આરાધ્યાનું પરફોર્મન્સ જોઈને અમિતાભ બચ્ચન ભાવુક થયા: કહ્યું- માતા-પિતાની હાજરીમાં બાળકો બેસ્ટ પરફોર્મન્સ આપે તે ખુશીની વાત છે; ઐશ્વર્યા-અભિષેકે પણ સાથે ડાન્સ કર્યો

આરાધ્યા બચ્ચન તાજેતરમાં ધીરુ ભાઈ અંબાણી સ્કૂલના એન્યુઅલ ફંક્શનમાં આયોજિત એક નાટકનો ભાગ હતી, જેની તસવીરો અને વીડિયો સોશિયલ મીડિયા પર હેડલાઈન્સમાં છે. ઐશ્વર્યા રાય બચ્ચન અને અભિષેક બચ્ચન તેમની પુત્રીને પ્રોત્સાહિત કરવા માટે સાથે આવ્યા હતા. હવે આરાધ્યાના દાદા અમિતાભ બચ્ચને પણ તેના વખાણ કર્યા છે.

અમિતાભ બચ્ચને શુક્રવારે સાંજે પોતાના બ્લોગમાં આરાધ્યાના અભિનયની પ્રશંસા કરી હતી અને લખ્યું હતું કે, ‘બાળક, તેની નિર્દોષતા અને માતા-પિતાની હાજરીમાં પોતાનું શ્રેષ્ઠ પ્રદર્શન કરવાની ઈચ્છા કેટલી આનંદદાયક છે. અને જ્યારે તેઓ હજારો લોકો સાથે તમારા માટે પ્રદર્શન કરે છે, ત્યારે તે સૌથી આનંદદાયક અનુભવ હોય છે. આજે પણ એવું જ થયું. અમિતાભ બચ્ચને પણ પોતાની પોસ્ટમાં જણાવ્યું છે કે તેઓ એક દિવસનો આરામ કરીને કામ પર પાછા ફરવાના છે.

ઐશ્વર્યા અને અભિષેક તેમની પુત્રી માટે સાથે પહોંચ્યા, સાથે ડાન્સ કર્યો હાલમાં જ એક સ્કૂલ ફંક્શનનો એક વીડિયો સામે આવ્યો છે, જેમાં ઐશ્વર્યા રાય અને અભિષેક બચ્ચન બાળકોના પરફોર્મન્સ બાદ સાથે ડાન્સ કરતા જોવા મળે છે. આ દરમિયાન શાહરૂખ ખાને પણ સ્કૂલના બાળકો સાથે જોરશોરથી ડાન્સ કર્યો હતો.

ઐશ્વર્યા અમિતાભ બચ્ચન સાથે બેઠી હતી ઐશ્વર્યા રાય, અભિષેક બચ્ચન, અમિતાભ બચ્ચન અને ઐશ્વર્યાની માતા વૃંદા પણ આરાધ્યાનું પર્ફોર્મન્સ જોવા પહોંચ્યા હતા. ફંક્શનમાંથી ઘણી તસવીરો સામે આવી છે, જેમાં ઐશ્વર્યા બિગ બી સાથે ઉભેલી જોવા મળી રહી છે.

છૂટાછેડાના સમાચાર પછી આ પહેલીવાર છે જ્યારે બિગ બી અને ઐશ્વર્યા સાથે જોવા મળ્યા છે.

ઐશ્વર્યા અને અભિષેકની તસવીરો સોશિયલ મીડિયા પર વાઇરલ થવાનું એક કારણ એ છે કે તેમના છૂટાછેડાના સમાચાર છેલ્લા કેટલાક દિવસોથી હેડલાઇન્સમાં હતા. જો કે, હવે દંપતીએ તેમની પુત્રી માટે સાથે શાળાએ પહોંચીને છૂટાછેડાના સમાચાર પર પૂર્ણવિરામ મૂક્યું છે. ઐશ્વર્યા અને અમિતાભની તસવીરો એ પણ સ્પષ્ટ કરે છે કે બચ્ચન પરિવાર અને ઐશ્વર્યા વચ્ચે કોઈ અંતર નથી.