દક્ષિણ કોરિયાના રાષ્ટ્રપતિએ કહ્યું- માર્શલ લો કાનૂની નિર્ણય હતો: લોકશાહી બચાવવા સંસદમાં સૈનિકો મોકલ્યા, કટોકટી લાદી; આ બળવો નથી

અગાઉ 7 ડિસેમ્બરે રાષ્ટ્રપતિ યૂને માર્શલ લૉ લાગુ કરવા બદલ દેશની માફી માગી હતી. તેમણે લાઈવ ટીવી પર માથું નમાવ્યું અને જનતાની સામે તેમણે માર્શલ લો લાદવાની વાતને ખોટી ગણાવી. ત્યારે તેમણે કહ્યું હતું કે, આ નિર્ણય કાયદાકીય કે રાજકીય કારણોસર નહીં, પરંતુ હતાશાથી લેવાયો છે.

રાષ્ટ્રપતિએ મહાભિયોગ પ્રસ્તાવ પહેલા ગયા શનિવારે માર્શલ લો માટે નમીને માફી માગી હતી.

રાષ્ટ્રપતિએ કહ્યું- વિપક્ષ લોકશાહીને નુકસાન પહોંચાડી રહ્યો છે યુને વિપક્ષ પર સરકારનું કામકાજ રોકવાનો આરોપ લગાવ્યો. હકીકતમાં, માર્શલ લો કેસ પછી દક્ષિણ કોરિયામાં રાષ્ટ્રપતિએ 673.3 ટ્રિલિયન વોન (લગભગ 40 લાખ કરોડ રૂપિયા)નું બજેટ પસાર કરવાનો પ્રયાસ કર્યો, પરંતુ મુખ્ય વિપક્ષી પાર્ટીએ તેમાં કાપ મૂક્યો.

વિપક્ષના આ પગલાથી નારાજ રાષ્ટ્રપતિએ કહ્યું કે, દેશની વિપક્ષી પાર્ટી લોકશાહીને નુકસાન પહોંચાડી રહી છે. દક્ષિણ કોરિયામાં વિરોધ પક્ષ બહુમતીમાં છે. સંસદની 300 બેઠકોમાંથી મુખ્ય વિપક્ષી ડેમોક્રેટિક પાર્ટી ઓફ કોરિયા (DPK) પાસે 171 બેઠકો છે.

રાષ્ટ્રપતિને હટાવવા માટે શનિવારે દક્ષિણ કોરિયામાં મહાભિયોગ પ્રસ્તાવ લાવવામાં આવ્યો હતો, પરંતુ તે નિષ્ફળ ગયો હતો. આ માટે 200 વોટની જરૂર હતી, પરંતુ વિપક્ષ માત્ર 195 વોટ એકઠા કરી શક્યો.

દક્ષિણ કોરિયામાં 4 દાયકા પછી માર્શલ લો દક્ષિણ કોરિયામાં રાષ્ટ્રપતિ યૂને 3 ડિસેમ્બરની રાત્રે દેશમાં માર્શલ લૉ લાગુ કર્યો હતો. જો કે ભારે વિરોધ બાદ તેણે 6 કલાકમાં જ પોતાનો નિર્ણય પાછો ખેંચી લીધો હતો. યૂનના આ પગલા બાદ તેમને દક્ષિણ કોરિયામાં ભારે વિરોધનો સામનો કરવો પડી રહ્યો છે અને તેમને તેમના પદ પરથી હટાવવાના પ્રયાસો પણ થઈ રહ્યા છે.

પ્રમુખના જ પક્ષના નેતાઓ હવે તેમને હટાવવામાં વ્યસ્ત છે. શાસક પીપલ્સ પાવર પાર્ટી (PPP) ના સેક્રેટરી જનરલ હાન ડોંગ-યુને ગુરુવારે કહ્યું કે લોકશાહી સુરક્ષિત રહેવા માટે રાષ્ટ્રપતિનું રાજીનામું જરૂરી છે.

વિપક્ષ ફરીથી રાષ્ટ્રપતિને હટાવવાનો પ્રસ્તાવ લાવશે છેલ્લી વખત શનિવારે રાષ્ટ્રપતિ યૂન વિરુદ્ધ મહાભિયોગ પ્રસ્તાવ લાવવામાં આવ્યો હતો, પરંતુ તેને જરૂરી 200 સાંસદોનું સમર્થન મળી શક્યું નથી. આ અંગે હાને જણાવ્યું હતું કે, ગત વખતે ઘણા સાંસદો રાષ્ટ્રપતિને હટાવવા કે ન હટાવવા અંગે મૂંઝવણમાં હતા અને તેઓએ મતદાન કર્યું ન હતું. હવે આ મૂંઝવણ દૂર થવી જોઈએ.

હાને કહ્યું કે, આને રોકવાનો એકમાત્ર રસ્તો એ છે કે દરેક સાંસદ સંસદ ભવન આવે અને પોતાના અંતરાત્માના આધારે મતદાન કરે. દક્ષિણ કોરિયામાં વિરોધ પક્ષ ડીપીકે રાષ્ટ્રપતિને પદ પરથી હટાવવા માટે બીજી વખત મહાભિયોગ પ્રસ્તાવ લાવી શકે છે. આ પ્રસ્તાવ શનિવારે લાવવામાં આવી શકે છે.