શાહિદ કપૂરની કરીના કપૂર સાથેની તસવીર વાઇરલ: બંનેને એક ફ્રેમમાં જોઈને ફેન્સ થયા ખુશ, કહ્યું- આજે ફરી ગીત-આદિત્ય યાદ આવ્યા

મુંબઈની ધીરુભાઈ અંબાણી ઈન્ટરનેશનલ સ્કૂલમાં એન્યુઅલ ડેનું આયોજન કરવામાં આવ્યું હતું, જેમાં ફિલ્મ સ્ટાર્સ તેમના બાળકોને સપોર્ટ કરવા આવ્યા હતા. આ દરમિયાન સોશિયલ મીડિયા પર એક તસવીર વાઇરલ થઈ છે, જેમાં શાહિદ કપૂર કરીના કપૂરની પાછળ બેઠેલો જોવા મળી રહ્યો છે. આ જોઈને ચાહકોને ફરી એકવાર ફિલ્મ ‘જબ વી મેટ’નું ગીત અને આદિત્ય યાદ આવી ગયા.

વાસ્તવમાં, આ ઇવેન્ટમાં કરીના કપૂર તેના પુત્રો તૈમૂર અને જેહને ચીયર કરવા પહોંચી હતી, જ્યારે તેની પાછળ બેઠેલો શાહિદ કપૂર તેની પુત્રી મિશાને સપોર્ટ કરવા આવ્યો હતો.

તે જ સમયે, ચાહકો આ વાઇરલ થયેલી તસવીર પર ઉત્સાહપૂર્વક ટિપ્પણી કરી રહ્યા છે. એક યુઝરે લખ્યું, ‘આ તસવીર ખૂબ જ સારી છે – બેબો અને શાહિદ એક જ ફ્રેમમાં!’ બીજાએ લખ્યું, ‘ગીત અને આદિત્ય તેમના બાળકોને પોતપોતાના પાર્ટનર સાથે જોઈ રહ્યા છે.’, ત્રીજા યુઝરે લખ્યું, ‘શાહિદનો ચહેરો બધુ કહી રહ્યો છે.’

કરીના કપૂરે 2000માં ઈન્ડસ્ટ્રીમાં એન્ટ્રી કરી હતી. શાહિદે 2003માં ડેબ્યૂ કર્યું હતું. બંનેએ પહેલીવાર ફિલ્મ ‘ફિદા’ (2004)માં સાથે કામ કર્યું હતું. બંને પહેલીવાર ‘ફિદા’ના સેટ પર મળ્યા હતા. આ તે સમય હતો જ્યારે કરીનાની ગણતરી સફળ અભિનેત્રીઓમાં થતી હતી અને શાહિદે ઇન્ડસ્ટ્રીમાં પોતાની કારકિર્દીની શરૂઆત જ કરી હતી.

આ પછી બંને ફરી એકબીજાને ડેટ કરવા લાગ્યા. પરંતુ 2007માં ફિલ્મ ‘જબ વી મેટ’ રિલીઝ થઈ ત્યાં સુધીમાં તેઓ એકબીજાથી અલગ થઈ ગયા. કરીના કપૂર અને સૈફ અલી ખાનના લગ્ન 16 ઓક્ટોબર, 2012ના રોજ થયા હતા. જ્યારે શાહિદ કપૂર અને મીરા રાજપૂતના લગ્ન પંજાબી રીતિ-રિવાજ મુજબ 7 જુલાઈ 2015ના રોજ થયા હતા.