32 મિનિટ પેહલા
- કૉપી લિંક
દિગ્ગજ એક્ટ્રેસ ઝીનત અમાને હાલમાં જ દિવંગત એક્ટર ફિરોઝ ખાન વિશે એક ખુલાસો કર્યો છે. તેમણે જણાવ્યું કે ફિલ્મ ‘કુર્બાની’ના સેટ પર મોડું થવાના કારણે ફિરોઝ ખાને પોતાનો પગાર કાપી નાખ્યો હતો. હવે ફિરોઝ ખાનના પુત્ર ફરદીન ખાને તેમને આ અંગે જવાબ આપ્યો છે.
તેમણે લખ્યું- આંટી, જો આશ્વાસન હોય તો પરિવારને પણ બક્ષવામાં ન આવ્યું ન હતું. અમને પણ ફક્ત 25 ટકા જ પ્રમાણભૂત કુટુંબ ડિસ્કાઉન્ટ મળતું હતું. ખાન સાબને તમારી પોસ્ટ પસંદ આવી જ હશે. તેઓ જોરથી હસતા જ હશે. ઝીનતે તેમના ઈન્સ્ટાગ્રામ પર પોસ્ટ શેર કરતી વખતે પર્પલ હાર્ટ ઈમોજી પોસ્ટ કરી છે.
ઝીનત અમાને ફિરોઝ ખાન માટે એક પોસ્ટ શેર કરી હતી
ઝીનતે ફિરોઝ ખાન સાથે એક તસવીર શેર કરી હતી. પોસ્ટમાં તેમણે અભિનેતાના વખાણ કર્યા હતા અને કહ્યું હતું કે તે એકમાત્ર વ્યક્તિ છે જેની પાસે ‘રિજ’ છે. ‘રિજ’ એટલે ‘કરિશ્મા’. તેમણે લખ્યું કે જો મેં ક્યારેય કોઈમાં ‘રિજ’ જોયું છે તો તે ફિરોઝ ખાન છે. તેઓએ 70 ના દાયકામાં તેમના સંબંધોના પ્રારંભિક તબક્કા વિશે વાત કરી.
ફિરોઝે ઝીનતને એક નાનકડો રોલ ઓફર કર્યો હતો. ભૂમિકા નાની હોવાથી અભિનેત્રીએ ના પાડી હતી. આ પછી ફિરોઝ ગુસ્સે થઈ ગયા અને ફોન પર જ ઝીનત પર ગુસ્સાથી લાલચોળ થયા હતા. ઘણા મહિનાઓ પછી તેમણે ફરીથી ફોન કર્યો. આ વખતે તેમણે તેમને મુખ્ય ભૂમિકાની ઓફર કરી અને રિજેક્ટ ન કરવા માટે કહ્યું હતું.
આ જ પોસ્ટમાં ઝીનતે આખી રાત પાર્ટી કર્યા બાદ ફિલ્મના સેટ પર મોડી પહોંચવાની સ્ટોરી શેર કરી હતી. ફિરોઝ ખાને સેટ પર મોડા આવવા બદલ ઝીનત અમાનના પૈસા કાપી લીધા હતા. આ પછી પણ એક્ટ્રેસે ફિરોઝને શાંત અને તેજસ્વી વ્યક્તિ ગણાવ્યા હતા. અભિનેત્રીએ કહ્યું કે ફિલ્મ ‘કુર્બાની’માં કામ કરવું એ તેમની કારકિર્દીનો પ્રિય અનુભવ છે.
ઝીનતે લખ્યું- હું સેટ પર એક કલાક મોડી પહોંચી હતી. ફિરોઝ ખાન કેમેરાની પાછળ ઊભા હતા. હું તેમને કોઈ બહાનું આપી શકું તે પહેલાં તેણે મને અટકાવી હતી. તેમણે કહ્યું- બેગમ, તમે મોડા આવ્યા છો અને તમારે તેમની કિંમત ચૂકવવી પડશે. કોઈ દલીલ નહીં કોઈ ગુસ્સોનહીં, પરંતુ એક કલાક મોડા પહોંચવા માટે ફિરોઝે મારા પગારમાંથી પૈસા કાપીને ક્રૂને ચૂકવ્યા હતા.
અત્રે ઉલ્લેખનીય છે કે, 1980માં રિલીઝ થયેલી ફિલ્મ ‘કુર્બાની’એ તે દાયકામાં સૌથી વધુ કમાણી કરવાનો રેકોર્ડ બનાવ્યો હતો. આ ફિલ્મમાં ફિરોઝ ખાન, વિનોદ ખન્ના અને ઝીનત અમાન મુખ્ય ભૂમિકામાં હતા.
