રોંગ સાઈડમાં થાર ચલાવવી બાદશાહને પડી ભારે!: ટ્રાફિક નિયમો તોડવા બદલ પોલીસે 3 કલમો લગાવી અને ₹15,500નો મેમો ફાટ્યો; કરણ ઔજલાના કોન્સર્ટમાં જઈ રહ્યો હતો રેપર

હરિયાણાના ગુરુગ્રામમાં, પોલીસે રેપર બાદશાહની માલિકીના થાર ગાડી પર 15,500 રૂપિયાનો મેમો જારી કર્યો. થાર ગાડી રોંગ સાઈડમાં જઈ રહી હતી. આ થાર કાર બાદશાહની માલિકીની નથી. ટ્રાફિકના નિયમો તોડવા બદલ પોલીસે 3 કલમો લગાવી છે.

બાદશાહ રવિવારે (15 ડિસેમ્બર) ગુરુગ્રામના સેક્ટર-68માં કરણ ઔજલાના કોન્સર્ટમાં આવ્યો હતો. આ દરમિયાન તેમના કાફલામાં સામેલ વાહનો રોંગ સાઈડથી લઈ જવામાં આવી રહ્યા હતા. આ પછી લોકોએ સોશિયલ મીડિયા પ્લેટફોર્મ X પર પ્રશ્નો ઉઠાવ્યા. આ પોસ્ટ વાઇરલ થતાં પોલીસે કાર્યવાહી હાથ ધરી હતી.

લોકોએ થાર વાહનનો વીડિયો બનાવ્યો હતો જેમાં બાદશાહ રોંગ સાઈડમાં મુસાફરી કરી રહ્યો હતો.

પાણીપતના એક યુવકના નામે થાર નોંધાયેલી છે. ગુરુગ્રામ ટ્રાફિક પોલીસે 16મી ડિસેમ્બરે થાર વાહન પર 15,500 રૂપિયાનું ચલણ જારી કર્યું હતું. આ ઉપરાંત સીસીટીવી ફૂટેજ પણ કબજે કર્યા હતા. પોલીસ સૂત્રોના જણાવ્યા પ્રમાણે બાદશાહ જે કાળા રંગની થાર કારમાં મુસાફરી કરી રહ્યો હતો તે પાણીપતના યુવકના નામે નોંધાયેલ છે.

યુઝર્સે પ્રશ્નો ઉઠાવ્યા ગુરુગ્રામ પોલીસે પણ જવાબ આપ્યો અને કહ્યું કે પોલીસે આ વાહનોને ખોટી દિશામાં ચલાવવા બદલ મેમો આપવામાં આવ્યો છે. પોલીસે જણાવ્યું કે, પોલીસે વાહનમાં સંગીત વગાડવું, રોંગ સાઈડમાં વાહન ચલાવવું અને બેફામ ડ્રાઈવિંગ કરવા સામે કાર્યવાહી હાથ ધરી છે.

ગુરુગ્રામ પોલીસે યુઝરને જવાબ આપ્યો