- Gujarati News
- National
- Snow Blanketed, Mercury Plunged Below 5 Degrees In 5 Districts Of Rajasthan; Coldwave In 11 Districts Of MP
નવી દિલ્હી50 મિનિટ પેહલા
- કૉપી લિંક
દિલ્હી, રાજસ્થાન, મધ્યપ્રદેશ અને ઉત્તર પ્રદેશ સહિત દેશના 7 રાજ્યોમાં આજે કોલ્ડવેવનું એલર્ટ છે. રાજસ્થાનના 5 જિલ્લામાં તાપમાન 5 ડિગ્રીથી નીચે નોંધાયું હતું. મધ્યપ્રદેશના 11 જિલ્લામાં કોલ્ડવેવનું એલર્ટ છે. હિમાચલના 5 જિલ્લામાં આજે હિમવર્ષા થવાની શક્યતા છે.
ગુરુવારે દિલ્હીમાં લઘુત્તમ તાપમાન 6 ડિગ્રી સેલ્સિયસ હતું. દિલ્હીની સાથે મુંબઈમાં પણ સવારે ગાઢ ધુમ્મસ જોવા મળ્યું હતું. દિલ્હીમાં સવારે હવાની ક્વોલિટી ખરાબ કેટેગરીમાં આવી ગઈ હતી. નેહરુ નગરમાં AQI 310 નોંધાયો હતો.
ઉત્તર પ્રદેશના 11 જિલ્લામાં આજે કોલ્ડવેવનું એલર્ટ છે. 26 જિલ્લામાં ધુમ્મસ છે અને વિઝિબિલિટી ઘટીને 70 મીટર થઈ ગઈ છે. બીજી તરફ તમિલનાડુમાં વરસાદી માહોલ રહ્યો છે. અહીં ભારે વરસાદને કારણે 11 જિલ્લામાં સ્કૂલો બંધ રાખવામાં આવી છે.
કાશ્મીર ઘાટીમાં હિમવર્ષાની તમામ 2 તસવીરો…
બુધવારે મોડી રાત્રે ગાંદરબલમાં હિમવર્ષા પછી લેવામાં આવેલી તસવીર.
કારગીલમાં ગુરુવારે સિઝનની પ્રથમ હિમવર્ષા થઈ હતી.
ઠંડી વધવાના આ 2 કારણો
- પશ્ચિમ-ઉત્તર ભારતમાં 12.6 કિમીની ઊંચાઈએ 278 કિમી પ્રતિ કલાકની ઝડપે તીવ્ર ઠંડા પવનો ફૂંકાઈ રહ્યા છે.
- વેસ્ટર્ન ડિસ્ટર્બન્સ સક્રિય છે. જેના કારણે બરફ પીગળી રહ્યો છે. જેના કારણે ઉત્તર ભારત અને મધ્ય ભારતના વિસ્તારોમાં ઠંડી વધી રહી છે.
આગળ હવામાન કેવું રહેશે
7 રાજ્યોમાં કોલ્ડવેવનું એલર્ટ દિલ્હી, રાજસ્થાન, પંજાબ, હરિયાણા, હિમાચલ પ્રદેશ, ઉત્તર પ્રદેશ અને મધ્ય પ્રદેશમાં કોલ્ડવેવનું એલર્ટ છે. વધુ રાહતની આશા નથી. હિમાચલમાં હિમવર્ષા થઈ શકે છે. પંજાબના 17 જિલ્લામાં યલો એલર્ટ છે. અહીં તાપમાનમાં 2 થી 8 ડિગ્રીનો ઘટાડો થવાની શક્યતા છે.
