મુંબઈ30 મિનિટ પેહલા
- કૉપી લિંક
પૂર્વ ક્રિકેટર વિનોદ કાંબલીએ મંગળવારે કહ્યું કે, તે હવે સારું અનુભવી રહ્યો છે. કાંબલીએ હોસ્પિટલના બેડ પર ‘વી આર ધ ચેમ્પિયન…વી વિલ બેક’ ગીત પણ ગાયું હતું. તેણે લોકોને સલાહ આપી કે દારૂ ન પીવો, તમારા પરિવારને તે પસંદ નહીં આવે.
52 વર્ષીય પૂર્વ ક્રિકેટરે કહ્યું- ‘હું ક્રિકેટને ક્યારેય નહીં છોડીશ, કારણ કે મને યાદ છે કે મેં કેટલી સદી અને બેવડી સદી ફટકારી છે. હું સચિન તેંડુલકરનો આભારી છું, કારણ કે તેમના આશીર્વાદ હંમેશા મારી સાથે રહ્યા છે.
કાંબલીની તબિયત બગડતાં 21 ડિસેમ્બરની મોડી રાત્રે તેને થાણેની હોસ્પિટલમાં દાખલ કરવામાં આવ્યો હતો. મેડિકલ રિપોર્ટમાં તેના મગજમાં ક્લોટીંગ હોવાનું બહાર આવ્યું હતું. હાલમાં જ તે કોચ રમાકાંત આચરેકરના કાર્યક્રમમાં જોવા મળ્યો હતો. સચિન તેંડુલકર સાથેનો તેનો વીડિયો પણ વાઇરલ થયો હતો. કાંબલીને 2013માં હાર્ટ-એટેક પણ આવ્યો હતો. ત્યાર બાદ તેંડુલકરે તેની હાર્ટ સર્જરી કરાવી.
કાંબલીની તબિયત બગડતાં 21 ડિસેમ્બરની મોડી રાત્રે તેને થાણેની હોસ્પિટલમાં દાખલ કરવામાં આવ્યો હતો.
ડોક્ટરોનો આભાર માન્યો વીડિયોમાં તમે જોઈ શકો છો કે, વિનોદ કાંબલી હોસ્પિટલમાં બેડ પર સુતો હસતો જોવા મળે છે. તેણે કહ્યું કે, હું અહીંના ડોક્ટરોના કારણે જીવિત છું. હું એટલું જ કહીશ કે સાહેબ (ડૉક્ટર) મને જે કહેશે, હું તે કરીશ. લોકો જોશે કે હું તેમને શું શીખવીશ. સચિન વિશે બોલતા તેણે કહ્યું કે, તે લંડન ગયો હતો, પરંતુ તેને ખબર પડશે અને તેને તમે લોકો જ કહેશો.
ડોક્ટરે કહ્યું- કાંબલીના સ્વાસ્થ્ય પર સતત નજર રાખવામાં આવી રહી છે કાંબલીની સારવાર કરી રહેલા ડો.વિવેક ત્રિવેદીએ જણાવ્યું કે, કાંબલીના સ્વાસ્થ્ય પર સતત નજર રાખવામાં આવી રહી છે. અમારી ટીમ મંગળવારે વધારાની તબીબી તપાસ કરશે. ત્રિવેદીએ એમ પણ કહ્યું કે, હોસ્પિટલના ઈન્ચાર્જ એસ સિંઘે નિર્ણય લીધો છે કે કાંબલીની આખી જિંદગી અમારી હોસ્પિટલમાં મફતમાં સારવાર કરવામાં આવશે.
કાંબલીને થાણેની આકૃતિ હોસ્પિટલમાં દાખલ કરવામાં આવ્યો છે.
એન્કરે સચિનનો હાથ છોડાવ્યો હતો કાંબલી 4 ડિસેમ્બરે કોચ આચરેકરના ફંક્શનમાં જોવા મળ્યો હતો. આમાં તેણે સચિનનો હાથ જોરથી પકડી રાખ્યો છે. પછી એન્કર આવે છે અને કાંબલીને તેનો હાથ છોડવા સમજાવે છે. અંતે સચિન તેનાથી દૂર જાય છે. અહીં કાંબલીના ચહેરા પર નિરાશા દેખાઈ રહી છે.
ક્રિકેટ કોચ રમાકાંત આચરેકરનો સમારોહ મુંબઈમાં યોજાયો હતો. આમાં કાંબલી સચિન તેંડુલકરને મળ્યો હતો.
