વડોદરાઃ શહેરમાં છેલ્લા ચોવીસ કલાકમાં અકસ્માતના બનેલા બે વિચિત્ર બનાવને કારણે લોકો ભેગા થઇ ગયા હતા.
ગોત્રીમાં જીઇબી પોલીસ સ્ટેશનની સામેથી ગઇરાતે અમદાવાદ એરપોર્ટ પરથી પેસેન્જરને લઇ ગોત્રી તરફ જઇ રહેલી ટ્રાવેલ ની કાર પર સામેથી ફુલસ્પીડે આવતી કારના ચાલકે અથાડી હતી.ત્યારબાદ પીધેલા કાર ચાલકની કાર ફૂટપાથ પર ચડી ગઇ હતી.જેથી ગોત્રી પોલીસે ઋષિક પ્રમોદભાઇ પંડયા (ગાયત્રીકૃપા ,અંબિકાનગર,ગોત્રી) સામે અકસ્માત અને દારૃ પી કાર ચલાવવાના બે અલગ ગુના નોંધ્યા હતા.
તો બીજો બનાવ છાણી જકાત નાકા પાસે ચિસ્તિયા નગર નજીક બન્યો હતો.જેમાં ફુલ સ્પીડે આવેલી કારે એક ટુવ્હીલરને ટક્કર મારી હતી.ત્યારબાદ કારચાલકે સ્ટિઅરિંગ પરનો કાબૂ ગુમાવતાં કાર બીજીએક કારને ભટકાઇ હતી અને આગળ જતી કાર પર ચડી ને તેના બોનેટ પર આવી ગઇ હતી.જો કે ઉપરોક્ત બનાવોમાં કોઇને ગંભીર ઇજા થઇ નથી.ફતેગંજ પોલીસે તપાસ હાથ ધરી છે.
