મુંબઈ37 મિનિટ પેહલા
- કૉપી લિંક
મહારાષ્ટ્ર વિધાનસભાની 288 બેઠકો માટે આજે 20 નવેમ્બર એટલે કે, બુધવારે એક જ તબક્કામાં મતદાન થશે. શિવસેના અને રાષ્ટ્રવાદી કોંગ્રેસ પાર્ટી (NCP) વચ્ચેના ભાગલા પછી કુલ 158 પક્ષો ચૂંટણી મેદાનમાં છે. જેમાંથી 6 મોટી પાર્ટીઓ બે ગઠબંધનના ભાગરૂપે ચૂંટણી લડી રહી છે.
શિંદે જૂથની શિવસેના અને અજિત પવારની NCP ભારતીય જનતા પાર્ટી (BJP)ની આગેવાની હેઠળના મહાગઠબંધનનો ભાગ છે. જ્યારે કોંગ્રેસ, ઉદ્ધવ ઠાકરેની શિવસેના (UBT) અને શરદ પવારની રાષ્ટ્રવાદી કોંગ્રેસ પાર્ટી (શરદચંદ્ર પવાર) એટલે કે NCP (SP) મહાવિકાસ અઘાડીનો ભાગ છે.
ગત વિધાનસભા ચૂંટણીમાં ભાજપ-શિવસેનાનું ગઠબંધન હતું. ત્યારે ભાજપે 105 અને શિવસેનાએ 56 બેઠકો જીતી હતી. જ્યારે કોંગ્રેસને 44 અને NCPને 54 બેઠકો મળી હતી. ભાજપ-શિવસેના સરળતાથી સત્તામાં આવી શક્યા હોત, પરંતુ ગઠબંધન તૂટી ગયું.
તમામ રાજકીય ઉથલપાથલ પછી 23 નવેમ્બર, 2019 ના રોજ દેવેન્દ્ર ફડણવીસે મુખ્યમંત્રી તરીકે શપથ લીધા અને અજિત પવારે નાયબ મુખ્યમંત્રી તરીકે શપથ લીધા, પરંતુ બહુમત પરીક્ષણ પહેલાં જ બંનેએ 26 નવેમ્બરના રોજ રાજીનામું આપવું પડ્યું.
આ પછી 28 નવેમ્બરે શિવસેના, NCP અને કોંગ્રેસની મહાવિકાસ અઘાડી સરકાર સત્તામાં આવી. ઉદ્ધવ ઠાકરે મહારાષ્ટ્રના સીએમ બન્યા.
લગભગ અઢી વર્ષ પછી શિવસેનામાં અને એક વર્ષ પછી એનસીપીમાં બળવો થયો અને બંને પક્ષો ચાર પક્ષોમાં વહેંચાઈ ગયા. આ રાજકીય પૃષ્ઠભૂમિ પર જ શરદ પવાર અને ઉદ્ધવ ઠાકરેના પક્ષોને લોકસભા ચૂંટણીમાં લીડ મળી હતી.
29% ઉમેદવારો કલંકિત, 412 સામે હત્યા-બળાત્કાર જેવા ગંભીર કેસ ચૂંટણી પંચના જણાવ્યા અનુસાર, અપક્ષ સહિત વિવિધ પક્ષોના કુલ 4136 ઉમેદવારો મેદાનમાં છે. એસોસિએશન ફોર ડેમોક્રેટિક રિફોર્મ (એડીઆર) એ આમાંથી 2201 ઉમેદવારોના એફિડેવિટની તપાસ કર્યા બાદ એક રિપોર્ટ તૈયાર કર્યો છે.
આ મુજબ, લગભગ 29 ટકા એટલે કે 629 ઉમેદવારો ગુનાહિત પૃષ્ઠભૂમિના છે. જેમાંથી 412 સામે હત્યા, અપહરણ, બળાત્કાર જેવા ગંભીર કેસ નોંધાયેલા છે. 50 ઉમેદવારો પર મહિલાઓ સંબંધિત ગુનાનો આરોપ છે.
38 ટકા ઉમેદવારો કરોડપતિ, 2201માંથી માત્ર 204 મહિલાઓ ADR મુજબ, 829 એટલે કે 38 ટકા ઉમેદવારો કરોડપતિ છે. છેલ્લી ચૂંટણીમાં આ આંકડો 32% હતો. તેમની પાસે સરેરાશ 9.11 કરોડની સંપત્તિ છે. જ્યારે ભાજપના ઉમેદવારોની સરેરાશ સંપત્તિ 54 કરોડ રૂપિયા છે. 26 ઉમેદવારોએ તેમની સંપત્તિ શૂન્ય જાહેર કરી છે.
તે જ સમયે લગભગ 31% એટલે કે 686 ઉમેદવારોએ તેમની ઉંમર 25 થી 40 વર્ષની વચ્ચે જાહેર કરી છે. 317 (14%) 61 થી 80 વર્ષની વચ્ચેના છે, જ્યારે 2 ઉમેદવારોની ઉંમર 80 વર્ષથી વધુ છે. આ 2201માંથી માત્ર 204 મહિલા ઉમેદવારો છે, જે લગભગ 9% છે.
ઉમેદવારોની શૈક્ષણિક લાયકાત વિશે વાત કરીએ તો, 47% લોકોએ પોતાને 5 થી 12 ની વચ્ચે હોવાનું જાહેર કર્યું છે. 74 ઉમેદવારોએ પોતાને ડિપ્લોમા ધારક, 58 સાક્ષર અને 10 અભણ તરીકે જાહેર કર્યા છે.
