પીવી સિંધુએ સૈયદ મોદી બેડમિન્ટન ચેમ્પિયનશિપ જીતી: મહિલા ડબલ્સમાં ભારતને પહેલીવાર ગોલ્ડ મળ્યો, ત્રિશા-ગાયત્રીની જોડીએ ચીનને હરાવી

સૈયદ મોદી ઈન્ડિયા ઈન્ટરનેશનલ બેડમિન્ટન ચેમ્પિયનશિપની ફાઈનલ રવિવારે લખનઉના BBD સ્ટેડિયમમાં રમાઈ રહી છે. મહિલા ડબલ્સમાં ભારતને પ્રથમ વખત ગોલ્ડ મળ્યો છે. ત્રિશા જોલી અને ગાયત્રી ગોપીચંદની જોડીએ ચીનની બાઓ લી જિંગ અને લી કિયાનની જોડીને 21-18, 21-21-11થી હરાવીને જીત નોંધાવી છે.

મહિલા સિંગલ્સમાં ભારતની ટોચની ક્રમાંકિત પીવી સિંધુએ ચીનની વુ લુઓ યુને 21-16ના માર્જિનથી હરાવીને મેચ જીતી લીધી હતી. 2022 પછી સિંધુએ સૈયદ મોદી ચેમ્પિયનશિપ જીતી છે. તે 2017માં પણ જીતી ચૂકી છે. 2019માં ફાઈનલમાં પહોંચી હતી. પરંતુ તે હારી ગઈ હતી.

પીવી સિંધુએ ફાઈનલમાં ચીનની ખેલાડીને હરાવીને ચેમ્પિયનશિપ જીતી લીધી છે.

મિક્સ્ડ ડબલ્સ કેટેગરીમાં, ભારતના પાંચમા ક્રમાંકિત ધ્રુવ કપિલા અને તનિષા ક્રિસ્ટો થાઈલેન્ડના છઠ્ઠી ક્રમાંકિત ડી પુવારનુક્રોહ અને સુપિસારા પાવસંપ્રાન સામે હારી ગયા હતા. બંને ખેલાડીઓએ પ્રથમ સેટ જીતીને ફાઈનલમાં પુનરાગમન કર્યું હતું, પરંતુ છેલ્લા સેટમાં થાઈલેન્ડના ખેલાડીઓએ ફરી કમબેક કર્યું હતું. થાઈલેન્ડના ખેલાડીઓએ ફાઈનલમાં 21-18, 14-21, 8-21થી જીત મેળવી છે.

ત્રિશા જોલી અને ગાયત્રી ગોપીચંદની જોડીએ ચીનની બાઓ લી જિંગ અને લી કિયાનની જોડીને હરાવી હતી.

ત્રિશા જોલી અને ગાયત્રી ગોપીચંદને ગોલ્ડ જીત્યા બાદ ડેપ્યુટી સીએમ બ્રજેશ પાઠકે સન્માનિત કર્યા હતા.

આ તસવીર સ્ટેડિયમમાં રહેલા દર્શકોની છે.

મેન્સ ડબલ્સમાં ચીન જીત્યું મેન્સ ડબલ્સમાં ભારતની પૃથ્વી કૃષ્ણમૂર્તિ રોય અને સાઈ પ્રતીકની જોડી ચીનના હુઆંગ દે અને લી યુ યાંગ સાથે મેચ રમી હતી.

પ્રથમ સેટમાં મેચ હાર્યા બાદ બંને ભારતીય ખેલાડીઓએ કમબેક કર્યું હતું. પરંતુ અંતિમ સેટમાં હારી ગયા હતા. ચીનના ખેલાડીઓએ 14-21,21-19,21-17થી જીત મેળવી છે.