પૂજા બેનર્જી ચાર વર્ષ બાદ કરશે કમબેક: પૌરાણિક શોમાં પરત ફરવા પર કહ્યું- હું મારી જાતને નસીબદાર માનું છું કે આવી ભૂમિકાઓ મળે છે

પૂજા બેનર્જી એક નવા પૌરાણિક શો સાથે ચાર વર્ષ પછી ફરી એકવાર ટીવી પર વાપસી કરી રહી છે. છેલ્લે પૌરાણિક શો ‘જગ જનની મા વૈષ્ણો દેવી’ માં વૈષ્ણો દેવીનું પાત્ર ભજવ્યું હતું. હવે તે નવા શો ‘માતા લક્ષ્મી’માં દેવી લક્ષ્મીની મુખ્ય ભૂમિકા ભજવી રહી છે.

દિવ્ય ભાસ્કર સાથે વાત કરતાં પૂજાએ કહ્યું, ‘હું હંમેશા ભાગ્યશાળી માનું છું કારણ કે મને આવા પાત્રો ભજવવા માટે પસંદ કરવામાં આવી છે. આપણે ભગવાનને ક્યારેય જોઈ શકતા નથી, તેથી તેનું પાત્ર ભજવવું થોડું મુશ્કેલ છે. જ્યારે મને વારંવાર આવા રોલ માટે પસંદ કરવામાં આવે છે ત્યારે તે મારા માટે મોટી તક હોય છે. અગાઉ પણ લોકોને મારું કામ પસંદ આવ્યું છે, તેથી જ મને આવા રોલ મળે છે.

પૂજાએ ‘હરિ ઓમ’ પ્લેટફોર્મ વિશે પણ વાત કરી, જે ફક્ત ભારતીય સંસ્કૃતિ અને વેદ પર આધારિત સામગ્રી દર્શાવે છે. પૂજાએ તેને પૌરાણિક શો માટે એક મહાન પહેલ ગણાવી અને કહ્યું, ‘આજકાલ લોકો OTT પ્લેટફોર્મ તરફ વધુ આગળ વધી રહ્યા છે. આ પ્લેટફોર્મ દ્વારા આપણે નવી પેઢીને ભારતીય પૌરાણિક કથાઓ સાથે જોડી શકીએ છીએ. લોકોને આપણી સંસ્કૃતિ સાથે જોડાયેલા રાખવાની આ એક સરળ અને અસરકારક રીત છે. મને લાગે છે કે આ ભવિષ્ય માટે ખૂબ જ મહત્વપૂર્ણ છે.

જ્યારે પૂજાને પૂછવામાં આવ્યું કે શું દેવી લક્ષ્મીના રોલ નિભાવ્યા બાદ કોઈ ખાસ સંબંધ મેહસૂસ થયો, તો તેણીએ કહ્યું, ‘સાચું કહું તો, તે ફક્ત ખાસ દિવસો માટે જ નથી. ભગવાન હંમેશા સાથે છે, અને તેના વિશે જાણવું સારું લાગે છે. આપણને તેમની પાસેથી ઘણું શીખીવા મળે છે. લોકો માને છે કે તે માત્ર એક ધાર્મિક વિષય છે, પરંતુ તે જીવનના ઘણા પાસાઓને સમજવામાં મદદ કરે છે. જો તમે ભારતીય પૌરાણિક કથાઓને યોગ્ય રીતે સમજો છો, તો તમે જીવન વિશે ઘણું શીખી શકો છો. તે તમને સમજદાર બનાવે છે.

પૂજાને ચાર વર્ષનો પુત્ર છે. પોતાની પર્સનલ અને પ્રોફેશનલ લાઈફને બેલેન્સ કરવા અંગે પૂજાએ કહ્યું, ‘આ ખૂબ જ મુશ્કેલ પ્રશ્ન છે. સંતુલન જાળવવાનો પ્રયાસ કરવો ખૂબ જ પડકારજનક છે. જ્યારે હું મારા બાળકને છોડીને કામ પર જાઉં છું ત્યારે મને હંમેશા ગિલ્ટ ફિલ થાય છે. દરેક માતા ઈચ્છે છે કે તેનું બાળક એક દિવસ તેના પર ગર્વ કરે. આ મારો પ્રયાસ છે. એટલા માટે હું મારા બાળકને કામની સાથે સાથે સમય આપવાનો અને તેની સાથે મારા સંબંધને મજબૂત રાખવાનો પ્રયત્ન કરું છું.

પૂજાએ કહ્યું, ‘હું હંમેશા શ્રીદેવીના પાત્રો વિશે વિચારું છું, ખાસ કરીને ‘સદમા’ના પાત્રો વિશે. એ પાત્ર મારા હૃદયની નજીક છે. જો આવી કોઈ ફિલ્મ બને તો હું તેનો ભાગ બનવા માંગુ છું. શ્રીદેવીના અભિનયથી મને હંમેશા પ્રેરણા મળી છે.