4 મહિના પહેલા કાંબલીનો એક વીડિયો સામે આવ્યો હતો, જેમાં તે ચાલી શકતો નથી.
કાંબલીની કારકિર્દી: 17 ટેસ્ટ મેચોમાં 1084 રન બનાવ્યા
- કાંબલીએ 1991માં વનડે અને 1993માં ટેસ્ટ ડેબ્યૂ કર્યું હતું. તે 14 ઇનિંગ્સમાં સૌથી ઝડપી 1000 ટેસ્ટ રન બનાવનાર બેટ્સમેન હતો.
- ભારતીય ટીમ માટે 17 ટેસ્ટ મેચોમાં કુલ 1084 રન બનાવ્યા. જેમાં 4 સદી અને 3 અડધી સદી સામેલ છે.
- 104 ODI મેચોમાં કુલ 2477 રન બનાવ્યા, જેમાં 2 સદી અને 14 અડધી સદી સામેલ છે. 2000ના દાયકામાં તેનું પ્રદર્શન ખૂબ જ ખરાબ હતું અને તેના કારણે તેને ટીમ ઈન્ડિયામાંથી બહાર કરવામાં આવ્યો હતો. તેણે ટીમ ઈન્ડિયા માટે તેની છેલ્લી વનડે મેચ વર્ષ 2000માં શ્રીલંકા સામે રમી હતી.
જ્યારે મેદાન પર રડ્યો હતો કાંબલી 13 માર્ચ, 1996ના રોજ કોલકાતાના ઈડન ગાર્ડનમાં ભારત અને શ્રીલંકા વચ્ચે વર્લ્ડ કપની સેમીફાઈનલ રમાઈ હતી. શ્રીલંકાએ 251 રન બનાવ્યા હતા. જવાબમાં ભારતીય ટીમ 98 રનમાં એક વિકેટ ગુમાવીને એક સમયે સારી સ્થિતિમાં હતી, પરંતુ સચિનના આઉટ થયા બાદ ટીમનો બેટિંગ ઓર્ડર પડી ગયો હતો. ટીમ ઈન્ડિયાએ 120 રનમાં 8 વિકેટ ગુમાવી દીધી હતી.
આ 35મી ઓવર હતી અને ભારતીય ટીમને 156 બોલમાં 132 રનની જરૂર હતી. વિનોદ કાંબલી 10 અને અનિલ કુંબલે ખાતું ખોલાવ્યા વગર જ ક્રિઝ પર હાજર હતા. આ પછી દર્શકોએ મેદાન પર બોટલો ફેંકવાનું શરૂ કર્યું. સ્ટેડિયમના એક ભાગમાં આગ લાગી હતી. મેચ અટકાવી દેવામાં આવી અને શ્રીલંકાને વિજેતા જાહેર કરવામાં આવી. ત્યાર બાદ મેદાનમાંથી પરત ફરતી વખતે કાંબલી રડવા લાગ્યો હતો.
મેચ પૂરી થયા બાદ અણનમ રહેલો કાંબલી મેદાન પર જ રડવા લાગ્યો હતો.
કાંબલીએ 2 લગ્ન કર્યા, ફિલ્મોમાં પણ કામ કર્યું કાંબલીએ બે વાર લગ્ન કર્યા. પ્રથમ લગ્ન નોએલા સાથે અને બીજા લગ્ન ફેશન મોડલ એન્ડ્રીયા હેવિટ સાથે થયા હતા. જૂન 2010માં એન્ડ્રીયાએ કાંબલીના પુત્ર, જીસસ ક્રિસ્ટિયાનોને જન્મ આપ્યો. 2000માં ક્રિકેટમાંથી સંન્યાસ લીધા બાદ કાંબલી પણ ફિલ્મો તરફ વળ્યો.
2002માં સંજય દત્ત, સુનીલ શેટ્ટી અને પ્રીતિ ઝાંગિયાની અભિનીત ફિલ્મ ‘અનર્થ’ રિલીઝ થઈ હતી. રવિ દીવાન દ્વારા નિર્દેશિત આ ફિલ્મ ખરાબ રીતે ફ્લોપ રહી હતી. 2009માં કાંબલીએ ફરીથી પલ પલ દિલ કે સાથ નામની ફિલ્મ કરી. વીકે કુમાર દ્વારા નિર્દેશિત આ ફિલ્મમાં કાંબલીના ભૂતપૂર્વ ક્રિકેટર મિત્રો અજય જાડેજા અને માહી ગિલ હતા, પરંતુ આ ફિલ્મ પણ દર્શકોના દિલ જીતી શકી ન હતી.
