટાડો ફાર્મા ઇન્ડેક્સમાં જોવા મળ્યો છે. તેઓ લગભગ 1.50% નીચે છે.
એશિયન માર્કેટમાં મિશ્ર કારોબાર
- એશિયન માર્કેટમાં જાપાનનો નિક્કી 1.25% ઉપર છે. જ્યારે કોરિયાનો કોસ્પી 0.70%ના ઘટાડા સાથે અને ચીનનો શાંઘાઈ કમ્પોઝિટ 0.14%ના ઘટાડા સાથે કારોબાર કરી રહ્યો છે.
- Afcons Infrastructure Limitedનો IPO બિડિંગના છેલ્લા દિવસે 2.77 વખત સબસ્ક્રાઇબ થયો હતો. કંપનીના શેર 4 નવેમ્બરે BSE-NSE પર લિસ્ટ થશે.
- 29 ઓક્ટોબરે અમેરિકાનો ડાઉ જોન્સ 0.36% ઘટીને 42,233.05 પર બંધ થયો હતો અને S&P 500 0.16% વધીને 5,832.92 પર બંધ થયો હતો. Nasdaq 0.78% વધીને 18,712.75 પર છે.
- NSEના ડેટા અનુસાર, વિદેશી રોકાણકારો (FII) એ 29 ઓક્ટોબરે ₹16,057.19 કરોડના શેરનું વેચાણ કર્યું હતું. આ સમયગાળા દરમિયાન સ્થાનિક રોકાણકારો (DIIs) એ ₹12,823.77 કરોડના શેર ખરીદ્યા હતા.
ગઈકાલે બજારમાં તેજી જોવા મળી હતી
ગઈકાલે એટલે કે ધનતેરસના દિવસે (29 ઑક્ટોબર), સેન્સેક્સ દિવસના નીચા 79,421થી 948 પૉઇન્ટ સુધર્યો હતો. દિવસના કારોબાર બાદ તે 363 પોઈન્ટના વધારા સાથે 80,369 પર બંધ રહ્યો હતો. નિફ્ટી પણ દિવસના 24,140ની નીચી સપાટીથી 326 પોઈન્ટ સુધર્યો હતો અને 127 પોઈન્ટના વધારા સાથે 24,466 પર બંધ થયો હતો.
સેન્સેક્સના 30 શેરોમાંથી 17 વધ્યા અને 13 ઘટ્યા. નિફ્ટીના 50 શેરોમાંથી 31 વધ્યા અને 18 ઘટ્યા. એક શેરમાં કોઈ ફેરફાર થયો નહોતો. એનએસઈના ફાઈનાન્સિયલ સર્વિસ શેર્સમાં સૌથી વધુ વધારો જોવા મળ્યો હતો.
Afcons Infrastructure IPO છેલ્લા દિવસે 2.73 વખત સબસ્ક્રાઇબ થયો હતો પરિવહન, બાંધકામ, તેલ અને ગેસ ક્ષેત્રે કામ કરતી કંપની Afcons Infrastructure Limitedના IPO માટે બિડ કરવાનો ગઈકાલે 29 ઓક્ટોબરનો છેલ્લો દિવસ હતો.
4 વાગ્યા સુધીમાં આ Afcons ઇન્ફ્રાસ્ટ્રક્ચર ટોટલ 2.73 ગણો સબસ્ક્રાઇબ થયો હતો. કંપનીના શેર 4 નવેમ્બરે બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટ થશે.
