7 મિનિટ પેહલા
- કૉપી લિંક
આમિર ખાનની પુત્રી આયરા ખાન હાલમાં પરિવાર અને મિત્રો સાથે ઉદયપુરના તાજ લેક પેલેસમાં છે. તેમના ડેસ્ટિનેશન વેડિંગના ફંક્શન અહીં 10 જાન્યુઆરી સુધી ચાલશે.
આ દરમિયાન આયરાની મહેંદી સેરેમનીના કેટલાક વીડિયો સોશિયલ મીડિયા પર વાઇરલ થયા છે. આ વીડિયોમાં આમિર ખાન તેની બીજી પૂર્વ પત્ની કિરણ રાવ અને નાના પુત્ર આઝાદ સાથે ડાન્સ કરતો જોવા મળે છે.
આ ફંક્શન આમિરના ઘરે જ થયું હતું.
વીડિયોમાં આમિરની બહેનો, મોટો દીકરો જુનૈદ ખાન અને આમિરની પહેલી પૂર્વ પત્ની રીના દત્તા પણ જોવા મળે છે. ફંક્શનમાં પરફોર્મ કરનાર સિંગર આશુ શર્માએ આ વીડિયો સોશિયલ મીડિયા પર શેર કર્યો છે. આ ફંક્શન થોડા દિવસો પહેલાં આમિરના ઘરે થયું હતું.
કિરણ અને રીનાએ સાથે ડાન્સ કર્યો હતો
વાઇરલ થયેલા વીડિયોમાં આમિરની પૂર્વ પત્ની કિરણ અને રીના પણ સાથે ડાન્સ કરતી જોવા મળી હતી. આ સિવાય આમિર અને તેમના પરિવારના અન્ય સભ્યોએ પણ ખૂબ ડાન્સ કર્યો હતો. અન્ય એક વીડિયોમાં આમિર તેમના મોટા પુત્ર જુનૈદને ડાન્સ કરવા માટે સમજાવતો જોવા મળે છે.
આયરાએ મિત્રોને મેકઅપ કાઢવા માટે બોલાવ્યા
બીજી તરફ, આયરા પોતે પણ તેના સોશિયલ મીડિયા એકાઉન્ટ પર ઉદયપુરની વાત શેર કરી રહી છે. રવિવારે એક સ્ટોરી શેર કરતી વખતે તેમણે લખ્યું – ‘હું રાહ જોઈ રહી છું કે મારા મિત્રો આવે અને મને ઠપકો આપે કે મેં હજી સુધી મારો મેકઅપ નથી કાઢ્યો.’
આયરાએ 3 જાન્યુઆરીએ મુંબઈમાં યોજાયેલા વેડિંગ ફંક્શનની કેટલીક તસવીરો પણ શેર કરી છે. મોટા ભાઈ જુનૈદ સાથેનો ફોટો શેર કરતા તેમણે લખ્યું – ‘આખરે અમારી સાથેનો એક ફોટો આવી ગયો.’ આયરાએ બીજા ઘણા જૂના ફોટા શેર કર્યા છે. જરા જોઈ લો…
આયરા-નુપુરે મિત્રો સાથે વર્કઆઉટ કરાવ્યું
શનિવારે આયરાએ એક પોસ્ટ શેર કરી હતી જેમાં જણાવ્યું હતું કે તે અને નુપુર તેમના મિત્રો અને પરિવારના સભ્યોને તેમના લગ્નમાં હાજરી આપવા માટે વર્કઆઉટ કરી રહ્યાં છે. આ પોસ્ટ પર નૂપુરને ટેગ કરતાં આયરાએ પૂછ્યું, ‘શું આપણે વધારે વર્કઆઉટ કર્યા વિના લગ્ન કરી શકીએ?’
પરિવારના સભ્યોએ તાજ લેક પેલેસમાં ડાન્સ કર્યો, નુપુરે ડિનરમાં ગીત ગાયું
ઉદયપુરના તાજ લેક પેલેસમાં પહોંચ્યા પછી આયરાના સાસુ પ્રિતમ શિખરે અને પિતરાઈ બહેન જેન મેરીએ સ્થાનિક કલાકારો સાથે ફિલ્મ ‘પીકે’ના ગીત પર ડાન્સ કર્યો. આ દરમિયાન આયરા તેના ફોનમાંથી એક વીડિયો રેકોર્ડ કરતી જોવા મળી હતી. સાંજે પણ પરિવારના સભ્યોએ સ્થાનિક કલાકારોના સંગીત સાથે ડિનરની મજા માણી હતી. આ દરમિયાન આયરાના પતિ નુપુર પણ ગીત ગાતા જોવા મળ્યા હતા.
13 જાન્યુઆરીએ મુંબઈમાં ગ્રાન્ડ રિસેપ્શન યોજાશે
13 જાન્યુઆરીએ મુંબઈના Jio વર્લ્ડ સેન્ટરમાં ભવ્ય રિસેપ્શન યોજાશે. આ રિસેપ્શનમાં સલમાન, શાહરૂખ, અમિતાભ બચ્ચન સાથે ફિલ્મ ઈન્ડસ્ટ્રીની ઘણી મોટી હસ્તીઓ હાજરી આપી શકે છે.
જિયો વર્લ્ડ સેન્ટર, મુંબઈ આયરા-નુપુરનું અહીં ભવ્ય રિસેપ્શન યોજાશે
કોણ છે નૂપુર શિખરે? 17 ઓક્ટોબર 1985ના રોજ જન્મેલો નૂપુર શિખરે વ્યવસાયે સેલિબ્રિટી ફિટનેસ ટ્રેનર છે. તેનો પરિવાર પુણેમાં રહે છે, તેમનાં માતા ડાન્સ ટીચર હતાં. નૂપુર છેલ્લા ઘણા સમયથી મુંબઈમાં રહે છે. થોડા વર્ષો પહેલાં નૂપુર આયરાનો ફિટનેસ ટ્રેનર હતો. સાથે સમય વિતાવતા બંને એકબીજાના પ્રેમમાં પડી ગયા, ત્યારબાદ નવેમ્બર 2022માં નૂપુરે એક ઈવેન્ટ દરમિયાન આયરાને વીંટી પહેરાવીને લગ્ન માટે પ્રપોઝ કર્યું હતું. હવે આ કપલે 3 જાન્યુઆરીએ રજિસ્ટર્ડ મેરેજ કર્યા છે.
