ઉધના વિસ્તારની આશિર્વાદ ટાઉનશિપ નજીક ફાયરિંગની ચકચારી ઘટના સામે આવી છે. આરાધ્યા કોર્પોરેશનની ઓફિસ પર બાઈક પર આવેલા બે શખ્સોએ 2 રાઉન્ડ ફાયરિંગ કરી નાસી છૂટ્યા હતા. ઘટનાથી સમગ્ર વિસ્તારમાં દહેશતનો માહોલ છે.આરાધ્યા કોર્પોરેશનની ઓફિસ પાસે બાઈક પર બે શખ્સ
.
પોલીસની પ્રાથમિક તપાસ મુજબ, એક ગોળી ઘટના સ્થળેથી કબ્જે કરવામાં આવી છે, જ્યારે બીજી ગોળીને શોધવા માટે આસપાસના વિસ્તારમાં તપાસ ચાલી રહી છે.ઘટનાની જાણ થતાં જ ઉધના પોલીસનો કાફલો તાત્કાલિક સ્થળ પર પહોંચી ગયો હતો. ઘટના સ્થળે તપાસ દરમિયાન ઓફિસના કાચ પર ગોળી મારવાના નિશાન પણ મળ્યા છે. પોલીસે સીસીટીવી ફૂટેજના આધારે આરોપીઓની ઓળખ માટે તપાસ શરૂ કરી છે.ફાયરિંગની ઘટનાને પગલે આસપાસના વિસ્તારના લોકોમાં ડરનો માહોલ છવાયો છે. પોલીસ હવે વિસ્તારના સીસીટીવી ફૂટેજ અને બાકીના ફોરેન્સિક પુરાવાઓના આધારે આરોપીઓ સુધી પહોંચવાનો પ્રયાસ કરી રહી છે.
ઉધના પોલીસનું કહેવું છે કે, આ ઘટના કયા કારણસર થઈ છે તેની પાછળના કારણો શોધવા માટે ચર્ચા ચાલી રહી છે. આ ઘટના અપરાધિક ગેંગની અડ્ડીથી સંકળાયેલી છે કે નહીં તે પણ તપાસવામાં આવી રહ્યું છે.આ કેસમાં તાત્કાલિક કાર્યવાહી કરી સુરત પોલીસ દ્વારા શખ્સોને ઝડપવામાં આવ્યા તો ઘટના વિશે વધુ ખુલાસો થઈ શકે છે.
