હિંમતનગરના ડેમાઈ રોડ પર આવેલા જલારામ મંદિરે આવતીકાલે 225મી જલારામ જયંતી મહોત્સવની ઉજવણી ધામધૂમ પૂર્વક કરવામાં આવશે. જેની તૈયારીઓ કરવામાં આવી રહી છે.
.
વિશ્વ વંદનીય પૂજ્ય સંતશ્રી જલારામ બાપાની 225મી જન્મ જયંતી નિમિતે શુક્રવારે હિંમતનગરમાં જલારામ મંદિર ખાતે સવારે 8.30 કલાકે મીનેશકુમાર પુરશોતમભાઈ પટેલના હસ્તે પૂજાનો પ્રારંભ થશે. પૂજા પૂર્ણ થયા બાદ જલારામ બાપાને ભવ્ય અન્નકૂટ ભરવામાં આવશે અને બપોરે 12 કલાકે મહાઆરતી કરવામાં આવશે. સાથે મહા પ્રસાદનું આયોજન પણ કરવામાં આવ્યું છે. જેને લઈને તૈયારીઓ શરૂ કરી દેવાઈ છે.
