નવી દિલ્હી17 મિનિટ પેહલા
- કૉપી લિંક
ભાગેડુ બિઝનેસમેન વિજય માલ્યાએ એન્ફોર્સમેન્ટ ડિરેક્ટોરેટ એટલે કે ED પાસે રાહતની માગ કરી છે. માલ્યાએ પોતાના એક્સ હેન્ડલ પર લખ્યું છે કે, ED અને બેંકે તેમના દ્વારા લેવામાં આવેલી લોનની બમણી રકમ વસૂલ કરી છે.
માલ્યાએ કહ્યું, ડેટ રિકવરી ટ્રિબ્યુનલે કિંગફિશર એરલાઇન્સ (KFA)નું ઋણ રૂ. 6203 કરોડનું અનુમાન લગાવ્યું છે, જેમાં રૂ. 1200 કરોડનું વ્યાજ પણ સામેલ છે, પરંતુ બેંકોએ 14,130 કરોડથી વધુની વસૂલાત કરી છે.
વિજય માલ્યાએ X પર શું લખ્યું…
- નાણામંત્રીએ કહ્યું કે. ED દ્વારા બેંકે 6203 કરોડ રૂપિયાની લોનને બદલે મારી પ્રોપર્ટી વેચીને 14,131.6 કરોડ રૂપિયા વસૂલ કર્યા છે અને હું હજુ પણ આર્થિક અપરાધી છું.
- જ્યાં સુધી ઇડી અને બેંક કાયદેસર રીતે સાબિત નહીં કરે કે તેઓએ કેવી રીતે બમણાથી વધુ લોન વસૂલ કરી, હું રાહતનો હકદાર છું અને હું તેના માટે પ્રયત્નશીલ રહીશ.
- KFA ખાતે લોનની બાંયધરી આપનાર તરીકે મેં જે કહ્યું છે તે બધું કાયદેસર રીતે ચકાસી શકાય છે. હજુ પણ ચુકાદાની તારીખ પહેલા અને પછી રૂ. 8000 કરોડથી વધુની વસૂલાત કરવામાં આવી છે.
- મેં ક્યારેય કોઈની પાસેથી એક પણ રૂપિયો ઉધાર લીધો નથી કે ચોર્યો નથી, પરંતુ KFAની લોનના ગેરેન્ટર તરીકે CBIએ મારા પર IDBI બેંકના અધિકારીઓ સાથે મિલીભગત કરીને બેંકમાંથી રૂ. 900 કરોડની લોન લેવા માટે છેતરપિંડી કરવાનો આરોપ મૂક્યો છે.
- IDBIની ક્રેડિટ કમિટી અને બોર્ડે તે લોનને મંજૂરી આપી હતી. સમગ્ર લોન અને વ્યાજ ચૂકવવામાં આવ્યું હતું. શા માટે 9 વર્ષ પછી છેતરપિંડી અને ભંડોળના ગેરઉપયોગના કોઈ નિર્ણાયક પુરાવા નથી?
નાણામંત્રીએ કહ્યું હતું- ભાગેડુઓ પાસેથી ₹22,280 કરોડ વસૂલવામાં આવ્યા બે દિવસ પહેલા નાણામંત્રી નિર્મલા સીતારમણે સંસદમાં કહ્યું હતું કે, બેંકોએ વિજય માલ્યાની પ્રોપર્ટી વેચીને 14,130 કરોડ રૂપિયાથી વધુની વસૂલાત કરી છે.
આ સિવાય ઇડી અને બેંકોએ ભાગેડુ હીરા વેપારી નીરવ મોદી પાસેથી રૂ. 1,052.58 કરોડ અને મેહુલ ચોક્સી અને અન્યો પાસેથી રૂ. 2,565.90 કરોડ સહિત કુલ રૂ. 22,280 કરોડની વસૂલાત કરી છે.
વિજય માલ્યા 2016માં ભારતથી ભાગી ગયો હતો કિંગફિશર એરલાઇન્સ સંબંધિત નાણાકીય ગેરરીતિઓના આરોપો વચ્ચે ઉદ્યોગપતિ અને ભૂતપૂર્વ સાંસદ વિજય માલ્યા 2016માં ભારત છોડીને યુકે ભાગી ગયો હતો. 5 જાન્યુઆરી, 2019ના રોજ વિજય માલ્યાને ભાગેડુ જાહેર કરવામાં આવ્યો હતો. માલ્યા સામે છેતરપિંડી અને મની લોન્ડરિંગના કેસ પેન્ડિંગ છે. ભારત સરકાર તેને દેશમાં પરત લાવવાનો પ્રયાસ કરી રહી છે.
મેહુલ ચોક્સી પર 14 હજાર કરોડથી વધુના કૌભાંડનો આરોપ ગીતાંજલિ જેમ્સના પૂર્વ ચેરમેન મેહુલ ચોક્સી અને નીરવ મોદી પર મુંબઈમાં પંજાબ નેશનલ બેંકની બ્રેડી હાઉસ શાખામાં 14 હજાર કરોડ રૂપિયાથી વધુના કૌભાંડનો આરોપ છે. બેંક અધિકારીઓ સાથે મળીને 2011 અને 2018 વચ્ચે નકલી લેટર્સ ઓફ અંડરટેકિંગ્સ (LOU) દ્વારા વિદેશી ખાતામાં રકમ ટ્રાન્સફર કરવામાં આવી હતી. અત્યારે બંને દેશની બહાર છે.
2017માં એન્ટિગુઆ-બાર્બુડાની નાગરિકતા લીધી મેહુલ ચોક્સી જાન્યુઆરી 2018માં વિદેશ ભાગી ગયો હતો. બાદમાં જાણવા મળ્યું કે, તેણે 2017માં જ એન્ટિગુઆ-બાર્બુડાની નાગરિકતા લીધી હતી. આ કૌભાંડની તપાસ કરી રહેલી સેન્ટ્રલ બ્યુરો ઓફ ઇન્વેસ્ટિગેશન (CBI) અને એન્ફોર્સમેન્ટ ડિરેક્ટોરેટ (ED) જેવી એજન્સીઓ ચોક્સીના પ્રત્યાર્પણનો પ્રયાસ કરી રહી છે.
મેહુલ ચોક્સીએ ખરાબ તબિયતને ટાંકીને ભારતમાં હાજર થવાનો ઇનકાર કર્યો છે. કેટલીકવાર તેની હાજરી વીડિયો કોન્ફરન્સિંગ દ્વારા જ થાય છે. ભારતમાં તેની ઘણી મિલકતો પણ જપ્ત કરવામાં આવી છે.
