Image : Freepik
Vadodara Theft Case : વડોદરાના પાદરામાં આવેલી કરિશ્મા સોસાયટીમાં રહેતા વેપારી કેશવલાલ કાળીદાસ ડોડીયા પરિવારના સભ્યો સાથે રાત્રે ઊંઘતા હતા. તે સમયે વહેલી સવારે 05:45 વાગ્યાની આસપાસ કેટલાક ચોરો આવ્યા હતા અને લોખંડની જાળીની સ્ટોપર ખોલી ઘરમાં પ્રવેશી તિજોરીમાંથી આઠ તોલા દાગીના, 80 ગ્રામ ચાંદી અને રોકડ 80,000 મળી કુલ 1.61 લાખની ચોરી કરી હતી. વહેલી સવારે થયેલી ચોરી અંગે કેશવલાલે ફરિયાદ નોંધાવતા પોલીસે તપાસ હાથ ધરી છે. મહત્વની વાત એ છે કે હાલમાં સોનાનો બજાર ભાવ રૂ.80,000 ની પણ આસપાસ ચાલે છે, પરંતુ પોલીસે એક તોલા વજનના ભાવ કરતાં પણ ઓછો ભાવ આઠ તોલા સોનાના દાગીનાનો બતાવતા આશ્ચર્ય સર્જાયું છે.
