ક્રિતી સેનને નેપોટિઝમ પર મૌન તોડ્યું: કહ્યું- ફિલ્મ ઈન્ડસ્ટ્રીમાં આઉટસાઈડરને કામ મળવું મુશ્કેલ છે, આ માટે બહારના લોકો જવાબદાર છે.

ક્રિતી સેનને તાજેતરમાં જ ફિલ્મ ઈન્ડસ્ટ્રીમાં નેપોટિઝમ વિશે ખુલીને વાત કરી હતી. તેણે કહ્યું- બહારના વ્યક્તિ માટે ઇન્ડસ્ટ્રીમાં તકો મેળવવી ખૂબ મુશ્કેલ છે. આ દરમિયાન એક્ટ્રેસે નેપોટિઝમ માટે બહારના લોકોને જવાબદાર ગણાવ્યા, ફિલ્મ ઈન્ડસ્ટ્રીને નહીં.

નેપોટિઝમ માટે ફિલ્મ ઇન્ડસ્ટ્રી જવાબદાર નથી ક્રિતી સેનને ગોવામાં 55માં ઇન્ટરનેશનલ ફિલ્મ ફેસ્ટિવલમાં માસ્ટર ક્લાસમાં હાજરી આપી હતી. આ દરમિયાન તેણે કહ્યું કે ફિલ્મ ઈન્ડસ્ટ્રી નેપોટિઝમ માટે એટલી જવાબદાર નથી જેટલી મીડિયા અને દર્શકો છે. મીડિયા સ્ટાર કિડ્સ વિશે જે પણ બતાવે છે, દર્શકો તેને ખૂબ જ રસથી જુએ છે, જેના કારણે ફિલ્મ ઇન્ડસ્ટ્રીના લોકોને એવું લાગે છે કે જો દર્શકોને સ્ટાર કિડ્સમાં વધુ રસ હોય તો તેમની સાથે ફિલ્મ કરવી વધુ સારું રહેશે. મને લાગે છે કે તે એક સર્કલ છે.

ક્રિતી સેનને કહ્યું કે જો તમારામાં ટેલેન્ટ છે તો તમે કંઈપણ કરી શકો છો. જો તમે પ્રતિભાશાળી નથી અને દર્શકો સાથે જોડાઈ શકતા નથી તો તમે કંઈ કરી શકતા નથી.

‘ફિલ્મ બેકગ્રાઉન્ડ ન હોવાને કારણે મુશ્કેલ બની જાય છે’ ક્રિતી સેનને આગળ કહ્યું- ‘જ્યારે તમે ફિલ્મ ઈન્ડસ્ટ્રીના બેકગ્રાઉન્ડમાંથી નથી હોતા ત્યારે તમારે ઘણી મુશ્કેલીઓનો સામનો કરવો પડે છે. દરેક બાબતમાં થોડો સંઘર્ષ છે. જો કે મહેનત કરશો તો સફળતા મળશે.

2014માં બોલિવૂડમાં ડેબ્યૂ કર્યું હતું ક્રિતી સેનન હાલમાં જ ‘દો પત્તી’માં જોવા મળી હતી. આ ફિલ્મમાં શાહીર શેખ અને કાજોલ પણ મહત્ત્વના રોલમાં હતા. ક્રિતી સેનને વર્ષ 2014માં ફિલ્મ હીરોપંતીથી બોલિવૂડમાં ડેબ્યૂ કર્યું હતું.