ઉત્તર-પૂર્વમાં ધુમ્મસ, દક્ષિણમાં વરસાદ હવામાન વિભાગના જણાવ્યા અનુસાર, આગામી દિવસોમાં ઉત્તર પૂર્વ આસામ, નાગાલેન્ડ, મેઘાલય, ત્રિપુરા અને મણિપુરમાં ધુમ્મસ રહેશે. દક્ષિણમાં તમિલનાડુમાં વરસાદ ચાલુ રહેશે. IMDએ તમિલનાડુમાં ભારે વરસાદની આગાહી કરી છે. રાજ્યોના હવામાન સમાચાર…
રાજસ્થાન- સીકર અને ચુરુ માઉન્ટ આબુ કરતા પણ ઠંડા
ઉત્તરીય પવનોને કારણે રાજસ્થાનમાં બરફ જામી જાય એવા શિયાળાની શરૂઆત થઈ ગઈ છે. સિકર અને ચુરુ હિલ સ્ટેશન માઉન્ટ આબુ કરતાં વધુ ઠંડા રહ્યા છે. મંગળવારે અહીં લઘુત્તમ તાપમાન 1.5 પર પહોંચ્યું હતું, જ્યારે માઉન્ટ આબુમાં તાપમાનનો પારો 3 ડિગ્રી નોંધાયો હતો. ફતેહપુર (સીકર)નું તાપમાન માઈનસ (-1.0) પર પહોંચી ગયું છે. ગુરુવારે પણ રાજ્યના 11 જિલ્લામાં કોલ્ડવેવનું એલર્ટ આપવામાં આવ્યું છે.
છત્તીસગઢ: 24 કલાકમાં પારો 4 ડિગ્રી ઘટ્યો; રાયપુરમાં રાત્રિનું તાપમાન 10 ડિગ્રીએ પહોંચ્યું
છત્તીસગઢમાં લઘુત્તમ તાપમાનમાં સતત ઘટાડો થઈ રહ્યો છે, જેના કારણે કડકડતી ઠંડી પડી રહી છે. છેલ્લા 24 કલાકમાં ઘણા જિલ્લાઓમાં રાત્રિનું તાપમાન સામાન્ય કરતા 4 ડિગ્રી ઓછું થયું છે. મેનપાટમાં ઘાસ અને પાંદડા પર ઝાકળના ટીપાં જામવા લાગ્યા છે. લગભગ 10 વર્ષ બાદ ડિસેમ્બરના બીજા સપ્તાહમાં રાયપુરમાં તાપમાનનો પારો 11 ડિગ્રીથી નીચે ગગડ્યો છે.
હરિયાણાઃ 24 કલાકમાં પારો 6 ડિગ્રી ઘટ્યો, 16 જિલ્લામાં કોલ્ડવેવ એલર્ટ
પહાડોમાં સતત હિમવર્ષાના કારણે મેદાની વિસ્તારોમાં સ્થિતિ વણસવા લાગી છે. દિવસ અને રાત્રિના તાપમાનમાં સતત ઘટાડો જોવા મળી રહ્યો છે. હવામાન વિભાગના કોલ્ડવેવ એલર્ટના ત્રીજા દિવસે તાપમાનમાં મોટો ઘટાડો જોવા મળ્યો હતો. 24 કલાકમાં પારામાં 6 ડિગ્રી સુધીનો ઘટાડો જોવા મળ્યો હતો. આ સિઝનનો સૌથી વધુ ઘટાડો છે. અગાઉ રાજ્યનું સરેરાશ તાપમાન 7.5 ડિગ્રીની આસપાસ હતું.
હિમાચલ પ્રદેશઃ આજે 5 જિલ્લામાં વરસાદ અને હિમવર્ષા, આવતીકાલથી હવામાન સ્વચ્છ રહેશે
હિમાચલ પ્રદેશના 5 જિલ્લામાં આજે ફરી વરસાદ અને હિમવર્ષા થઈ શકે છે. હવામાન વિભાગ (IMD) અનુસાર, હિમાચલના કાંગડા, ચંબા, કુલ્લુ, લાહૌલ સ્પીતિ અને કિન્નૌરના ઊંચા પર્વતોમાં હિમવર્ષાની આગાહી છે. આવતીકાલથી આગામી ચાર દિવસ સુધી હવામાન સ્વચ્છ રહેશે. આ પાંચ જિલ્લાઓ સિવાય અન્ય વિસ્તારોમાં આજે પણ હવામાન સ્વચ્છ રહેશે. તેનાથી ખાસ કરીને મેદાનીય વિસ્તારોને ઠંડીથી રાહત મળે તેવી શક્યતા છે.
